ତୁମ ବାକ୍ୟ ଅଟେ ପ୍ରଦୀପ ମୋ କ୍ଷୀଣ ଚରଣର
ଚଲାପଥେ ସେ ଆଲୋକ
ମୋ ସାରା ଜୀବନର । ୦ ।
କର ମୋ ଚକ୍ଷୁ ପ୍ରସନ୍ନ, କରିବି ବ୍ୟବସ୍ଥା ଧ୍ୟାନ
ତବ ଶାସନ, ଦୟାବାନ ହେଉ ମୋ ଜୀବନେ ବର । ୧ ।
ତବ ବାକ୍ୟ ଅଟେ ସିଦ୍ଧ, ପରୀକ୍ଷିତ ପୁଣି ନିତ୍ୟ ସମ୍ପଦେ ଅବା ବିପଦେ
ହେଉ ସେ ମୋର ଆବର । ୨ ।
ଚିରସ୍ଥାୟୀ ସେ ବିଧାନ, ନୋହିବ କେବେ ଖଣ୍ଡନ
ସେ ଜୀବନ ଜଳାକାର ହେଉ ଆତ୍ମାର ଆହାର । ୩ ।
ଝୁଲିଲ ମୋ ପାଇଁ କ୍ରୁଶରେ
ଆହେ ମୋର ଯୀଶୁ ସୁନ୍ଦର
ଝରିଗଲା ଝର ଝର
କେତେ ତପତ ରୁଧିର । ୦ ।
ରକତେ ରଞ୍ଜିତ ଶରୀର
ଛୁଟେ ତହୁଁ ପ୍ରେମର ଧାର
ମୋର ପାପ ଧୋଇବା ପାଇଁ
ବହିଥିଲା ସେ ଧାର ଧାର । ୧ ।
ପ୍ରଭୁ ଯୀଶୁ କ୍ରୁଶ ବିନାରେ
ନୋହୁ ମୋର ଦର୍ପ କାହିଁରେ
ଯେତେ ପ୍ରିୟ ଅସାର ପେଡ଼ି
ଥୁଏ ପଦେ ମୁଁ ବାର ବାର । ୨ ।
ସହିଲ ହେ କେତେ କଷଣ
ନାହିଁ କାହିଁ ପ୍ରେମ ଏସନ କରେ ଦାବୀ ତୁମରି ପ୍ରେମ
ଦେହ ଆତ୍ମା ମନ ମୋର
ବିଶ୍ୱ ତାପିତ ପରାଣ ତାରଣେ ତ୍ରାଣଭାନୁ ଭବେ ଉଇଁଲେଣି,
ବେଥଲିହିମରେ ଦୂତ ସ୍ୱରେ ନରେ ଶୁଭାଗମ ଗୀତି ଗାଇଲେଣି । ଘୋଷା ।
ଦୂତ ମୁଖୁ ଶୁଣି ଭକ୍ତ ମେଷପାଳେ,
ଭେଟିଲେ ସର୍ବାଗ୍ରେ ଶ୍ରୀପଦ କମଳେ,
ଦର୍ଶନାନ୍ତେ ପଥେ ଗାଇଲେ ମରତେ ସରଗ ସମ୍ପଦ ଅଇଲେଣି । ୧ ।
ଉପହାରକର ପଣ୍ଡିତ ନିକର,
ଶିଶୁ ଯୀଶୁ ପଦେ କରି ନମସ୍କାର,
ଭଜନ ସ୍ମରଣେ ନାମ ସଂକୀର୍ତ୍ତନେ
ମୋକ୍ଷ କରତାକୁ ପାଇଲେଣି । ୨ ।
ଭବଭୟହାରୀ ତେଜି ସ୍ୱର୍ଗପୁରୀ,
ନର ଦେହେ ଆଜି ବିଜେ ବସୁନ୍ଧରୀ,
ନାହିଁ ପାପ ଭୟ ଗାଅ ସର୍ବେ ଜୟ
ପାପ ଅମାନିଶି ପାହିଲାଣି । ୩ ।
(ସ୍ୱର : ଆସ ପ୍ରଭୋ ଆସ)
