Tag: Odia Christian Song Lyrics

ହେ … ପରିଶ୍ରାନ୍ତ ଭାର ଗ୍ରସ୍ତ ଲୋକ
ତାଙ୍କ ସାକ୍ଷୀ ହୁଆ … ତାଙ୍କ ସାକ୍ଷୀ ହୁଆ
ଯୀଶୁ ତାକୁ ଅଛନ୍ତି
ଯୀଶୁଡ଼ାକୁ ଅଛନ୍ତି
ତାଙ୍କ ପାଶେ ରହି ଜଗତକୁ ଦେଖାଅ ଆଦର୍ଶ …(ଘୋଷା)

ଏ … ଆକାଶ ଫାଟିବ ଫାଟିବ ।
ଦିନେନା ଦିନେ ନିଶ୍ଚୟ ଫାଟିବେ ।
ଏ … ସୁରୁଜ ଲିଭିବ ଲିଭିବ ଦିନେନା ଦିନେ ନିଶ୍ଚୟ ଲିଭିବ
ମନୋନୀତ ଯେତେ ଯିବେ ସ୍ଵର୍ଗ ଦେଶେ
ତାଙ୍କ ପାଶେ ରହି ଜଗତକୁ ଦେଖାଅ ଆଦର୍ଶ … |୧|

ପୃଥିବୀ ସରିବ ସରିବ ଦିନେନା ଦିନେ ନିଶ୍ଚୟ ସରିବା
ଚନ୍ଦ୍ରମା ଖସିବ ଖସିବ ଦିନେନା ଦିନେ ନିଶ୍ଚୟ ଖସିବା
ମନୋନୀତ ଯେତେ ଯିବେ ସ୍ଵର୍ଗ ଦେଶେ
ତାଙ୍କ ପାଶେ ରହି ଜଗତକୁ ଦେଖାଅ ଆଦର୍ଶ …|୨|

ସୂଚୀମାଳାକୁ ଫେରନ୍ତୁ

ପ୍ରତିପାଳକ ସେ ଏହି ଜୀବନର
ସଦା ପାଶେ ଥାନ୍ତି ଯୀଶୁ ରାଜା ମୋର
ଦୁଃଖରେ ବି ଝଡରେ ବି ଭୟ ନାହିଁ ମୋହର …(ଘୋଷା)

ମାଗିବା ଆଗରୁ ସିଏ ଯାଚି ମୋତେ ଜାଣନ୍ତି
କହିବା ଆଗରୁ ମନ କଥା ଜାଣନ୍ତି
ଭିଜିଗଲେ ମୋର ଦୁଃଖେ ଦୁଇ ଆଖି
ଲୁହ ପୋଛି ଦିଅନ୍ତି … |୧|

ନିରାଶ ଅନ୍ତରେ ସିଏ ଆଶା ଭରି ଦିଅନ୍ତି
ଝୁଣ୍ଟି ମୁଁ ପଡିଲେ ତୋଳି ମୋତେ ନିଅନ୍ତି
ହଜିଯାଏ ଯେବେ ପାପ ଦୁନିଆରେ
ଖୋଜି ମୋତେ ନିଅନ୍ତି … |୨|

ସୂଚୀମାଳାକୁ ଫେରନ୍ତୁ

କି ବୁଦ୍ଧି କରିବି, କେଉଁଠାକୁ ଯିବି, କାହା ଆଗେ କହିବି,
ଅନ୍ତର ବେଦନା, ମନରେ ଭାବନା,
ହୃଦଫେଡ଼ି କାହା ଆଗେ ଜଣାଇବି ? (ଘୋଷା)

କେ ନେବ ମୋ ଦୁଃଖ,
ଦେବ ମୋତେ ସୁଖ ହୋଇ ପ୍ରସନ୍ନମୁଖ,
ମୋ ଚିନ୍ତାର ଭାର ପାପ ଦୁରାଚାର
ଖଣ୍ଡିବାକୁ କାହା ପାଦେ ମୁଁ ଥୋଇବି ?
ମୋ ମତି ଚଞ୍ଚଳ, ତଡ଼ିତ୍ତି ଚପଳ, ଭ୍ରମୁଥାଏ ତ୍ରିକାଳ,
ମୋର ନାହିଁ ବଳ, ମୁଁ ଅତି ବିକଳ,
କାହାବଳେ ତାକୁ ସୁସ୍ଥିର କରିବି ? …. |୧|

