ହେ ମୋର ମନ ସଦା ଧନ୍ୟବାଦ କର
ହେ ମୋର ମନ ସଦା
ହେ ମୋର ଅନ୍ତର ଗାଅ ନିରନ୍ତର (୨ ଥର)
ପବିତ୍ର ନାମରେ ସଦା ପ୍ରଭୁଙ୍କର … ହେ ମୋର ମନ ସଦା… (ଘୋଷା)
ତାଙ୍କୁ ଦାନ ସକଳ କେବେ ନ ପାସୋର … ତାଙ୍କ ଦାନ ସକଳ
ଯେ ତୁମ ଅଧର୍ମ ସବୁ କରି କ୍ଷମା (୨ଥର)
କରନ୍ତି ନୂତନ ଜୀବନ ପ୍ରଦାନ (୧)
ରୋଗରୁ କରି ସୁସ୍ଥ ବିନାଶରୁ ମୁକ୍ତ … ରୋଗରୁ କରି ସୁସ୍ଥ
କରୁଣାରେ ଭରା ଦୟାର କିରଟି ( ୨ ଥର)
ମସ୍ତକେ ତୋହର କରନ୍ତି ଭୁଷିତ … |୧|
ଦେଇ ନିତ୍ୟ ଆହାର କରି ମୁଖ ତୃପ୍ତ-ଦେଇ ନିତ୍ୟ ଆହାର
ଉକ୍ରୋଶର ସମ ନୂତନ ଯୌବନ (୨ ଥର)
ବଢ଼ି ଉଠେ ତହୁ ଶକତି ମୋହର… |୨|
ମୋର ଅଟେ ବିହିତ ସାଧୁବାକୁ
ଧର୍ମ କର୍ମ ଯୀଶୁଙ୍କ ମତ (ଘୋଷା)
ଯଦ୍ଦନରେ ଆପେ ସେହି ହୋଇ ଡୁବିତ
ଦେଖାଇ ଅଛନ୍ତି ମୋର ପ୍ରତି ଦୃଷ୍ଟାନ୍ତ … |୧|
ଯେଉଁ ଆମ୍ବା ଡୁବନକାଳେ ହେଲେ ପ୍ରାପ୍ତ
ମୋ ମୁଣ୍ଡ ବସନ୍ତୁ ସେହି ସ୍ଵର୍ଗ କପୋତ …|୨|
ଆଜି ଯୀଶୁଙ୍କ ମରଣେ ହୋଇ ଡୁବିତ
ପାପ ପ୍ରତି ମୃତ ଧର୍ମ ପ୍ରତି ଜୀବିତ …|୩|
ଖ୍ରୀଷ୍ଟଙ୍କ ସହିତ ହୋଇ ମୁଁ ଉତ୍ଥାପିତ
ଉପରିସ୍ଥ ବିଷୟରେ ରହୁ ମୋ ଚିତ୍ତ …|୪|
ଡୁବନରେ ପିଠେ ମୁଁ ଖ୍ରୀଷ୍ଟରୂପ ବସ୍ତ,
ତାଙ୍କ ପ୍ରେମେ ଧର୍ମାତ୍ମାରେ ବୁଡୁ ମୋ ଚିତ୍ତ.. |୫|
ଆଜି ଯେଉଁ ନିତ୍ୟ ନିୟମ ସ୍ଥିରିକୃତ,
ମୋ ମନରୁ ନ ହେଉ ତାହା ଦୂରୀଭୂତ … |୬|
ସୁସମାଚାରକୁ ନେଇ ପ୍ରତି ଗାଁକୁ ଯିବା
ମଣ୍ଡଳୀ ଠିଆ ହେବ ସଫଳ ଆମେ ହେବା
ଏହି … ଏହି ଆମରି ଲକ୍ଷ୍ୟ (୨ଥର) (ଘୋଷା)
ଆସିବ କେତେ ଝଡଝଞ୍ଜା ପଛକୁ କେବେ ନ ହଟିବା
ଆପଣା କୁଶ ବହନ କରି ଲକ୍ଷ୍ୟ ପଥ ଦେଖାଇବା
ବଢି ଚାଲିବା ଆଗେ ଆଗେ ସୁସମାଚାର ପହଞ୍ଚାଇବା … |୧|
ଖ୍ରୀଷ୍ଟ ଆମ ପ୍ରିୟ ସାଥୀ ଆମ ସଙ୍ଗେ ସଦା ରୁହନ୍ତି।
