ମନ ମୋର କାଗ ଜାଗରେ
ପ୍ରାର୍ଥନାରେ ସଦା ଜାଗରେ
ଧର୍ମ ପଥେ ସଦା ଥାଆ
ପାପ ପଥୁ ଦୂରେ ରହି
ଯୀଶୁଙ୍କ ନାମ ଗାଅରେ … (ଘୋଷା)
ଖ୍ରୀଷ୍ଟ ଆମ ତ୍ରାଣ କର୍ତ୍ତା
ଆମ ଆତ୍ମାର ବେବର୍ତ୍ତା
ସାଂସାରିକ ଛାଡ଼ି ସୁଖ
ତାଙ୍କରେବିଶ୍ଵାସ ରଖି
ଲୋଡ଼ା ନାହିଁ ଧନ, କର ତାଙ୍କ ଧ୍ୟାନ
ତାଙ୍କ ପ୍ରଶଂସା ଗାଅରେ … |୧|
ଶୟତାନ ନିତି ନିତି
ମାୟା ଜାଲ ଥାଏ ପାତି
ଭାଗି ସେହି ମାୟା ଜାଲ
ଯୀଶୁଙ୍କରେ ରଖ ଲୟ
ସେ ତ ପ୍ରେମମୟ, ସବୁରି ଆଶ୍ରୟ
ତାଙ୍କ ପାଶେ ସଦା ରହରେ … |୨|
ପ୍ରଭୁ ଯୀଶୁ ଆସିଅଛି ତୁମ ଡାକ ଶୁଣି ହେ । (ଘୋଷା)
ପାପୀ ମୁହଁ ନିରାଶ୍ରୟ ରକ୍ତରେ ନିଏ ଆଶ୍ରୟ
ଦୀନ ହୀନ ପ୍ରାଣେ ମୋର ଦିଅ ତୁମ ବଳ ହେ … |୧|
ନାହିଁ ଶକ୍ତି ଲେଶମାତ୍ର ଖଣ୍ଡିବାକୁ ମୋ ଦୂରିତ
ଆସିଛି ପାପ ସହିତ କର ରକ୍ରେ ଧୌତ ହେ … |୨|
ଅନ୍ଧ, ଖଞ୍ଜ, କାଲ ମୁହଁ ବଳ, ବୁଦ୍ଧି, ଜ୍ଞାନ ନାହିଁ
ଯାହା ଚାହେଁ ଅଛି କିନ୍ତୁ ତୁମଠାରେ ସବୁ ହେ … |୩|
ପ୍ରତିଜ୍ଞା କରିଛ ନାଥ ନେବାକୁ ମୋ ପାପ ବୋଝ
ତେଣୁ ବିଶ୍ୱସେ ଆସିଛି ବୁଜୁଳା ସହିତ ହେ … |୪|
ନିଜ ଗୁଣେ ବୋଝ ନେବ ଶୁଚି ଜଳ ସିଂଚିଦେବ
ମୋ ପାପ କ୍ଷମା କରିବ ଦୟାମୟ ତୁମେ ହେ … |୫|
ନ ଜାଣଇ କରି ପ୍ରେମ ମୁହଁ ପାପୀରେ ଅଧମ
ତୁମ ପ୍ରେମ କିନ୍ତୁ ନାଥ ସୀମା ଯାଏ ଡେଇଁ ହେ … |୬|
ଅସୀମ ପ୍ରେମ ତୁମର ବଣ୍ଡି ନପାରେ ମୁଁ ଛାର
ସେହି ପ୍ରେମେ କର ମୋତେ କେବଳ ତୁମରି ହେ … |୭|
ଖୁସି ଖୁସି ମନାଓ ଖୁସି ଖୁସି ମନାଓ (୨ ଥର)
ବୋଲୋ, ବୋଲୋ ମସୀହା କୀ ଜୟ, ଜୟ, ଜୟ (୨ ଥର)
ମେରେ ଲିଏ ଆୟା, ମେରେ ଲିଏ ଜୀୟା
ମେରେ ଲିଏ ଯୀଶୁ ନେ, ଦୁଃଖ ଉଠାୟା,
ମେରେ ଲିଏ ମାରା ଗୟା, ମେରେ ଲିଏ ଗାଢ଼ା ଗୟା,