ଜନ୍ମରୁ ପତିତ, ପାପରେ ବିଲିପ୍ତ, କର୍ମରେ କଳଙ୍କିତ,
ଏଥିରୁ ମାଜିତ, ହେବାକୁ ବିମୁକ୍ତ,
କାହା ପୂଣ୍ୟବଳେ ଶରଣ ପଶିବି ?
ଭାବି ମୋ ଦୁର୍ଦ୍ଦଶା, ହୋଇ ନିର୍ଭରସା,
ଖୋଜିଲି ସତ୍ୟ ଆଶ୍ରା,
ପାଇଲି ଯୀଶୁଙ୍କୁ, ପାପୀଙ୍କ ବନ୍ଧୁଙ୍କୁ,
ଜାଣିଲି ମୁଁ ତାଙ୍କ ମରଣେ ବଞ୍ଚିବି …. |୨|

ହେ ଯୀଶୁ ଈଶ୍ଵର, ଦୟାର ସାଗର,
କେଡ଼େ ପ୍ରେମ ତୁମ୍ଭର ।
ମୋ ପାପ କାରଣ ଦେଲ ନିଜ ପ୍ରାଣ,
ଏ ଅଭୁତ ପ୍ରେମ ହୁଁ ମୁଁ ପାଇବି ?
ମୋର ଦେହ ପ୍ରାଣ, ବୁଦ୍ଧି ଆପ୍ ମନ, କଲି ପାଦେ ଅର୍ପଣ,
ତୁମ୍ଭ ପୁଣ୍ୟବଳେ ନଷ୍ଟ ନୋହି କେବେ,
ଶେଷ ମହାଦିନେ ଗୌରବେ ଉଠିବି … |୩|

ସୂଚୀମାଳାକୁ ଫେରନ୍ତୁ

ଆଉ କିଛି ପ୍ରଭୁ ଚାହେଁନା ଜୀବନେ
ତୁମ୍ଭେ ଯଦି ଥାଅ କତିରେ,
ସୁଖ ଦିଅ ଅବା ଦୁଃଖ ଦିଅ ପ୍ରଭୁ
ସମାନ ସବୁ ମୋ କତିରେ … (ଘୋଷା)

ହୁ ପାଇ ଯେବେ ତୁମଠୁ ପଳାଏ
ବୁଲେ ମୁଁ ବାହାର ଅନ୍ଧାରେ,
ଅଙ୍କୁଶ ପ୍ରହାରେ ଟାଣିଆଣ ମୋତେ
ତୁମରି ପ୍ରଣୟ-କାରାରେ … |୧|

ସୁଖ ଆଶା କରି ତୁମକୁ ମୁଁ ଛାଡ଼ି
ବୁଲେ ସିନା ମରୀଚିକାରେ,
ରବି ଶଶୀ ତାରା ଥାଉଁ ଦିଶାହରା
ବୁଲିବୁଲି ମରେ ଅନ୍ଧାରେ … |୨|

ଦୁଃଖ ଦେଇ ଯଦି ତୁମ୍ଭ ଦେଖା ପାଏଁ
ରଖ ପ୍ରଭୁ ମୋତେ ଦୁଃଖରେ,
ଯେଉଁ ସୁଖ ପାଇ ତୁମକୁ ହରାଏ
(ମୋର) ଲୋଡ଼ା ନାହିଁ ସେହି ସୁଖରେ … |୩|

ସୂଚୀମାଳାକୁ ଫେରନ୍ତୁ

ମାଗ ଦିଆଯିବ ଖୋଜ ପାଇବା
ଦୁଆରେ ଆଘାତ କର ଦୁଆର ଖୋଲାଯିବ … (ଘୋଷା)

ଯୀଶୁପଥ ଯୀଶୁ ସତ୍ୟ ଯୀଶୁ ହିଁ ଜୀବନ
ପାପୀ କ୍ଷମା ପାଏ ପୁଣି ପାଏ ପରିତ୍ରାଣ
ଆସ ପରିଶ୍ରାନ୍ତ-ଭାରଗ୍ରସ୍ତ ସମସ୍ତ
ଆସ ଆଜି ତୁମକୁ ବିଶ୍ରାମ ଦିଆଯିବା … |୧|

ତୁମ ରାଜ୍ୟ ଆସୁ ପ୍ରଭୁ ସାରା ଏ ଜଗତେ
ସେବା ଆରାଧନା ନିତି ତୁମ ଇଚ୍ଛା ମତେ
ଯୀଶୁ ଦ୍ରାକ୍ଷାଲତା ପିତା କୃଷକ
ତାଙ୍କରି ପାଇଁ ଉତ୍ତମ ଫଳ ଯେ ଫଳୁଥିବୁ … |୨|

ସୂଚୀମାଳାକୁ ଫେରନ୍ତୁ

ଶରଣ ନେଉଛି ଚରଣେ ତୁମରି
ହେ ପ୍ରଭୁ ପରମେଶ୍ଵର (୨ଥର)
ଚଲାପଥେ ମୋର ଶୟତାନ ଠାରୁ
ତୁମେ ମୋତେ ରକ୍ଷାକର (ଘୋଷା)