ସେ ଅଟନ୍ତି ଆମ ଶକତି ଦୂର ହେବ ସକଳ ଭୀତି
ବଢ଼ି ଚାଲିବା ଆଗେ ଆଗେ ସୁସମାଚାର ପହଞ୍ଚାଇବା … |୨|
ପାପୀଙ୍କ ନିମନ୍ତେ ପ୍ରଭୁ ସ୍ଵର୍ଗ ତେଜିଣ
ମହୀମଣ୍ଡଳେ ଲଭିଲେ ଦୁଃଖ କଷଣ (ଘୋଷା)
ସ୍ଵର୍ଗ ସୁଖ ତ୍ୟାଗ କରି, ନର ରୂପ ଦେହ ଧରି
ପ୍ରଭୁ ରାଜନ,
ଜଗଜ୍ଜନ ପାଇଁ ଆସି ମର୍ତ୍ତ୍ୟ ଭୁବନ …. |୧|
ଅବନୀରେ ହୋଇ ଜନ୍ମ ପ୍ରକାଶିଲେ ନିଜ ଧର୍ମ
ଦୟା କରିଣ,
ଅନ୍ଧକୁ ନୟନ ଦାନ, ମୃତକୁ ପ୍ରାଣ … |୨|
ଅବଶେଷେ କୁଶୋପରେ ଦୁଇ ଚୋରଙ୍କ ସଙ୍ଗରେ
ଖ୍ରୀଷ୍ଟ ରତନ,
ଯ୍ୟହୁଦୀ ଲୋକଙ୍କ ହସ୍ତେ ତେଜି ଜୀବନ …|୩|
ଆହା କି ଆଶ୍ଚର୍ଯ୍ୟ ପ୍ରେମ ଶତ୍ନ ଲାଗି ଦେଲେ ପ୍ରାଣ
ସେ ଦୟାବାନ,
କି କହିବି ତାଙ୍କ ଦୁଃଖ ଅତି ଦାରୁଣ … |୪|
ତାଙ୍କର ମରଣ କାଳେ, ଚନ୍ଦ୍ର ସୂର୍ଯ୍ୟ ସାକ୍ଷ ଦେଲେ
ଭୂ-କମ୍ପମାନ,
ମନ୍ଦିର ବିଚ୍ଛେଦବସ୍ତେ ଚିରେ ବହେନ … ।୫।
ପାପୀ ପ୍ରତି ଦୟା ବହି ନାନାମତ ଦୁଃଖ ସହି
ଭୋଗି ମରଣ,
ତିନି ଦିନେ କବରରୁ ଉଠିଲେ ପୁଣ … ।୬।
ଉତ୍ଥିତ ହୋଇ ଗଗନେ ଦେଖାଦେଇ ଶିଷ୍ୟଗଣେ
ସେ କୃପାବାନ,
ମେଘାରୂଢ଼େ ସ୍ଵର୍ଗପୁରେ କଲେ ଗମନ… ।୭।
ବୋଲ ଧନ୍ୟ ବୋଲ ଧନ୍ୟ ଯିହୋବାଙ୍କ ନାମ,
ସେ ମହତ ନାମ,
ବଂଚାଇଣ ଦେଖାଇଲେ ବରଷ ନୂତନ (ଘୋଷା)
ଗତ ସନେ ବହୁଜନ, ପାପରେ ତେଜି ଜୀବନ
ନରକେ କଲେ ଗମନ, ମୋ ପ୍ରତି କି ପ୍ରେମ… |୧|
ଅନେକ ରୋଗ ଶୋକରେ, ଅନ୍ନ ବସ୍ତ୍ର ଅଭାବରେ
ପତିତ ନାନା କ୍ଳେଶରେ, ମୁଁ ନୁହେଁ ତେସନ … |୨|
ସବଳ ସୁସ୍ଥ ଶରୀରେ ନୂଆ ବର୍ଷ ଦେଖାଇଲେ,
ସେ ଦୟା ହେଜି ମନରେ, କର ଗୁଣ ଗାନ … |୩|
ମୋର ପାପ ଅନୁସାରେ ପ୍ରତିଫଳ ସେ ନ ଦେଲେ,
ଦୟା କରି ରକ୍ଷା କଲେ, ଧନ୍ୟ ତାଙ୍କ ପ୍ରେମ … |୪|
ଏହି ନୂତନ ବରଷେ ଯେହ୍ନେ ନୂଆ ମନ ଆସେ