ମେରେ ଲିଏ ଫିର ଜୀ ଉଠା, ମେରା ହୈ ମସୀହା,
ମେ ମସୀହା କା ହୁଁ, ହମ୍ ମସୀହା କେ ହେ ।
ନାହିଁ ପ୍ରଭୁ ଛାଡ଼ିବି ନାହିଁ
ନ କଲେ ମୋରେ ଆଶିଷ ତୁହି
ତୁମେ ମୋ ପିତା, ତୁମେ ମୋ କରତା, ତୁମେ ମୋ ତ୍ରିତା,
ଜୀବନ ସାଇଁ (ଘୋଷା)
ନାହିଁ ଶାନ୍ତି, ନାହିଁ ଗୋ ତୃପ୍ତି, ଅସ୍ଥିର ମତି ହେଉଛି ଦହି,
ଶାପ, ତାପ ନରକ ଛାପ ବ୍ୟାକୁଳ ପ୍ରାଣ ପେଷିତ ମୁହିଁ … |୧|
କେତେ ଯେ ଦିନ କେତେ ଯେ ରାତି,
କେତେ ଯେ କାଳ ଗଲାଣି ବିତି
ଦେଲେ ରେଜି ଯିବି ମୁଁ ହଜି ପତିତପାବନ ନାମ ବେଲାଇ ? … |୨|
ବରିଲ କୁଶ ମୋହରି ପାଇଁ, ତାରିଲ ପ୍ରାଣ ପରାଣ ଦେଇ,
ହେବ କିଯଶ ହେବ କି କୀରତି ମରିଲେ ପତିତ ହରାଇ ମୁକ୍ତି ? … |୩|
ଦୁର ମୋ ପାପ, ହର ମୋ ଗପ, ହର ମୋ ଶାପ, ପ୍ରସନ୍ନ ହେଇ
ଦିଅ ଧୋଇ, ରୁଧୁର ଦେଇ, ବିକଶୁ ଜୀବନ, ଜୀବନ ପାଇ … |୪|
ଯୀଶୁ – ଚରଣ ତଳେ
ବସିଛି ପୂଜାରୀ ଏ ଅବେଳେ । (ଘୋଷା)
ଅନନ୍ତ ହେ ତୁମ ପୂଜା ପାଇଁ,
ସ୍ଵର୍ଗ, ମର୍ତ୍ତ୍ୟ, ଅର୍ଘ୍ୟ ଯୋଗ୍ୟ ନାହିଁ
ତୁମ୍ଭ ମୋର ସ୍ରଷ୍ଟା, ମୁହିଁ ତୁମ୍ଭ ସୃଷ୍ଟି
ଅଛି କି ପୂଜାର କିଛି ହେଲେ ? … |୧|
ପୁଣ୍ୟ ପୂଜା ମୋର କିଛି ନାହିଁ,
ତୁଷ୍ଟି ହେବ ପ୍ରଭୁ ତୁମ୍ଭେ ଯହିଁ,
ଭଙ୍ଗାଚୁନା ଛାର ହୃଦୟଟି ମୋର
ଥୋଇ ଦେଲି ତୁମ ପାଦ ତଳେ … |୨|
ଜାଗ ବିଶ୍ବାସୀ ଦଳ
ମାଡ଼ି ଆସୁଛି ପରା ନରକ-ବଳ ରେ (ଘୋଷା)
ଆଳସ୍ୟ ବିଳାସିତା ମୋହ ମାଧୁରୀ
ସ୍ୱାର୍ଥପରତା ର୍ଦ୍ଦେଶ ଦେଲାଣି ସାରି ରେ… |୧|
ତୁମରି ଭାଇବଂଧୁ ଏ ତୁମ ଦେଶ
ପ୍ରତିହିଂସା ଅନଳ କଲାଣି ଧ୍ବଂସ ରେ… |୨|
ତ୍ୟାଗ ମନ୍ତର ହୃଦେ ସାହସ ଧରି
ତ୍ୟାଗୀ ଗୁରୁଙ୍କୁ ସେନାପତିରେ ବରି ରେ… |୩|
ପ୍ରେମ ବିନୟ କର ପାଳିକା ଧରି
ଭଗାରି ବଜ୍ର-ବକ୍ଷ ପକା ବିଦାରି ରେ… |୪|