ବିଦୀର୍ଣ୍ଣ କରିବ ସିଂହ ପରି ସେ ଯେ
ଏହି ମୋର ଦେହ ପ୍ରାଣ
ଚୂର୍ଣ୍ଣ କର ହେ ପରାକ୍ରମତାରେ
ରଖ ତୁମେ ମୋର ପ୍ରାଣ
କହି ପାରିବନି ଯେହ୍ନେ ସେ କେବେ ବି
କିଏ ଅଛି ସାହା ତୋର … |୧|

ଜୀବନର ସାହା ଚଲାପଥେ ରାହା
ତୁମେ ତ ମୋହର ସବୁ
ତୁମଲାଗି ମୋର ସକଳ ଗୌରବ
ତୁମେ ତ୍ରିଭବନ ପ୍ରଭୁ
ସେହି ପରାକ୍ରମେ ରକ୍ଷା କରି ମୋତେ
ଆସିଲେ ହିଁ ଦୁର୍ଦ୍ଦିନ ଘୋର … |୨|

ସୂଚୀମାଳାକୁ ଫେରନ୍ତୁ

ଯୀଶୁ ମୋ ପ୍ରାଣର ବନ୍ଧୁ
ତୁମେ ଦୀନ ଦୟା ସିନ୍ଧୁ
ଭାଙ୍ଗେ ମୋ ଅନ୍ତର, କାନ୍ଦେ ମୋ ଅନ୍ତର
ଘେନ ମୋ ଲୋତକ ବିନ୍ଦୁ
ତୁମେ ଦୀନ ଦୟା ସିନ୍ଦୁ (ଘୋଷା)

ପାପର ବ୍ୟାଧୁ ଘେରିଛି ହୃଦେ
କଳିଙ୍କିତ ଏ ଜୀବନ
ଅନୁତାପର ଲୋତକ ଧାର
ଝରାଏ ମୁଁ ଅନୁକ୍ଷଣ
ଛୁଇଁ ଦିଅ ନାଥ କ୍ଷମାର ସେ ହାତ (୨ଥର)
କ୍ଷମା ମୟ ପାପୀ ବନ୍ଧୁ
ତୁମ୍ଭେ ଦୀନ ଦୟା ସିନ୍ଧୁ … |୧|

ସଞ୍ଜ ସକାଳେ ମଧ୍ୟାହ୍ନ କାଳେ
ଶୁଣ ମୋ ଆଉଁ କ୍ରନ୍ଦନ
ତୁମ୍ଭ ପାତ୍ରରେ ମୋ ନେତ୍ର ଜଳ
ରଖହେ ଦୁଃଖ ନାଶନ
ପୋଛି ଦିଅ ନାଥ ମୋର ହୃଦ ତାପ
ତୁମେ ମୋ ଆନନ୍ଦ ସିନ୍ଧୁ
ତୁମ୍ଭେ ଦୀନ ଦୟା ସିନ୍ଧୁ … |୨|

ସୂଚୀମାଳାକୁ ଫେରନ୍ତୁ

ଜଗତ ତନିବାସୀ, ସଦା ପ୍ରଭୁଙ୍କର ପ୍ରଶଂସା ଗାନ କର
ହାଲିଲୁୟା (୭ଥର) …. (ଘୋଷା)

ପ୍ରଭୁ ମହାନ ପ୍ରଶଂସନୀୟ
ସବୁ ଦେବତା ମ ଭୟ ଯୋଗ୍ୟ
ସକଳ ଦେବତା ପ୍ରତିମା ମାତ୍ର
ମୋ ଯୀଶୁ ରାଜନ ଈଶ୍ଵର ସତ୍ୟ
ମହିମା ସମ୍ଭମ, ତାଙ୍କ ନିକଟବର୍ତ୍ତୀ
ଶକ୍ତି ସଂଭ୍ରମ ତାଙ୍କ ସମ୍ମୁଖବର୍ତ୍ତୀ
ମହିମା ତାଙ୍କରି ପରାକ୍ରମ ତାଙ୍କରି (୨ଥର)
ସର୍ବଦା ଗାନ କର … |୧|

ସ୍ଵର୍ଗ ଯାହାର ସିଂହାସନ
ପୃଥିବୀଯାହାକୁ ଯେ ପାଦ ପୀଠ
କରନ୍ତି ନ୍ୟାୟ ସେ ବିଚାର ମଧୋ
କରନ୍ତି ରାଜ୍ୟ ସେ ଗୋଷ୍ଠୀ ବର୍ଗ ମଧେ
ଆକାଶ ପୃଥିବୀ ଆନନ୍ଦ କରୁ
ସମୁଦ୍ର ବାରି ଗର୍ଜନକରୁ
ମହିମା ତାଙ୍କରି, ଗୌରବ ତାଙ୍କରି (୨ଥର)
ସର୍ବଦା ଗାନ କର … |୨|

ସୂଚୀମାଳାକୁ ଫେରନ୍ତୁ