ଧର୍ମରୂପ ଫଳ ପୁଖେ ହୋଇ ଫଳବାନ … |୫|
ଅଫଳନ୍ତି ବୃଷ ପରି, ମୁଁ ବୃଥା ସ୍ଥାନ ଆବୋରି
ଛେଦନେ ନମ୍ର କହିଲେ, ଆଉ କିଛି ଦିନ … |୬|
ଆହେ ପ୍ରଭୁ, ମୂଳ ଖୋଳି, ଖତ ଦିଅ ଯେହ୍ନେ ଫଳି
ହୋଇ ଯୋଗ୍ୟ ତବ ପୁରୀ, ଶେଷେ ପାଇ ସ୍ଥାନ … |୭|
ମନ, ହେଜିରେ ପ୍ରଭୁ କୃପା ସଦା ଭାବ,
କରି ଧନ୍ୟବାଦ ହୋଇ ଆହ୍ଲାଦିତ
ନିରବ ତାଙ୍କୁ ସେବା … (ଘୋଷା)
ସେ ତୋହର ପାପ କରନ୍ତି ମାର୍ଜନା,
ନାଶନ୍ତି ତୋ ରୋଗ ନାନା
ଘୋର ବିପଦରୁ ବଂଚାଇଣ ପ୍ରାଣ
ନ କରନ୍ତି ଦୟା ଉଣା … |୧|
ଉତ୍ତମ ବସ୍ତୁରେ ସଦା ତୃପ୍ତ କରି
ଦିଅନ୍ତି ମଙ୍ଗଳଦାନ
ଉକ୍ରୋଶ ପକ୍ଷୀର ପରାଏ କରି
ଦିଅନ୍ତି ନୂଆ ଯୌବନ … |୨|
ଅତ୍ୟନ୍ତ ଦୟାଳୁ, କ୍ରୋଧରେ ସେ ଧୀର,
ନ କରନ୍ତି ସଦା କ୍ରୋଧ,
ପାପର ପ୍ରମାଣେ ନ ଦିଅନ୍ତି ଦଣ୍ଡ,
ଅଟନ୍ତି ପର୍ବତ ଗଡ଼ … |୩|
ଭକ୍ତ ଜନ ପ୍ରତି ତାହାଙ୍କ କରୁଣା
ସବିଦା ଥାଏ ସମାନ,
ପିତୃ ଭାବ ବହି କଟାକ୍ଷ ପକାଇ
କରୁଥାନ୍ତି ସ୍ନେହ ପ୍ରେମ … |୪|
କହଇ ଅଧମ, ଆରେ ମନ ମୋର,
ନ ପାଶୋର ତାଙ୍କ କୃପା,
ନାଶିବେ ସଙ୍କଟ, ହୋଇବ ନିକଟ,
ସଦା ଥୁବ ଅନୁକମ୍ପା .. |୫|
କରୁଣାମୟ ଆହେ କରୁଣାମୟ
କରୁଛି ତୁମକୁ ମୁଁ ଆସ୍ବାଦନ
ମୁ ଚାଖି ଜାଣିଚି ତୁମେ ପ୍ରେମମୟ … (ଘୋଷା)
ହଜାର ହଜାର ସୁନାରୁପା ଠାରୁ
ତୁମ ମୁଖର ବାକ୍ୟ ମୋ ପ୍ରତି ଉତ୍ତମ (୨ଥର)
ତୁମେ ମଙ୍ଗଳକାରୀ ମୋ ମଙ୍ଗଳମୟ
କରୁଛି ତୁମକୁ ମୁଁ ଆଶ୍ଵାଦନ … |୧|
ହଜାର ହଜାର ମଣି ମୁକ୍ତା ଠାରୁ
ତୁମରି ମଧୁର ବାକ୍ୟ ମୋ ପ୍ରତି ଉତ୍ତମ (୨ ଥର)
ତୁମେ ମଙ୍ଗଳକାରୀ, ମୋ ମଙ୍ଗଳମୟ
କରୁଛି ତୁମକୁ ମୁଁ ଆଶ୍ଵାଦନ … |୨|
ମୋହର ପ୍ରିୟତମ ଶ୍ଵେତ ଓ ରକ୍ତବର୍ଣ୍ଣ
ଦଶ ସହସ୍ର ମଧ୍ୟରେ ମୋ ପ୍ରଭୁ ପ୍ରଧାନ (୨ ଥର)
