କି ମଧୁର ମନୋରମ ମୋ ଶ୍ରବଣେ ଯୀଶୁ ନାମ
ନାହିଁ ତା ସମାନ ନାମ ତ୍ରିଭୂବନେ ଅନୁପମ (ଘୋଷା)
ବିଶ୍ବାସୀ ପ୍ରତି ସେ ନାମ ଅଟେ କି ମନୋରଞ୍ଜନ
କରେ ତା ଦୁଃଖ ନାଶନ କରେ ତା ଶୋକ ଖଣ୍ଡନ … |୧|
ଭଗ୍ନାନ୍ତକରଣ ପ୍ରତି ଅଟେ ତାହା ସ୍ଵାସ୍ଥ୍ୟ ଶାନ୍ତି
କ୍ଷୁଧୂତକୁ କରେ ତୃପ୍ତି ଶାନ୍ତ ପ୍ରତି ସେ ବିଶ୍ରାମ … |୨|
ଯୀଶୁ ତ୍ରାଣ ନାମଧେୟ ଅଟେ ମୋ ପ୍ରତି କି ପ୍ରିୟ
ଘୁଞ୍ଚାଏ ମୋ ସର୍ବ ଭୟ ମୋହର ଦୃଢ଼ ପାଷାଣ .. |୩|
ଯୀଶୁ ମୋହର ରାଜନ ଯୀଶୁ ମୋହର ଜୀବନ
ଆଉ ମୋର ତ୍ରାଣଧନ ମୋହର ପୁନ୍ୟ ବସନ .. |୪|
ଯୀଶୁ ନାମ କେଡ଼େ ମିଷ୍ଟ କରେ ମୋତେ ନିତ୍ୟ ଦୃଷ୍ଟ
ଅଟନ୍ତି ସେ ମୋର ଇଷ୍ଟ ମୋର ନିତ୍ୟ ଗାନ ଧାନ .. |୫|
ମୋତେ ଖୋଜି ଖୋଜି ଯୀଶୁ ଅଇଲେ
ମୋ ଛାର ପାଇଁକି ସରଗ ତିଆଗି
ଅଶେଷ ଯାତନା ସହିଲେ (ଘୋଷା)
ହଜିଥିଲି ମୁଁ ଯେ ଜଗତ ପ୍ରପଞ୍ଚ
ଖୋଜି ଖୋଜି ଶେଷେ ପାଇଲେ
ଆହାକି ଆଦିରେ ପରମାନନ୍ଦରେ
ଧୂଳି ଝାଡ଼ି କୋଳେ ଧଇଲେ … |୧|
ଜୀବନ ଦେବତା ଅତି ମଳିନତା
ଦେଖୁ ମନେ ବ୍ୟଥା ପାଇଲେ
ନିଗାଡ଼ି ନିଜର ହୃଦୟ ରୁର
ନିଜ ଅନୁରୂପେ ଧୋଇଲେ … |୨|
ମୋର ଦୁଃଖ ଚିନ୍ତା ଦୋଷ ଦୁର୍ବଳତା
ଆପଣେ ଶ୍ରୀଅଙ୍ଗେ ବହିଲେ
ମରଣ ଦାରୁଣ ପଣରେ ନବୀନ
ଜୀବନର ମାର୍ଗ ନିହିଲେ … |୩|
ମରଣର ଭୀତି କୁଶ ଯନ୍ତେ ଇତି
କରି ମହାମୁକ୍ତି ବିହିଲେ
ସରଗ କାହାଣୀ ମୋ ପାଖେ ବଖାଣି
ପ୍ରେମରେ ପରାଣ ମୋହିଲେ … |୪|
ସଫଳ ଜୀବନ ଯୀଶୁ ଶ୍ରୀଚରଣ
ପରିଚାରପଣ ପାଇଲେ
ବୃଥା ଏ ଜନମ ପୂଜା ଅନୁଷ୍ଠାନ
ମହାପ୍ରଭୁ କୃପା ନୋହିଲେ … |୫|
ପ୍ରଭୁ ଯୀଶୁ ଦୟା ସାଗର ତାଙ୍କ ମହାଦୟା କି ଚମତ୍କାର
ଦୟା ଡ଼େଣା ମେଲି ଅଇଲେ ସେ ଉଡ଼ି
ତ୍ୟାଗ କରି ନିଜ ଅମର ପୁର … (ଘୋଷା)