ସତ୍ୟ ଅହିଂସା ଶାନ୍ତିପୂର୍ଣ୍ଣ ନିଃସଙ୍ଗ
ପ୍ରେମ-କବରେ ସାଜ ସାଜି ତୋ ଅଙ୍ଗ ରେ…. |୫|
ଆଜି ଦୁଦ୍ଦିନେ ପର-ଆପଣା ଭୁଲି
ପର ହିତକୁ ଦିଅ ରକତ ଢ଼ାଳି ରେ …. |୬|
ରକତ ବିଂଦୁ ତୋର ଛୁଇଁଲେ ଭୂଇ
ଅୟୁତ ଶାନ୍ତିସେନା ଉଠିବେ ଚେଇଁରେ … |୭|
ଶାନ୍ତିମୟଙ୍କ ପଦେ ମାଗରେ ଭିକ୍ଷା
ଆମିକ ଅଭିଷେକ ଅନଳ-ଦୀକ୍ଷାରେ … |୮|
ପ୍ରେମ ଅମୀୟ ଭରି ଯିବ ତୋ ବକ୍ଷା
ଘୁଚିଯିବ ସାଧନା ପଥ-କଣ୍ଟକ ରେ … |୯|
ଆଜି ଆସିଛି ମନ୍ଦିରେ ପ୍ରଭୂ କରିବି ପୂଜା ତୁମରି
ଜାଣେ ମୁଁ ଘେନିବ ତୁମେ ଅବେଳେ ଏ ପୂଜା ମୋହରି… (ଘୋଷା)
ଭକତି ସୁମନ ହାର ଗଳାରେ ଦେବି ତୁମର
ଯା ଥିଲା ଆଣିଛି ପ୍ରଭୋ ଭରି ମୋ ପୂଜା ଚାଙ୍ଗୁଡ଼ି… |୧|
ଖୋଲ ମୂକତି ଦୁଆର ହେଲାଣି ପ୍ରାଣ ଅଧୀର
ନିରାଶେ ଯିବ କି ଲେଉଟି ପୂଜା ଭେଟି ଘେନି ପୂଜାରୀ… |୨|
ତୁମେ ତ ପ୍ରାଣ ଦେବତା ଜାଣ ମୋ ଅନ୍ତର କଥା
ପୂରାଅ ମନ କାମନା ନଦିଅ ଦୂରକୁ ଠେଲି… |୩|
ଜାଗିଥାଅ ପ୍ରାର୍ଥନାରେ, ଯୀଶୁଙ୍କ ଏ ଚେତନା
କେହି ଜାଣିବେ ନା କହ, ମୋର ଗୁପ୍ତ ମନ୍ତ୍ରଣା
ରାତ୍ରିକାଳେ ଚୋର ଯେହ୍ନେ ଖୋଳଇ ଘରେ ସିନ୍ଧ
ହଠାତ୍ ଆସି ହେବି ତେହ୍ନେ ମୁଁ ହଠାତ୍ ଉପସ୍ଥିତ… |୧|
ଦଶ ଜଣରେ ମାତ୍ରକ ପାଞ୍ଚଟି ବୁଦ୍ଧିମାନ
ପାଞ୍ଚଟିର ଥୁଲା ପାତ୍ର ତୈଳର ଅକୁଳନ,
ଅନେକେ ଆହୁତ ମାତ୍ର ଅଳ୍ପ ହିଁ ମନୋନୀତ
ପଛେ ସେ ଦଶା ନ ଘଟେ ଦୀପ ରଖି ଜ୍ୱଳନ୍ତ…. |୨|
ଯେଣୁ ମୁଁ ନ ହେବି ଭ୍ରାନ୍ତ ପ୍ରାଣକୁ ନ ହରାଏ
ଅପଥେ ଶ୍ରାନ୍ତ କ୍ଲାନ୍ତ ପୁଣି ନିଦ୍ରା ନ ଯାଏ,
ଆହେ ପ୍ରଭୁ ସେଥିପାଇଁ ଚେତାଇ ରଖ ମୋତେ
ଅଂଜନ ଦେଇ ଚକ୍ଷୁରେ ରଖ ଶାସନ ହସ୍ତେ । …. |୩|
ମୁଇ ରସିବି କି ସାର ଛାଡି ଅସାରକୁ ରସିବି କି ?