ଘେନ ଘେନ ଆଜି ମୋର ଏହି ଉପାସନା ହେ…
ଟାକି ବସିଅଛି ନୀରସ ପରାଣେ
ଦିଅ ପ୍ରେମ କଣା ହେ । ୦ ।
ସଜଳ ନୟନେ ସରଳ ପରାଣେ
କରଇ ବନ୍ଦନା ହେ
ଦରଶନ ଲାଗି ଦ୍ୱାରେ ଅଛି ଜଗି
ପୁରାଅ କାମନା ହେ । ୧ ।
ଦେଖାଅ ବଦନ ଦୟାର ସଦନ
ନାଶି ମୋ ବେଦନା ହେ ଦୋଷ କର କ୍ଷୟ
ଦୂର କର ଭୟ ଚେତାଇ ଚେତନା ହେ । ୨ ।
ନାହିଁ ଭକ୍ତି ଜ୍ଞାନ ନୀତିଶୂନ୍ୟ ପ୍ରାଣ
ଅପୂର୍ଣ୍ଣ ସାଧନା ହେ
ପୁଲକିତ କର ପ୍ରାଣ ଭିକ୍ଷୁକର
ଘେନି ବନ୍ଦାପନା ହେ । ୩ ।
( ସ୍ୱର : ପ୍ରଭୋ ବସିଛି ହେ ପଦ ତଳେ )
ପ୍ରଭୁ ମୋହିଛ ହେ ପ୍ରେମାଳାପେ ରହିଥିବ ଅବିରତେ ଅଭୟ ପଦ ପାଦପେ । ୦ ।
ଯେବେ ନିଜ ଇଚ୍ଛା ବଶେ
ଉଡ଼ି ବୁଲି ଚିନ୍ତାକାଶେ
ଯାଏ ହୁଡ଼ି ପଥ ତୋଳି
ଧର ନ ଠେଲି ସନ୍ତାପେ । ୧ ।
ପୂର୍ଣ୍ଣ କରି ନିଜ ବାଞ୍ଛା
ପଣ୍ଡ କଲେ ତବ ଇଚ୍ଛା ଦୋଷ ଦେବା ତେଣେ ଥାଉ
କ୍ଷମ ବାରେ ଅନୁକମ୍ପେ ଜାଣେ ଅନୁଭବେ ମୁହିଁ । ୨ ।
ବାଞ୍ଛା କଳ୍ପତରୁ ତୁହି ଡାକ ଶୁଣି ରକ୍ଷା କରୁ
ପଡ଼ିଗଲେ ଭବକୂପେ । ୩ ।
ଆଶା କରି ମଧୁ ଫଳେ ବସା କରିଅଛି ଡାଳେ
ଧରି ରଖ ଯେହ୍ନେ ଖସି ନ ପଡ଼େଟି ଭବ ତାପେ । ୪ ।
ରଙ୍ଗେ ଉଠିଲେ, ଦିବ୍ୟ ସରଗ ତନୁ ମୃତ୍ୟୁ ବିଜୟୀ ହୋଇଲେ… ଉଠିଲେ । ୦ ।
ପ୍ରତିଜ୍ଞାତ ମଶୀହ, ଈଶ ମନୁଷ୍ୟ ସେ ଯେ,
ଯୀଶୁ ନାମ ନେଲେ, ମର୍ତ୍ତ୍ୟେ ଅବତରିଲେ,
କ୍ରୁଶେ ପ୍ରାଣ ସେ ଦେଲେ, ମୃତ୍ୟୁ ବଳ ଭାଙ୍ଗିଲେ,
ଶୟତାନ ବଳ ଗର୍ବ ଖର୍ବ କରିଲେ,
ମହାପ୍ରାୟଶ୍ଚିତ୍ତେ ମୁକ୍ତି ମର୍ତ୍ତ୍ୟେ ଆଣିଲେ ସେ । ୧ ।
ଦମ୍ଭେ ଉଠିଲେ, ମାୟା ବିଜୟୀ ବୀର
ପୁନରୁତ୍ଥିତ ହୋଇଲେ … ଉଠିଲେ ସରଗ ସିଂହାସନ, ପିତା ଦିବ୍ୟ ସଙ୍ଗମ,
