ସ୍ତୁତି ବନ୍ଦନା ପୂଜା ଆରାଧନା ପାଇବାକୁ ଯୋଗ୍ୟ ତୁମେ
ହେ ଯୀଶୁ ଈଶ ଜୟ ଯୁବା ମେଷ
ସଦା ଜୟ ତୁମ ନାମେ… (ଘୋଷା)
ତୁମେ ହେ ପ୍ରଭୁ ଅନାଦି ଅନନ୍ତ ସୃଷ୍ଟି କରତା ହେଲ ଦେହବନ୍ତ
ସରଗ ତେଜିଲ ହେ ଇମ୍ମାନୁୟେଲ ଜନମିଲ ଧରାଧାମୋ… |୧|
ତୁମେ ହେ ପ୍ରଭୁ କଳୁଷହାରୀ,
କୁଶୀୟ ଯାତନା ନେଲି ଅଙ୍ଗେ ବରି
ହେଲ ବଳିକୃତ କଲ ପ୍ରାୟଶ୍ଚିତ ତୁମରି ମହାପ୍ରେମେ… |୨|
ତୁମେ ହେ ପ୍ରଭୁ ରାଜାରାଜନ ନିତ୍ୟ ଜୀବିତ ସର୍ବଶକ୍ତିମାନ
କରନ୍ତୁ ଗାୟନ ସର୍ବ ପ୍ରାଣୀଗଣ,
ହାଲେଲୁୟା ତୁମ ନାମେ… |୩|
ତୁମେ ହେ ପ୍ରଭୁ ମରଣ ବିଜୟୀ, ଜଗତଜୟୀ ପାପ ବିଜୟୀ
ରାଜ୍ୟ କର୍ତ୍ତାପଣ ମହିମାସଂଭ୍ରମ ପାଇବା ଯୋଗ୍ୟ ତୁମେ… |୪|
ଜୟ ଜୟ ଯୀଶୁ ଜୟ ଜୟ ଜୟ ମୃତ୍ୟୁଞ୍ଜୟ
ଜୟ ପିତା ପୁତ୍ର ଜୟ ଜୟ
ଜୟ ପବିତ୍ରାପା ଜୟ ଜୟ (ଘୋଷା)
ବିଶ୍ଵସ୍ରଷ୍ଟା ପିତା ପରମେଶ୍ବର
ମଙ୍ଗଳମୟ ପ୍ରେମ ପାରାବାର
ନିତ୍ୟ ପରାତ୍ପର ଜୀବନ ଆକର
ଜୟ ପ୍ରେମମୟ ଜୟ ଜୟ
ଜୟ ବିଶ୍ବପିତା ଜୟ ଜୟ… |୧|
ପ୍ରେମ ଅବତାର ଈଶ ନନ୍ଦନ
ମୁକତି ପଥ ସତ୍ୟ ଜୀବନ
କଳୁଷହାରୀ ପତିତପାବନ
ଜୟ ଯୁବା ମେଷ ଜୟ ଜୟ
ଜୟ ଈଶସୁତ ଜୟ ଜୟ… |୨|
ପବିତ୍ର ଆପ୍ ଚିର ସହାୟକ
ପାପ ପୁଣ୍ୟ ବୋଧ ଦାୟକ
ସ୍ଵର୍ଗୀୟ ଶାନ୍ତି ଶକ୍ତି ଦାୟକ
ଜୟ ଜ୍ୟୋର୍ତିମୟ ଜୟ ଜୟ
ଜୟ ପବିତ୍ରଆତ୍ମା ଜୟ ଜୟ… |୩|
ପ୍ରଭୁଙ୍କର ପ୍ରଶଂସା ଗୀତି, ଆମେ ଯିବା ଗାଇ,
ଅନ୍ତରେ ସର୍ବେ କୁଶୀୟ ପ୍ରେମ ଭାବ ନେଇ… (ଘୋଷା)
ମହିମା ଗୌରବ ପ୍ରଭୁଙ୍କର,
ଧନ୍ୟବାଦ ସ୍ତୁତି କରି ନିରନ୍ତର
ପବିତ୍ରତା ସୌନ୍ଦର୍ଯ୍ୟରେ ଭଳିବା ଆମେ ଆମ୍ରାରେ
ଭକତି ସମ୍ଭାର ଅରପି ଦେଇ… I୧|
ଏ ଜଗତ ତାଙ୍କ ହସ୍ତକୃତ ନିରୂପିତ ସୂର୍ଯ୍ୟ, ଚନ୍ଦ୍ର ଓ ନକ୍ଷତ୍ର
ମଙ୍ଗଳ ଦାନେ ତାଙ୍କରି ଭରା ଜୀବନ ଆମରି
ଦିବା ନିଶି ସାଥେ ଅଛନ୍ତି ରହି… |୨|
ହେ ସର୍ବଦେଶୀୟ ସଦାପ୍ରଭୁ ତୁମରି
ଆଶ୍ରିତ ଅଟୁ ଆମେ ସବୁ
କଳୁଷିତ ଜଗତରେ ମୁକତି କେ ଦେଇପାରେ ?
