କର ଧନ୍ୟବାଦ ହୃଷ୍ଟ ଚିତ୍ତରେ,
ମହାମଙ୍ଗଳଦାତା ଉଦ୍ଦେଶ୍ୟରେ,
ନ ମରି ବିବଧି ରୋଗ ସଙ୍କଟରେ, ନୂଆ ବର୍ଷ ଦେଖିଲୁ ଆଉଥରେ । ଘୋଷା ।
ବନ୍ଧ୍ୟା ଆଉ ଶୁଷ୍କ ବୃକ୍ଷ ପରିରେ ଅବା ହେଲେ ମହାଭାର ଭୂମିରେ,
ଫଳହୀନେ ବାରମାସ ବହିଗଲେ, ନୂଆବର୍ଷ ଦେଖିଲୁ ଆଉଥରେ । ୧ ।
ନ୍ୟାୟ ରୂପ ଖଡ୍ଗ ଯେଉଁ କାଳରେ, ହାଣିବାକୁ ଅଫଳା ବୃକ୍ଷ ମୂଳେ,
ଉଞ୍ଚାଇଲେ ମଧ୍ୟ ନ ହୋଇଣ ହଣା, ନୂଆବର୍ଷ ଦେଖିଲୁ ଆଉଥରେ । ୨ ।
କେଡ଼େ ସହିଷ୍ଣୁତା ସେ ଦେଖାଇଲେ, ଆହୁରି ଏକ ବର୍ଷ ଛାଡ଼ି ଦେଲେ,
ପ୍ରଭୁ ଯୀଶୁଙ୍କ ନିବେଦନ ହେତୁରୁ, ନୂଆ ବର୍ଷ ଦେଖିଲୁ ଆଉଥରେ । ୩ ।
ଖୋଳ ପ୍ରଭୁ ମୂଳ ଚତୁର୍ଦ୍ଦିଗରେ, ଖତ ଦେଇ ଜଳ ଢାଳ କୃପାରେ,
ଯେହ୍ନେ ବହୁମୂଲ୍ୟ ଧର୍ମରୂପ ଫଳ ଫଳିବୁ ଅଧିକ ଏଇ ବର୍ଷରେ । ୪ ।