ତ୍ୟଜିଲେ ମର୍ତ୍ତ୍ୟେ ପୁଣ, ମାତା ଭାତୃଗହଣ, ସେ ଦୀନହୀନ ବେଶେ ସେ,
ଗ୍ରାମଦାଣ୍ଡେ ବୁଲିଲେ, ଦୁଃଖୀ-ରଙ୍କି ମେଳେ,
ମହାଯୋଗୀ ବେଶେ ସେ ମୃତ୍ୟୁ ପରେ ଜୀବନ ମର୍ତ୍ତ୍ୟେ ଆଣିଲେ ସେ । ୨ ।
ପ୍ରେମେ ଉଠିଲେ, ପ୍ରେମେ ସୁଷମା କାନ୍ତି ସରଗ ମର୍ତ୍ତ୍ୟେ ଲୋଟିଲେ… ଲୋଟିଲେ
ସେ ପ୍ରେମ ରାଜନ, ପ୍ରେମର ଗଣ୍ଠିଧନ ପ୍ରେମେ ନିଜେ ଭୋଗିଲେ, ପାପୀ ପାପ-କଷଣ
ପ୍ରେମେ ସେ ବିହରିଲେ, ପ୍ରେମ ବାଣୀ ଭାଷିଲେ,
ପ୍ରେମେ କ୍ରୋଧାନଳ ଅଙ୍ଗେ ସେ ନିଭାଇଲେ ପ୍ରେମେ ମୃତ୍ୟୁ ଦଳି ପ୍ରେମିକ ବନ୍ଧୁ ହେଲେ ସେ । ୩ ।
ମରଣ ବିଜୟୀ ମରଣ ବିଜୟୀ
ମୃତ୍ୟୁ ନାହୁଡ଼ ଭାଙ୍ଗି ସେ ହେଲେ
ମୃତ୍ୟୁଞ୍ଜୟୀ । ଘୋଷା ।
ଯୀଶୁ ରାଜା ଆମର ସର୍ବ ବଳେ ବଳୀୟାର
ନିଜ ବଳେ ଜୟ କଲେ ମୃତ୍ୟୁ ପାପାତ୍ମା ଗଡ଼
ଯାଅ ବହନ ଭାଇ ଶୁଭ ସମ୍ବାଦ ନେଇ
ମୃତ୍ୟୁ ନାହୁଡ଼ ଭାଙ୍ଗି ସେ ହେଲେ ମୃତ୍ୟୁଞ୍ଜୟୀ
ମରଣ ବିଜୟୀ । ୧ ।
ଉଡ଼େ ଜୟ ପତାକା ବାଜି ଉଠେ ମଧୁ ଗୀତିକା
ପୁଲକିତ ହୁଏ ଚିତ୍ତ ଫୁଟି ଉଠେ କଳିକା ଆଲୋକ ବିତରୀ
ଜୀବନ ସଞ୍ଚାରି ଶୟତାନ ବନ୍ଧନ ସେ ଦେଲେ ଯେ ଖୋଲି
ମରଣ ବିଜୟୀ । ୨ ।
ଯେବେ ଦୁଃଖ ଅଳନ କରେ ଦାହ ହୃଦ ମୋହର
ଯୀଶୁ ମୁଖ ଚାହିଁ ସୁଖ ଶାନ୍ତି ପାଏ ଅପାର ଉଠିଛନ୍ତି ସେହି କବର ଫିଟାଇ
ମୃତ୍ୟୁ ନାହୁଡ଼ ଭାଙ୍ଗି ସେ ହେଲେ ମୃତ୍ୟୁଞ୍ଜୟୀ
ମରଣ ବିଜୟୀ । ୩ ।
ଗାଅ ଜଗଜ୍ଜନେ ଆନନ୍ଦିତ ମନେ ମୃତ୍ୟୁଞ୍ଜୟୀ ଯୀଶୁ ଭୁବନେ
ଉଠିଲେଣି ଆମ କ୍ରୁଶୀୟ ଯୀଶୁ ଭେଟ ଯାଇ ତାଙ୍କ ଚରଣେ । ଘୋଷା ।
ମୃତ୍ୟୁର ନାହୁଡ଼ ଭାଙ୍ଗିଗଲା ଆଜି
ପାପୀର ସ୍ୱପନ ଗଲାଣିତ ଭାଜି
ତା’ ପାପର ଲାଗି ଯୀଶୁ ମୃତ୍ୟୁ ଭୋଗି
