ଯୀଶୁ ତୁମ ପାଶେ ଆମ ଆଜି ଏହି ନିବେଦନ
ଚାହୁଁନା, ଯା’ ତୁମେ ଚାହିବୁନି ଆମେ
ଚାହିଁବୁନି କଦାଚନ… (ଘୋଷା)
ଅଟଳ ବିଶ୍ବାସ ପ୍ରଭୁ ଥାଉ ତୁମ ଠାରେ
ଧାର୍ମିକତା ଈଶ୍ବର ପରାୟଣତା ଭରି ଉଠୁ ହୃଦୟରେ
ଉତ୍ତମ ଯୁଦ୍ଧରେ ଯେହ୍ନେ କରିବୁ ପ୍ରାଣପଣ
ଦିଅ ଆଶିଷ ଶେଷେ ପାଇବୁ ଅନନ୍ତ ଜୀବନ… |୧|
ପଥଭ୍ରଷ୍ଟ ହେବାକୁ ଆମେ ଚାହୁଁ ନାହୁଁ
ଦୁଃଖରେ ହୃଦୟ ଆମ ବିଦୀର୍ଣ୍ଣ କେବେ ନ ହେଉ
ଦିଅ ସହିବାକୁ ଧୈର୍ଯ୍ୟ ତୁମ ପବିତ୍ର ସେ ପ୍ରେମ
ସାକ୍ଷୀ ହୋଇ ଧର୍ମବି କରିବୁ ପାଳନ… |୨|
ମୁଁ ତୁମରି ଛୋଟ ମେଷ ତୁମେ ମୋ ପାଳକ ( ୨ ଥର)
କଢ଼ାଅ ହେ ସତ୍ୟ ପଥେ
ହୋଇ ମୋ ଚାଳକ… ଲା… ଲା… (ଘୋଷା)
ଜାଣ ତୁମେ ପ୍ରଭୁ ପ୍ରୟୋଜନ ଯାହା ମୋର ଭଲ ପାଇଁ
ଚାହଁ ଖାଲି ତୁମେ ରହିବାକୁ ମୋତେ ତୁମରି ପିଲାଟି ହୋଇ
ନ ହଜିବି ମୁଁ ନିଜକୁ ପ୍ରତିଟି ପଲକ… ଲା … ଲା … |୧|
ଅଛି ଧରା ପରେ କେତେ ଦୁଃଖ ସୁଖ, ପରୀକ୍ଷା ଯେତକ
ସବୁ ପାଇଁ ରୁହ ସାଥେ ମୋର ଦେଇ ତୁମରି ଆଲୋକ ଟିକ
ପାରିବନି କେବେ ଜିତି ଜଗତ ଅଳିକ… ଲା … ଲା … |୨|
ପ୍ରେମ ବହି ତୁମେ ଯେଉଁ କ୍ଷମା କଲ ଦେଇ ସେ ଝଲକ
କ୍ଷମିବାକୁ ମୋର ଶତ୍ରା ପାଇଁ ମନେ ପ୍ରେମର ମହକ ରଖ
ମୋ ଜୀବନ ହେଉ ତୁମ ବାରତା ବାହକ.. ଲା…ଲା… |୩|
ଚଲାପଥ ଧାରେ ପ୍ରଭୁ ତୁମେ ସାଥୀ ହେବ
ତୁମେ ମୋତେ ଜୀବନର ପଥ ଦେଖାଇବ (ଘୋଷା)
ପାପ ଅନ୍ଧକାରେ ଭରିଛି ଦୁନିଆ, ସବୁରେ ବିପଦ ଭୟ
ଡରିବିନି ପ୍ରଭୁ ଚାଲୁଛି ସାହସେ, ତୁମଠି ରଖି ମୋ ଲୟ
ଝୁଣ୍ଟିବା ଆଗରୁ ଜାଣେ ମୁଁ ତୁମେ ତ,
ହାତ ମୋର ଧରି ନେବା… |୧|
ଛୋଟ ହୃଦୟଟି ତୁମ ଲାଗି ପ୍ରଭୁ, ରଖିବି ସଦା ମୁଁ ଖୋଲି
ଆହେ ମହାଜ୍ୟୋତି ମୋ ହୃଦ ବେଦୀରେ,
ପ୍ରେମ ଦୀପ ଦିଅ ଢ଼ାଳି
ସେ ଆଲୋକ ଶିଖା ନିତି ଜଳି ଜଳି,
ତୁମ ସ୍ତୁତି ଗାଉଥିବା… |୨|
ମୋ ପାପର କ୍ଷମା ପାଇଁ ଯୀଶୁଙ୍କୁ ମୁଁ ପାଇଛି।
ଯେତେ ମୋର ପାପ ଦାଗ ତାଙ୍କ ରକ୍ତ ଧୋଇଛି… (ଘୋଷା)
ଗୋଟି ଗୋଟି ପାପ ମୋର ହେଲା ପରବତ ସମ
ଚାପିଗଲି ଯେବେ ମୁହିଁ ପାପେ ପରାଜିତ ହୋଇ
ଉଦ୍ଧାରିଲେ ଯୀଶୁ ମୋତେ ନିଜର ଶୋଣିତ ଦେଇ… |୧|