ଦୟା ଦଣ୍ଡ ହସ୍ତେ ଧରିଣ
ବୁଲିଲେ ସେ ନଗର ଗ୍ରାମ
ଦୁର୍ବଳ ପତିତ ରୋଗ୍ରସ୍ତ ପ୍ରତି
ନ କଲେ ନିରୁଦ୍ଧ ଦୟା ନିଝର … |୧ |
ବାଟେ ଘାଟେ ଯେତେ ମିଳିଲେ
ତାଙ୍କୁ ଚତୁର୍ଦ୍ଦିଗେ ଘେରିଲେ
ଅନ୍ଧ, ଛୋଟା, ଘୁଙ୍ଗା, ପକ୍ଷାଘାତି, କୁଷ୍ଠୀ,
ଭୁତଗ୍ରସ୍ତ ନାନା ରୋଗୀ ବଧୂର … |୨|
ଯେତେ ଅଇଲେ ତାଙ୍କ ପାଶେ
ସୁସ୍ଥ ହୋଇଲେ ଅନାୟାସେ
କୌଣସି ପୀଡ଼ିତ ହୋଇ ତୁଚ୍ଛାକୃତ
ନଗଲା ପୀଡ଼ାରେ ହୋଇ କାତର … |୩|
ଛୋଟା ନା, ବଧୂର ଶୁଣେ,
ଅନ୍ଧ ତାଙ୍କୁ ଦେଖେ ନୟନେ
ଘୁଙ୍ଗା ବୋଲେ ବାଣୀ କରି ଜୟଧ୍ବନି
କୁଷ୍ଠି ହୋଇଲେ ନିର୍ମଳ ଶରୀର … |୪|
|
ପରିତୃପ୍ତ ହେଲେ ଯୁଦିତ
ମୃତ ହେଲେ ପୁନରଜୀବିତ
ପ୍ରଚଣ୍ଡ ତରଙ୍ଗ ଗଭୀର ସାଗର
ତାଙ୍କ ଆଜ୍ଞାମାତ୍ରେ ହୋଇଲା ସ୍ଥିର .. |୫|
ଆହେ ଯୀଶୁ ଦୟାସାଗର,
ରୋଗେ ପୂର୍ଣ୍ଣ ସର୍ବାଙ୍ଗ ମୋର
ସ୍ପର୍ଶ କର ମୋତେ ଦେଇନିଜ ହସ୍ତ
ମୋର ସର୍ବ ରୋଗ ହୋଇବ ଦୂର … |୬|
ଡାକନ୍ତି କେ ମଧୁର ସ୍ୱରେ (ଆଜି ମୋତେ)
(ଆହା) ମୋର ହୃଦ ଦୁଆରେ (ଘୋଷା)
ଚିନ୍ତା ପଥେ ବାଧା ଦେଇ ଗତି ରୋଧ ଧମକାଇ
କେତେ ହିତ କଥାକହି ଦୟା ଚିତ୍ତରେ … |୧|
ସେ ଯେ ଶାନ୍ତି ଦେବା ପାଇଁ ଡାକୁଛନ୍ତି ରହି ରହି
ପାପ ତାପ ନେବେ ବୋଲି ନିଜ ହାତରେ … |୨|
ଦେଖୁ ମୋତେ ଭାରାକ୍ରାନ୍ତ କରନ୍ତି ପ୍ରେମ ସଂକେତ
କଢ଼ାଇ ନେବାକୁ ପଥ ମୃଦୁଭାବରେ … |୩|
ସେ କରୁଣ ସ୍ବର ଶୁଣି କିପରି ମାତିବି ପୁଣି
ଛଳ ମରୀଚିକାମୟ ମରୁ ସଂସାରେ … |୪|
ପ୍ରାଣ ମନ ଦେଇ ଆଜି ମୋ ଯୀଶୁଙ୍କ ପଦେ ମଜି
ଭାସି ଯିବି ସମତାନେ ସ୍ବର ଲହରେ … |୫|
ଜାଗରେ ଜଗତବାସି ଆସୁଛନ୍ତି ମେଘରଥେ,
ତୁରୀ ବାଦ୍ୟ ଧ୍ବନୀ ଉଠୁଛି ସରଗର ଦୂତମୁଖେ … (ଘୋଷା)