ତୁମରି ବିହୁନେ ଆଉ କେ ନାହିଁ… |୩|
ଦେଖିନି ସେ ରୂପ କେବେ ପାଇଛି ଅନୁଭବେ
ଅଦେଖା ହୋଇ ଅବିରତ ଅଛନ୍ତି ମୋ ସାଥେ… (ଘୋଷା)
ହେଲେ ଅନ୍ତର ନିମିଷେ ଯଦି ଭଲ ଲାଗେନା
ଶୂନ୍ୟ ଏ ବିଧୁର ମନ ସେ ପ୍ରେମ ବିନା
ଜୀବନ ମୋର ଅରପିଛି ମୁଁ ତାଙ୍କରି ହାତେ… |୧|
ଚିର ସୁନ୍ଦର ମିନତି ମୋର ଥାଅ ମୋ ପାଶେ
ଭଙ୍ଗା ଏ ଜୀବନ ମୋର ତୁମ ପରଶ୍
ସାଇତା ମୋର ମନକଥା କହିବି ତା’ ପାଶେ… |୨|
Click the link below to listen full song and know the tune
କେତେ ଯେ ଉଚ୍ଚ କେତେ ଗଭୀର
ବୋଧର ଅଗମ୍ୟ ପ୍ରେମ
ଯୀଶୁଙ୍କ ପ୍ରେମ କେଡେ ଅସୀମ ଚିରନ୍ତନ ଅନୁପମ… (ଘୋଷା)
ପାତକୀର ପାଇଁ କିଏ ପାରେ ଦେଇ ଅକାତରେ ନିଜ ପ୍ରାଣ
କୁଶୀୟ ଯାତନା ସହି ପୁଣି କିଏ କରିପାରେ କ୍ଷମା ଦାନ
ସେ ମହାପ୍ରେମର ପରିଚୟ ପାଇ ପଦେ ନେଇଛି ଶରଣ… ।୧।
ଅନୁତପ୍ତ ହୋଇ କୁଶ ପାଶେ ମୁହି ମାନିନେଲି ସବୁ ପାପ
ମୋତେ କ୍ଷମା ଦେଇ ନିଜ ରକ୍ରେ ଧୋଇ ଘୁଞ୍ଚାଇଲେ ଅଭିଶାପ
ସେ ମହାପ୍ରେମକୁ ଅନୁଭବି ମୁହିଁ ସମର୍ପିଲି ମୋ ଜୀବନ… |୨|
ହେ ପ୍ରେମିକ ବର ଏଇ ମନ ମୋର ବାନ୍ଧି ରଖ ପ୍ରେମ ଡୋରେ
ଦୁଃଖ ଅବା ସୁଖ ନେବ ନାହିଁ ମନେ ତୁମଠାରୁ ମୋତେ ଦୂରେ
ସେ ମହାପ୍ରେମର ବଶୀଭୂତ ହୋଇ କାଟିବି ସାରା ଜୀବନ… |୩ |
ସଦାପ୍ରଭୁଙ୍କ ସୃଷ୍ଟିର ଏହି ଦିବସେ
ଆମେ ହରଷିତ ତୁମ ପାଶେ
ତୁମ ନାମେ ଉଠୁ ଜୟଗାନ (୪ ଥର)
ହାଲିୟା, ହାଲିକୁୟା, ହାଲିୟା, ହାଲିୟା, ହାଲିୟା… (ଘୋଷା)
ଏଇ ଦିବସ ପ୍ରଭୁ ତୁମ ଦାନ