ଅନିତ୍ୟ ସଂସାର ଏହି କ୍ଷଣକେ ଯିବଟି ବହି
ତା’ ପାଇଁ ଅମର ଆତ୍ମା ହଜାଇ ଦେବି କି ?…. |୧|
ସଂସାର ସୁଖ ସମସ୍ତ ଅଟଇ କ୍ଷଣିକ ମାତ୍ର
ତା ପାଇଁ ସ୍ବର୍ଗୀୟ ନିତ୍ୟସୁଖ ତେଜିବି କି ?… |୨|
ଏ ସୁଖ ସମ୍ପଦ ପାଇଁ ଆତ୍ମା ହଜେଇଲେ ମୁହିଁ
ଚିରକାଳ ଅନୁତାପ ମୁଁ ନ କରିବି କି ?… |୩|
ଯା’ରେ ଅନିତ୍ୟ ସଂସାର ଭଗାରି ତୁହି ଆତ୍ମାର
ତୋ ପ୍ରବଂଚନା ସକଳ ଜଣା ନୁହଇ କି ?… |୪|
ପାପ ବନ୍ଧନୁ ମୁକ୍ତି ଚାହିଁଲେ ଅଛି ଶକତି ସେ ରକ୍ତରେ,
ମନ୍ଦ ଉପରେ ଜୟ ଲୋଡ଼ିଲେ ଆଶ୍ଚର୍ଯ୍ୟ ଶକ୍ତି ରକ୍ତରେ… |୧|
ହାଁ… ଶକ୍ତି ଶକ୍ତି ଶକ୍ତି ଅଛି ଯୀଶୁଙ୍କ ରକ୍ତରେ,
ହାଁ… ଶକ୍ତି ଶକ୍ତି ଶକ୍ତି ଅଛି ବହୁମୂଲ୍ୟ ରକ୍ତରେ (ଘୋଷା)
ପୁରୁଣା ସ୍ଵଭାବ ଧୌତ ପାଇଁ ଅଛି ଶକତି ସେ ରକ୍ତରେ,
ବହଇ କାଲବରୀର ନଈ ଆଶ୍ଚର୍ଯ୍ୟ ଶକ୍ତି ରକ୍ତରେ… |୨|
ହିମଠାରୁ ହିଁ ଶୁକ୍ଳ ସକାଶେ ଅଛି ଶକତି ସେ ରକ୍ତରେ,
ସେ ପୁଣ୍ୟ ସ୍ରୋତ କଳଙ୍କ ନାଶେ,
ଆଶ୍ଚର୍ଯ୍ୟ ଶକ୍ତି ରକ୍ତରେ… |୩|
ସେ ଯୀଶୁ ରାଜାଙ୍କ ସେବା ହିତେ, ଅଛି ଶକତି ସେ ରକ୍ତରେ
ଗାଇବାକୁ ତାଙ୍କ ଜୟ ନିତ୍ୟ, ଆଶ୍ଚର୍ଯ୍ୟ ଶକ୍ତି ରକ୍ତରେ… |୪|