କେଣେ ଯାଉ ପାପୀରେ ବାରେ ଫେରି ଅନା
କାଲବରୀ ଚୂଳେ ଝରେ ରୁଧୁର ଝରଣା (ଘୋଷା)
ପାଷାଣର ବ୍ଲକୁ ପରେ ରୁଧୁର ଝରଣା ଝରେ
ଧୋଇବାକୁ ପାପ ତୋର ଡାକେ ମୃଦୁ ମଧୁ ସ୍ବରେ
ଯାଅନା ଦୂରକୁ ଆଉ ବାରେ ଫେରି ଅନା … I୧I
ଶୁଭେ ନାହିଁ କିରେ ତୋତେ ସେହି ସୁମଧୁର ବାଣୀ
ଶୁଣି ନାହିଁ କିରେ କେବେ ସେ କୁଶର କାହାଣୀ
କିମ୍ପା ତେବେ ଯାଉ ଚାଲି ହୋଇ ବାଟ ବଣା… |9 |
ଫେରିଆ ଫେରିଆ ଆଜି ସେହି ଝରଣାର ପାଶେ
ପାଇବୁରେ ପରିତ୍ରାଣ ପାଇବୁରେ ହରଷେ
ନ ଫେରିଲେ ମରିବୁ ତୁ ପରିତ୍ରାଣ ବିନା
କାଲବରୀ ଚୂଳେ ଝରେ … | ୩|
କୁଶ ବିନା ମୁଁ ହେବି ପଥହରା
ଏକା ସେହି କାଲବରୀ ଯୀଶୁ ପ୍ରେମେ ଭରା (୨ଥର) (ଘୋଷା)
ଯଦି କୁଶ ତ୍ୟାଗେ ମୁହିଁ ପାପ ଅନ୍ଧାରେ ରାସ୍ତା ନାହିଁ
ଜଗତ ପଥରେ ଆଉ ମୁକ୍ତି ଶାନ୍ତି ନାହିଁ … |୧|
ଆସ, ଆସ, ଯିବା ମିଳି କୁଶ ପାଶେ ପାପ ଢ଼ାଳି
ଜଗତ ପଥରେ ଆଉ ମୁକ୍ତି ଶାନ୍ତି ନାହିଁ |୨|
ମେଘ ରଥରେ ମହା ବିକ୍ରମେ
ଆସୁଛନ୍ତି ଯେ ଯୀଶୁ ରାଜା ଆମ
ସୁଲଳିତ କଣେ କର ଜୟଗାନ (ଘୋଷା)
ହେବ ତୁରୀ ବାଦ୍ୟ ସର୍ବ ହେବେ ଠୁଳ
ନାମ ସେ ଡାକିବେ ବିଚାର କରିବେ
ଭଲ ଠାରୁ ମନ୍ଦ ଅଲଗା କରିବେ
ଜୀବନ ପୁସ୍ତକେ ଥିବ କି ମୋର ନାମ
ମୋର ନାମ ? | ୧|
ବିଚାର ଶେଷରେ ମହା ଗୌରବରେ
ଯୁବା ମେଷ ସାଥେ ମନୋନୀତ ଯେତେ
ଯିବେ ସ୍ଵର୍ଗଧାମେ, ହରଷ ପରାଣେ
ଆନନ୍ଦ ତାଙ୍କର ହେବ ଅମଳିନ ଚିର ଦିନ | ୨ |