ଦୟାମୟ ଯୀଶୁ ଧନ ହେ ମୋତେ ସବୁଠାରୁ କର ସାନ । ଘୋଷା ।
କର ପ୍ରଭୁ ମୋତେ ମାଟିଠାରୁ ହୀନ
ପିନ୍ଧାଅ ହେ ମୋତେ ନମ୍ରତା ଭୂଷଣ
ଧ ୂଳିରୁ ଆହୂତ ଏ ନିରାଟ ସତ୍ୟ ନ ଭୁଲିବି କଦାଚନ । ୧ ।
ମର ଶରୀରର ତେଜ ବୀର୍ଯ୍ୟ ବଳ,
ଜାଣେ ଦିନେ ଏହା ହୋଇବ ବିଫଳ
ଅନିତ୍ୟ ସିନା ଏ ରୂପ ଯଉବନ, ବୁଝିବାକୁ ଦିଅ ଜ୍ଞାନ । ୨ ।
ଧନ ଜନ ମାନ ଯଶ ପଉରୁଷ,
ଫିଙ୍ଗିବାକୁ ଦୂରେ ଦିଅ ହେ ସାହସ,
ଅନ୍ତର ରାଇଜେ ଦୟା କ୍ଷମା ପ୍ରେମ, ରହିଥାଉ ଚିରଦିନ । ୩ ।
ସଂସାର ରାଇଜେ ବଡ଼ ସଦା ବଡ଼,
ତୁମ ରାଜ୍ୟେ ଏକ ଛୋଟ ହୁଏ ବଡ଼ ଶିଶୁର ସ୍ୱଭାବ
ଦିଅ ପ୍ରଭୁ ଯେହ୍ନେ କୋଳରେ ପାଇବି ସ୍ଥାନ । ୪ ।
ଲାଜ ଅପମାନ ହେଉ ମୋ ସମ୍ମାନ,
ପଦ ଚିହ୍ନେ ତବ କରାଅ ଗମନ
ତୁମରି ପଦରେ ଜୀବନ ସାଥୀ ଗୋ, ଏହି ମୋର ନିବେଦନ । ୫ ।