ପ୍ରଦାନ କଲ ଆଜି ନବ ଜୀବନ
ଭରି ଉଠୁ ଆଜି ଆମ ହୃଦ ମନ
ଧନ୍ୟ ପ୍ରଭୁ ତୁମେ କେଡେ ମହାନ୍… |୧|
ଏହି ଦିବସ ପ୍ରଭୁ ତୁମ ଦାନ
ଲଭିବାକୁ ଆମ ପରିତ୍ରାଣ
ଆହେ ଦୟାମୟ ଆହେ ପ୍ରେମମୟ
ଧନ୍ୟ ପ୍ରଭୁ ତୁମେ କେଡେ ମହାନ୍… |୨|
ଏଇ ଶତାବ୍ଦୀର ଆହ୍ବାନ, ପ୍ରାଣେ ତୋଳିଦିଏ ସ୍ପନ୍ଦନ
ଉତ୍କଳ ବୁକେ ସୁସମାଚାରର ଆସୁ ନବ ଜାଗରଣ …(ଘୋଷା)
କର ହେ ଘୋଷଣା ଜଗତ ଆଗରେ ମୁକତିର ସନ୍ଦେଶ
ଏହା ଥିଲା ତୁମ ବିଦାୟ ବେଳାର ପ୍ରେମଭରା ଆଦେଶ
ପାଳନ କରିବୁ ଆଜ୍ଞା ତୁମରି ହୋଇ ସଦା ସଚେତନ… |୧|
ସୁସମାଚାରର କାର୍ଯ୍ୟ ସାଧକ ଉଠ ଜାଗ୍ରତ ହୋଇ
ଅନେକ ଆପ୍ ଆକୁଳ ଆତୁର ଜୀବନର ଜଳ ପାଇଁ
ପାପ ଅନ୍ଧାରେ ବାକ୍ୟ ଆଲୋକେ ଭରିଦିଅ ଉଦ୍ଦୀପନା… | ୨ |
ଯାଅ ଏ ଜଗତେ ସବୁ ଜାତି ପାଶେ କୁହ ପରିତ୍ରାଣ କଥା
ପ୍ରତି ଅନ୍ତରେ ଯୀଶୁ ନାମ ଝରୁ ଫୁଚିଯାଉ ଦୁଃଖ ବ୍ୟଥା
ପ୍ରାର୍ଥନା ବଳେ ହେ ବୀର ସାଧକ ହୁଅ ଆଜି ଆଗୁଆନ… ।୩।
ଧୂସର ପାହାଡ଼ କାଲବରୀ ତୁମେ
କି ଗୀତ ଗାଉଛି କୁହ
ପତିତ ମାନବ ମୁକତି ପାଇଁ କି,
ତୁମେ କି ଢ଼ାଳୁଛି ଲୁହ… (ଘୋଷା)
ଧନ, ମାନ, ମୋହେ ପାଗଳ ମଣିଷ,
ବୁଝେନା ପ୍ରେମର ଡାକ
ବୁଝିନି ଯିଏ ତା’ ଜୀବନ ଦାତାକୁ, ବିନ୍ଧିଛି ଦାରୁଣ ପ୍ରେକ
ପଥର ତୁମେ ତ ଭକ୍ତ ସେ ତୁମର, କେମିତି ବୁଝିବି କୁହ,
ତୁମେ କି ଢ଼ାଳୁଛି ଲୁହ… |୧|
ଅନ୍ଧ ସେ ତ ଆଜି ଜଗତ ମାୟାରେ
ଶୁଣେନା ମୁକତି ଡାକ,
ଶୁଣିନି ଯିଏ ତା ମୁକତିଦାତାକୁ
ଦେଇଛି ଅଶେଷ ଦୁଃଖ