ମୃତ୍ୟୁଛାୟା ପାରିନି ମୋତେ ବାନ୍ଧିବାକୁ ତାର ସୁତେ
ବନ୍ଧା ଯାଇଅଛି ମୁହଁ ଯୀଶୁଙ୍କ ରକତ ଦେଇ
ବସିଅଛି ତାଙ୍କ ପାଦେ ନୂତନ ଜୀବନ ପାଇ… |୨|
ସ୍ତୁତି ବନ୍ଦନା ପୂଜା ଆରାଧନା ପାଇବାକୁ ଯୋଗ୍ୟ ତୁମେ
ହେ ଯୀଶୁ ଈଶ ଜୟ ଯୁବା ମେଷ
ସଦା ଜୟ ତୁମ ନାମେ… (ଘୋଷା)
ତୁମେ ହେ ପ୍ରଭୁ ଅନାଦି ଅନନ୍ତ ସୃଷ୍ଟି କରତା ହେଲ ଦେହବନ୍ତ
ସରଗ ତେଜିଲ ହେ ଇମ୍ମାନୁୟେଲ ଜନମିଲ ଧରାଧାମୋ… |୧|
ତୁମେ ହେ ପ୍ରଭୁ କଳୁଷହାରୀ,
କୁଶୀୟ ଯାତନା ନେଲି ଅଙ୍ଗେ ବରି
ହେଲ ବଳିକୃତ କଲ ପ୍ରାୟଶ୍ଚିତ ତୁମରି ମହାପ୍ରେମେ… |୨|
ତୁମେ ହେ ପ୍ରଭୁ ରାଜାରାଜନ ନିତ୍ୟ ଜୀବିତ ସର୍ବଶକ୍ତିମାନ
କରନ୍ତୁ ଗାୟନ ସର୍ବ ପ୍ରାଣୀଗଣ,
ହାଲେଲୁୟା ତୁମ ନାମେ… |୩|
ତୁମେ ହେ ପ୍ରଭୁ ମରଣ ବିଜୟୀ, ଜଗତଜୟୀ ପାପ ବିଜୟୀ
ରାଜ୍ୟ କର୍ତ୍ତାପଣ ମହିମାସଂଭ୍ରମ ପାଇବା ଯୋଗ୍ୟ ତୁମେ… |୪|
ଜୟ ଜୟ ଯୀଶୁ ଜୟ ଜୟ ଜୟ ମୃତ୍ୟୁଞ୍ଜୟ
ଜୟ ପିତା ପୁତ୍ର ଜୟ ଜୟ
ଜୟ ପବିତ୍ରାପା ଜୟ ଜୟ (ଘୋଷା)
ବିଶ୍ଵସ୍ରଷ୍ଟା ପିତା ପରମେଶ୍ବର
ମଙ୍ଗଳମୟ ପ୍ରେମ ପାରାବାର
ନିତ୍ୟ ପରାତ୍ପର ଜୀବନ ଆକର
ଜୟ ପ୍ରେମମୟ ଜୟ ଜୟ
ଜୟ ବିଶ୍ବପିତା ଜୟ ଜୟ… |୧|
ପ୍ରେମ ଅବତାର ଈଶ ନନ୍ଦନ
ମୁକତି ପଥ ସତ୍ୟ ଜୀବନ
କଳୁଷହାରୀ ପତିତପାବନ
ଜୟ ଯୁବା ମେଷ ଜୟ ଜୟ
ଜୟ ଈଶସୁତ ଜୟ ଜୟ… |୨|
ପବିତ୍ର ଆପ୍ ଚିର ସହାୟକ
ପାପ ପୁଣ୍ୟ ବୋଧ ଦାୟକ
ସ୍ଵର୍ଗୀୟ ଶାନ୍ତି ଶକ୍ତି ଦାୟକ
ଜୟ ଜ୍ୟୋର୍ତିମୟ ଜୟ ଜୟ
ଜୟ ପବିତ୍ରଆତ୍ମା ଜୟ ଜୟ… |୩|
ପ୍ରଭୁଙ୍କର ପ୍ରଶଂସା ଗୀତି, ଆମେ ଯିବା ଗାଇ,
ଅନ୍ତରେ ସର୍ବେ କୁଶୀୟ ପ୍ରେମ ଭାବ ନେଇ… (ଘୋଷା)
ମହିମା ଗୌରବ ପ୍ରଭୁଙ୍କର,
ଧନ୍ୟବାଦ ସ୍ତୁତି କରି ନିରନ୍ତର
ପବିତ୍ରତା ସୌନ୍ଦର୍ଯ୍ୟରେ ଭଳିବା ଆମେ ଆମ୍ରାରେ
ଭକତି ସମ୍ଭାର ଅରପି ଦେଇ… I୧|
ଏ ଜଗତ ତାଙ୍କ ହସ୍ତକୃତ ନିରୂପିତ ସୂର୍ଯ୍ୟ, ଚନ୍ଦ୍ର ଓ ନକ୍ଷତ୍ର
ମଙ୍ଗଳ ଦାନେ ତାଙ୍କରି ଭରା ଜୀବନ ଆମରି
ଦିବା ନିଶି ସାଥେ ଅଛନ୍ତି ରହି… |୨|
ହେ ସର୍ବଦେଶୀୟ ସଦାପ୍ରଭୁ ତୁମରି
ଆଶ୍ରିତ ଅଟୁ ଆମେ ସବୁ
କଳୁଷିତ ଜଗତରେ ମୁକତି କେ ଦେଇପାରେ ?