ଉଠିଲେଣି ନବ ଜୀବନେ । ୧ ।
କ୍ଷୁଧିତ ତୃଷିତ ଆସ ବେଗେ ଧାଇଁ
ଚିନ୍ତା ଦୁଃଖ ମନୁଁ ନିରାଶ ଘୁଞ୍ଚାଇ
ଉଠିଲେଣି ସେହି କବର ଫିଟାଇ
ପାପୀ ଉଦ୍ଧାର କାରଣେ । ୨ ।
ପାପୀର ମୁକତି ହୋଇଲା ସାଧିତ କ୍ରୁଶେ ପରେ ହୋଇ ଯୀଶୁଖ୍ରୀଷ୍ଟ ହତ
ନାଚି ଉଠେ ଆଜି ପାପୀର ପରାଣ
ଆଶାଭରା ତାର ଜୀବନେ । ୩ ।
ଯୀଶୁ ରାଜନ ହେ ମୋର ତ୍ରାଣ ପସରା
ପାପୀବନ୍ଧୁ ପାପହରା । ଘୋଷା ।
ପାପୀଙ୍କର ପାଇଁ ଆସିଲେ ମର୍ତ୍ତ୍ୟେ ଓହ୍ଲାଇ
ପାପୀ ପାପ ବହି କ୍ରୁଶେ ହୋଇଲେ ଧରା । ୧ ।
କେଡ଼େ ନିଷ୍ଠୁର ଯିହୁଦୀ ବକ୍ଷସ୍ଥଳେ ବର୍ଚ୍ଛା ଭେଦି
କି କଲବଲରେ ପ୍ରାଣ ନେଲଟି ପରା । ୨ ।
ଆହା ମୋ ଯୀଶୁ ରାଜନ ପାଇଛନ୍ତି କି କଷଣ
ଏହା ଦେଖି ବେନି ଆଖି ସହେ କି ପରା । ୩ ।
କଣ୍ଟା ମୁକୁଟ ବନାଇ ଦେଇଛି ମୁଣ୍ଡେ ପିନ୍ଧାଇ
ରକ୍ତ ଟୋପା ଝାଳ ପରି ବହୁଛି ପରା । ୪ ।
ତାହାଙ୍କର ପ୍ରେମ ବାରି ବହୁଅଛି ସ୍ରୋତ ପରି
ତୁହି ପାପୀ ଡୁବି ହୁଅ ଶୁକ୍ଳଟି ପରା । ୫ ।
ପାପୀ ମନରେ ଥରେ କ୍ରୁଶକୁ ଚାହାଁ
ପଳାଶ ପ୍ରସୂନ ନିନ୍ଦି ଅପଘନ ରକତେ ରଞ୍ଜିତ ହୋଇଛି ଆହା । ଘୋଷା ।
ଯିହୁଦୀଏ କରିଣ କୂଟ ପିନ୍ଧାଇଲେ କଣ୍ଟା ମୁକୁଟ
ପାଦ ପାଣି ପ୍ରେକ ମାରଣାର ଦୁଃଖ ଦେଖିଲେ ହୃଦୟ ବିଦାରେ ଆହା । ୧ ।
ତୋର ପାପ ସନ୍ତାନ ଯେତେ କ୍ଷୟ ଯିବ ଚାହିଁବା ମାତ୍ରେ
କ୍ଷମ ଭୟ ଦୂର ହୋଇବ ନିକର
ପରମ ପଥକୁ ହୋଇବ ସାହା । ୨ ।
କ୍ରୁଶ ଯନ୍ତ୍ର ସଂସାରେ ସାର ପାପୀ ମୁକ୍ତି କୋଠ ଭଣ୍ଡାର
ଦୀନ ଦୁଃଖୀ ରଙ୍କି ପାତକୀଙ୍କ ପାଇଁ କାଲବରୀ ଚୂଳେ ହୋଇଛି ଠିଆ । ୩ ।
Click the link below to konw the song tune