ନିଧନ ତୁମେ ତ ଗୀତ ସେ ତୁମର (୨ ଥର)
କେମିତି ଶୁଣିବ କୁହ
ତୁମେ କି ଢ଼ାଳୁଛି ଲୁହ… |୨|
ଜୀବନେ ତୁମ ବିନା କିଛି ନୁହେଁ ମୋର
ତୁମେ ମୋ ତ୍ରାଣକାରୀ ପରମ ଈଶ୍ଵର … (ଘୋଷା)
ତବ ପ୍ରେମ ଅପାର ହୋଇ ଅବତର
କୁଶ କାO ଦେଇଛ ପ୍ରାଣ ଆପଣାର
ସାଧୁଲ ଧରା ପରେ ମୁକତି ଭଣ୍ଡାର
ତୁମେ ମୋ ତ୍ରାଣକାରୀ ପରମ ଈଶ୍ଵର … |୧|
ଏଇ ମାୟା ସଂସାର ସବୁ ହିଁ ଅସାର
ଅଳପ ଦିନ ପାଇଁ ଏଠି କାରବାର
ମୁଁ ଯେ ମଜି ତହିଁରେ ହେଲିତ ପାଶୋର
ତୁମେ ମୋ ତ୍ରାଣକାରୀ ପରମ ଈଶ୍ଵର … |୨|
ଏଇ ଭବସାଗରୁ କରିବାକୁ ପାର
ତୁମ ବିହୁନେ ପ୍ରଭୁ କେହି ନୁହେଁ ମୋର
ମୋର ମନ ତିମିର ସବୁ କର ଦୂର
ତୁମେ ମୋ ତ୍ରାଣକାରୀ ପରମ ଈଶ୍ବର… |୩|
ଈଶ୍ଵର ପ୍ରେମ ଛାଡ଼ି ପାରେନା
ଈଶ୍ଵର ପ୍ରେମ ଭୁଲି ହୁଏନା… (ଘୋଷା)
ସୂର୍ଯ୍ୟ ପୂର୍ବ ଛାଡ଼ି ପଶ୍ଚିମେ ଉଇଁପାରେ
ପଦ୍ମ ପଙ୍କ ଛାଡି ପର୍ବତେ ଫୁଟିପାରେ
ଈଶ୍ଵର ପ୍ରେମ କେବେ ନ ଛାଡ଼ିବା
ତୁମରି ସଙ୍ଗେ ସର୍ବଦା ରହିବ … |୧|
ଛାଡ଼ିପାରନ୍ତି ପିତା ଓ ମାତା ନିଜର
ଛାଡ଼ିପାରନ୍ତି ଭଗ୍ନୀ ବା ସହୋଦର
ଛାଡ଼ିପାରନ୍ତି ଘନିଷ୍ଠ ବାନ୍ଧବ
ଈଶ୍ଵର ପ୍ରେମ କେବେ ନ ଛାଡ଼ିବ |୨|
ହୋଇଛି ଯଦି ନଗନ୍ୟ ଏ ସମାଜରେ
ଭୂଷିତ ହୋଇ ନାହିଁ ଉଚ୍ଚ ପଦବୀରେ
ସମାଜ ଛାଡ଼ିପାରେ ଏ ମାନବ
ଈଶ୍ଵର ପ୍ରେମ କେବେ ନ ଛାଡ଼ିବ… |୩|
ଛାଡ଼ିପାରେ ଜଳବାୟୁ ଏହି ମର୍ତ୍ତ୍ୟରେ
ଝଡ଼ ବର୍ଷା ଅବା ତୁମକୁ ଛାଡ଼ିପାରେ
ତୁମକୁ ଯଦି ସୃଷ୍ଟି ନ ଚିହ୍ନିବ
ଈଶ୍ଵର ପ୍ରେମ କେବେ ନ ଛାଡ଼ିବା I୪I