ତୁମରି ବିହୁନେ ଆଉ କେ ନାହିଁ… |୩|
ଦେଖିନି ସେ ରୂପ କେବେ ପାଇଛି ଅନୁଭବେ
ଅଦେଖା ହୋଇ ଅବିରତ ଅଛନ୍ତି ମୋ ସାଥେ… (ଘୋଷା)
ହେଲେ ଅନ୍ତର ନିମିଷେ ଯଦି ଭଲ ଲାଗେନା
ଶୂନ୍ୟ ଏ ବିଧୁର ମନ ସେ ପ୍ରେମ ବିନା
ଜୀବନ ମୋର ଅରପିଛି ମୁଁ ତାଙ୍କରି ହାତେ… |୧|
ଚିର ସୁନ୍ଦର ମିନତି ମୋର ଥାଅ ମୋ ପାଶେ
ଭଙ୍ଗା ଏ ଜୀବନ ମୋର ତୁମ ପରଶ୍
ସାଇତା ମୋର ମନକଥା କହିବି ତା’ ପାଶେ… |୨|
Click the link below to listen full song and know the tune
କେତେ ଯେ ଉଚ୍ଚ କେତେ ଗଭୀର
ବୋଧର ଅଗମ୍ୟ ପ୍ରେମ
ଯୀଶୁଙ୍କ ପ୍ରେମ କେଡେ ଅସୀମ ଚିରନ୍ତନ ଅନୁପମ… (ଘୋଷା)
ପାତକୀର ପାଇଁ କିଏ ପାରେ ଦେଇ ଅକାତରେ ନିଜ ପ୍ରାଣ
କୁଶୀୟ ଯାତନା ସହି ପୁଣି କିଏ କରିପାରେ କ୍ଷମା ଦାନ
ସେ ମହାପ୍ରେମର ପରିଚୟ ପାଇ ପଦେ ନେଇଛି ଶରଣ… ।୧।
ଅନୁତପ୍ତ ହୋଇ କୁଶ ପାଶେ ମୁହି ମାନିନେଲି ସବୁ ପାପ
ମୋତେ କ୍ଷମା ଦେଇ ନିଜ ରକ୍ରେ ଧୋଇ ଘୁଞ୍ଚାଇଲେ ଅଭିଶାପ
ସେ ମହାପ୍ରେମକୁ ଅନୁଭବି ମୁହିଁ ସମର୍ପିଲି ମୋ ଜୀବନ… |୨|
ହେ ପ୍ରେମିକ ବର ଏଇ ମନ ମୋର ବାନ୍ଧି ରଖ ପ୍ରେମ ଡୋରେ
ଦୁଃଖ ଅବା ସୁଖ ନେବ ନାହିଁ ମନେ ତୁମଠାରୁ ମୋତେ ଦୂରେ
ସେ ମହାପ୍ରେମର ବଶୀଭୂତ ହୋଇ କାଟିବି ସାରା ଜୀବନ… |୩ |
ସଦାପ୍ରଭୁଙ୍କ ସୃଷ୍ଟିର ଏହି ଦିବସେ
ଆମେ ହରଷିତ ତୁମ ପାଶେ
ତୁମ ନାମେ ଉଠୁ ଜୟଗାନ (୪ ଥର)
ହାଲିୟା, ହାଲିକୁୟା, ହାଲିୟା, ହାଲିୟା, ହାଲିୟା… (ଘୋଷା)
ଏଇ ଦିବସ ପ୍ରଭୁ ତୁମ ଦାନ
ପ୍ରଦାନ କଲ ଆଜି ନବ ଜୀବନ
ଭରି ଉଠୁ ଆଜି ଆମ ହୃଦ ମନ
ଧନ୍ୟ ପ୍ରଭୁ ତୁମେ କେଡେ ମହାନ୍… |୧|
ଏହି ଦିବସ ପ୍ରଭୁ ତୁମ ଦାନ
ଲଭିବାକୁ ଆମ ପରିତ୍ରାଣ
ଆହେ ଦୟାମୟ ଆହେ ପ୍ରେମମୟ
ଧନ୍ୟ ପ୍ରଭୁ ତୁମେ କେଡେ ମହାନ୍… |୨|