ଆଉ କିଛି ପ୍ରଭୁ ଲୋଡ଼ା ନାହିଁ ମୋର
ତୁମେ ସାଥ ହେଲେ, ଚଲା ପଥେ ମୋର (ଘୋଷା)
ତୁମେ ହିଁ ପଥ ତୁମେ ହିଁ ସତ୍ୟ
ତୁମେ ଜୀବନ ମୋର ହେ ନିତ୍ୟ (୨ ଥର)
ଆସିଛି ତୁମ ପାଶେ ମୋତେ ହେ ନିଅ ତୋଳି
ପାପ ମୋ ସବୁ ଭୁଲି ଆଶିଷ ଦିଅ ଢ଼ାଳି
ତୁମରି କୁଶ ମୋର (୩ ଥର) ପ୍ରତୀକ ଜୀବନର … |୧ |
ତମସା ଘେରା ଜଗତ ସାରା
ଜୀବନ ପଥେ ମୁଁ ଦିଶାହରା (୨ ଥର)
ଆଲୋକ ଦିଅ ଭରି ଆହେ ଜଗତ ଜ୍ୟୋତି
ଅନ୍ଧାର ଅପସରି ଭରୁ ପରାଣେ ଶାନ୍ତି
ତୁମେ ହେ ପ୍ରଭୁ ମୋର (୩ ଥର) ଜୀବନ ନିରିଝର … |୨|
Leave a Reply to Srinusabar Cancel reply