ତୁମେ ମଙ୍ଗଳକାରୀ, ମୋ ମଙ୍ଗଳମୟ
କରୁଛି ତୁମକୁ ମୁଁ ଆଶ୍ଵାଦନ … |୩|
ଭାଇରେ ଆଜି ବଡ଼ ଆନନ୍ଦ,
ମୃତ୍ୟୁଜୟୀ ମହାପ୍ରଭୁ ପରମ ଆନନ୍ଦ (ଘୋଷା)
ଟାଣପଣ ନରକର ଭାଗିଲା ଏଥର
ବଦ୍ଧ ପାପୀ ଲଭେ ପ୍ରାଣେ ମୁକତି ଆନନ୍ଦ … |୧|
ମୃତ୍ୟୁ ଶକତି ନିଦାନ ଭୀତ ଶୟତାନ
ଲୁଚିଲା ନର ଜୀବନ ମରଣ ବିଷାଦ … |୨|
ଅଗଢ଼ା ଅନନ୍ତ ଜ୍ୟୋତି ନାଶି ମୃତ୍ୟୁ-ରାତି
ମତେ ବିତରିଲାଣି ଅମୃତ-ଆନନ୍ଦ … |୩|
ପ୍ରଭୁ ( ଯୀଶୁ) ପାଦ କୋକନଦ ସୁପ୍ରେମ ମରନ୍ଦ
ପିଅରେ ଆକଣ୍ଠ ଭୋଳେ ଭକତି ମିଳନ୍ଦ … |୪|
କେମିତି ହେବି ମୁଁ ପାରିରେ ନାଉରି
ଯିବାକୁ ଅଛିରେ, ମୁଁ ତ ସେପାରି
ଯୀଶୁ ଡାକନ୍ତି ମୋତେ ହାତ ଠାରି … (ଘୋଷା)
ପାପର ସାଗରେ ଜୀବନ ନାଆରେ ପାଏ ନାହିଁ ଥଳକୁଳ
ଘନ ଅନ୍ଧକାରେ ବିଶାଳ ସାଗରେ
ହେବ କିଏ ସାହା ମୋର
ମୋ ଯୀଶୁ କହନ୍ତି ପାଇବୁ ଜୀବନ,
ବୋହିନେବେ ହାତ ଧରିରେ ନାଉରି … |୧|
ମୋହ ମାୟା ଭରା, ଏ ଦୁନିଆ ସାରା
ଦୁଇ ଦିନିଆ ଏହି ମେଳା
ମାଟିର ମଣିଷ ମାଟିରେ ମିଶିବ,
ଏହି ଏକ କଣ୍ଡେଇ ଖେଳ
ସେ ପାରି ଦୁନିଆ, ଅନନ୍ତ ନିରିମା
ଡାକେ ଅନନ୍ତ ଜୀବନ ଧରି … |୨|
ସାଥି ଯିବା ଚାଲ ଗୋ
ଯିବା ଚାଲ ବେଥଲିହିମ .. ବେଥଲିହିମ
ଦୂରେ ଚାହିଁ ଦେଖି ହସୁଛି ତାରା
ହାତ ଧରି ତୋତେ ଡାକୁଛି ପରା
ହୋଇଛନ୍ତି ଯହିଁ ଯୀଶୁ ଜନମ ଯୀଶୁ ଜନମ…. (ଘୋଷା)
ସରଗର ସୁଖ ଛାଡ଼ି ଆମ ଦୁଃଖ ନେବେ ବୋହି
ପାପୀ ପାପ ସବୁ ନେବେ ନୂଆ ଜୀବନ ସେ ଦେବେ
ତାଙ୍କ ପାଦେ ଆମେ ଭକତି ଭରି
ଜଣାଇବା ଚାଲ ଆମ ପ୍ରଣାମ … |୧|
ପୁଲକିତ ହୁଏ ଧରା ଝରେ ଆନନ୍ଦର ଧାରା
ଶୁଭେ ପ୍ରଭୁଙ୍କର ଗୀତି ଭରିଯାଏ ଶାନ୍ତି ପ୍ରୀତି
ରାଜାଙ୍କର ରାଜା ଆମ ଯୀଶୁ ରାଜା
ସେହି ଯେ ମଶୀହ ଶାନ୍ତି ପରମ … |୨|