ସାନ ସାନ ପିଲାଙ୍କୁ ଯୀଶୁ ପ୍ରେମ କରନ୍ତି;
ଡାକି ନେଇ ତାହାଙ୍କୁ ଆପେ କୋଳେ ଧରନ୍ତି
ଏବେ ମୋ ପାଇଁ ପ୍ରେମ ଦେଖାଇ
ମୋ ପାଶେ ଥାଇ ସେ କୃପା କରନ୍ତି । । ୧ ।
ଯୀଶୁ ପାଶେ ଏଠାରେ ଯେତେ ପିଲା ଯାଆନ୍ତି;
ଦେହ ପୁଣି ଆତ୍ମାରେ ଆଶୀର୍ବାଦ ପାଆନ୍ତି । ୨ ।
ପାପୀ ପାଇଁ କ୍ରୁଶରେ ଯୀଶୁ ଦୁଃଖ ସହିଲେ,
ଆପଣାର ଦେହରେ ପାପ ଭାର ବହିଲେ । ୩ ।
ଯୀଶୁ ପ୍ରାଣ ଦେବାରେ ପାପୀଙ୍କି ନିସ୍ତାରିଲେ,
ପୁଣି ତାହା ନେବାରେ ମୃତ୍ୟୁରୁ ଉଦ୍ଧାରିଲେ । ୪ ।
ତେବେ ଯାଇ ସ୍ୱର୍ଗକୁ ନିଜେ ସେ ନିବାସରେ
ସାନ ପିଲାମାନଙ୍କୁ ଜାଗା ଦେଲେ ପାଶରେ । ୫ ।
ତାଙ୍କୁ ମାନି ଏଠାରେ ମୁଁ ଉଦ୍ଧାର ପାଇବି,
ପୁଣି ଯାଇ ସେଠାରେ ଏହି ଗୀତ ଗାଇବି । ୬ ।