ସେତ ଆମର ପ୍ରଭୂ ସରଗର
ସରଗ ସମ୍ପଦ ପ୍ରେମ ପାରିବାର,
ଦୂତଗଣ ସାଥିରେ ସାଧୁମାନଙ୍କ ସଙ୍ଗରେ
ତୁରୀବାଦ୍ୟ ଧ୍ୱନୀ ଶୁଭୁଛି – ସରଗର ଦୂତମୁଖେ … |୧|
ଜୀବନ ପୁସ୍ତକ ଧରି ଅବତରି
ଫିଟାଇ ଦେଖୁବେ ପାପ କେତେ ଆମରି
ସେ ସାୟା ଯେ ପାଇବେ
ସେ ଶାନ୍ତି ସେ ଭୋଗିବେ,
ତୁରୀବଦ୍ୟ ଧ୍ୱନୀ ଶୁଭୁଛି ସରଗର ଦୂତ ମୁଖେ … |୨|
ଶୁଣରେ ଶୁଣରେ ବନ୍ଧୁ ସେହି ସ୍ବର
ହେ ପରିଶ୍ରାନ୍ତ ଭାରଗ୍ରସ୍ତ ମୋହର
ଆସ ମୋ ନିକଟକୁ ଡାକୁଛନ୍ତି ଯୀଶୁ ଆମକୁ
ତୁରୀବାଦ୍ୟ ଧ୍ୱନୀ ଶୁଭୁଛି ସରଗର ଦୂତ ମୁଖେ … |୩|
ଅନ୍ତର ମୋ କାନ୍ଧୁଛି ପାପେ ପଡ଼ି ବାରମ୍ବାର
ଅପରାଧ ମୁଁ ଅବିବେକି (୨ ଥର)
ଫେରି ମୁଁ ଆସିଛି ଅନୁତାପ କରି (୨ଥର)
କରିଛି ସତ ଅନେକ ଦୋଷ କ୍ଷମାକର ଜଗଦୀଶ …|୦|
ମନଆତ୍ମା ଭାବନା ମୋ ପାପରେ ହଜିଛି।
ଅନ୍ଧକାରେ ଏ ଜଗତେ ପାପରେ ଲୁଚୁଛି
ସାହା ହୁଅ ଏ ସହାୟ ଦୟାରେ କ୍ଷମାକର … |୧|
ଭ୍ରାତା ଭଗ୍ନି ଓ ତୋ ବିରୁଦ୍ଧ କରିଛି ପାପ ମୁଁ
ସାଧୁ ସ୍ଵାଧୀ ଓ ଯୀଶୁ ପାଶେ
ମିନତି କରେମୁଁ, କ୍ଷମାକର ପାପ ମୋର
କ୍ଷମା ର ତୁମେ ମହା ସାଗର … |୨|
ସମୟ ଅତ୍ୟଜ ବୁଝ ହେ ଭାଇ
କେଡ଼େ ଶୀଘ୍ର ଦିନ ମାସ ଯାଉଅଛି ପଳାଇ (ଘୋଷା)
ସମୟ ଯେ ଅତି ଅଳ୍ପ ବୁଝ ହେ ପାପୀ ଗଣ
ବୃଥାରେ ନ କାଟି ଦିନ ଶୁଭ କାଳ ହରାଇ …|୧|
ସମୟଟି ଅତି ଅଳ୍ପ ବୁଝ କଠିନମନା,
ତ୍ରାଣ ଦିନ ବହି ମୃତ୍ୟୁ ଆସୁଅଛି ଘନାଇ …|୨|
ସମୟଟି ଅତି ଅଳ୍ପ ଦେଖ ଧାମିକଗଣ
ଅବିଳମ୍ବେ ଯୀଶୁ ସ୍ଵଗୁଁ ଆସିବେ ହେ ଓହ୍ଲାଇ…|୩|
ସମୟଟି ଅତି ଅଳ୍ପ ଦୁଃଖ ଯିବ ପଳାଇ,
ଅବିଳମ୍ବେ ସ୍ଵର୍ଗପୁରେ ପ୍ରବେଶିବା ହେ ଯାଇ … |୪|
ମଧୁର ଯୀଶୁ ପ୍ରିୟ ଯୀଶୁ
ବିରାଜ ମୋ ଅନ୍ତରେ … (ଘୋଷା)
ଚିର ଜୀବି ରୋଟି ତୁମେ
ଭୋଜନ ହୁଅ ଆମ
ଇଂଜି ତାହା ଲଭିବୁ ଆମେ
ଚିରନ୍ତନ ଜୀବନ … |୧|
ଚିର ଜୀବି ନୀର ତୁମେ
ପାନୀୟ ହୁଅ ଆମ
ପାନ କରି ଲଭିବୁ ଆମେ
ଚିରନ୍ତନ ଜୀବନ … |୨|
ପଥିକର ପଥ ତୁମେ
ଦେଖାଅ ମୁକ୍ତି ପଥ
ଯାତ୍ରୀ ହୋଇ ଲଭିବୁ
ଚିରନ୍ତନ ଜୀବନ … |୩|
ବିଶ୍ବାସୀର ସତ୍ୟ ତୁମେ
ଦେଖାଅ ସତ୍ୟାଲୋକ
ସତ୍ୟ କହି ଲଭିବୁ ଆମେ
ଚିରନ୍ତନ ଜୀବନ … |୪|
ତୁମେ ଦୟାମୟ ତୁମେ କ୍ଷମାମୟ
ହେ ଯୀଶୁ ଚିର ସୁନ୍ଦର
ଦେଇ ଦେହି ପ୍ରାଣଆମ୍ବା ମନ ମୋର
ସଦା ଗାଉଥବି ଗୁଣ ତୁମର
ପ୍ରଭୁ ହେ ମୋର ସଦା ଗାଉଥବି ଗୁଣ ତୁମର (ଘୋଷା)
ହଜିଥିଲି ଯେବେ ଖୋଜି ଆସିଲ
ଭୁଲିଥିଲି ମୁଁ ଯେ ତୁମେ ନ ଭୁଲିଲ
ପଡ଼ିଥିଲି ପାପେ ତୁମେ ଉଦ୍ଧାରିଲ
କୃଶେ ପ୍ରାଣ ଦେଇ ମୋତେ ବଞ୍ଚାଇଲ
ନିଜ ପ୍ରାଣ ଦେଇ କଲ ଆପଣାର … |୧|
ମଜିଥିଲି ଯେବେ ଯୀଶୁ ତୁମ ପ୍ରେମେ
ଆଶିଷ ତ ତୁମରି ସ୍ମରୁଥିବି ମନେ
ରହିଥିବି ମୁଁ ଯେ ସଦା ତୁମଠାରେ
ଆବୋରି ରଖହେ ପ୍ରଭୁ ତୁମେ ମୋତେ
ତୁମରି ସେବାରେ ଯାଉ ଦିନ ମୋର … |୨|
ଆସିଛି ମୁଁ ଧାଇଁ ତୁମ ଦରଶନ ପାଇଁ
ଭଙ୍ଗା ହୃଦୟରେ ମୋ ଲୋତକ ଦେଇ
ଆକୁଳେ ଡାକଇ ମୋ ମୁକତି ପାଇଁ
ପାପ ବୋଝ ବୋହି ପାରୁନାହିଁ (ଘୋଷା)
ପାପର କାଳି ଦିଏ ଲିଭାଇ ହୃଦୟେ ମୋର ନାମ ତୁମରି
ପାରୁନି ଦେଖି ଅନ୍ତର ମୁହ ଦୟାକର ହେ ଦୟା ସାଇଁ
ଶକତି ମୋ ନାହିଁ ସାହା ଆଉ କେହି
ମୋହମାୟା ପାଇଁ ପାଗଳ ମୁଁ ହୋଇ
ଭାସିଗଲି ପାପ କାଲେ କାହି … |୧|
ପ୍ରତିଜ୍ଞା ନେଇ ଆସିଛି ମୁଁହି ପାଳିବାକୁ ଯେ ଆଜ୍ଞା ତୁମରି
ସଂସାର ପାଇଁ ଆଉ ମୁଁ ନାହିଁ ବଞ୍ଚିବି ମୁଁ ତୁମରି ପାଇଁ
ମନଆମ୍ବା ହୃଦୟ ସଜାଇ
ଡାକୁଥିବି ସଦା ଅନୁତାପେ ମୁହଁ
ଶୁଣପ୍ରଭୁ ଏତିକି ଗୁହାରି …. | ୨ |