Tag: christian song lyrics

ଦିଅ ସୁସ୍ଥିର ମତି,

କର ସ୍ଥିର ମୋ ଚଞ୍ଚଳ ଗତି,

ଯୀଶୁ, କରିବି ହେ ତୁମ୍ଭ ସ୍ତୁତି । ଘୋଷା । 

 

ଏହି ମନ୍ଦିରକୁ କଲ ମନୋନୀତ କରିବା ପାଇଁ ବସତି,

ଏଣୁ ମୁହିଁ ତହିଁ ଦେଲି ପାଦ ଥୋଇ ସାବଧାନ ହୋଇ ଅତି 

ସଂସାରର ଚିନ୍ତା ଦୂରେ ପରିହରି ଆସିଛି, ତୁମ୍ଭର କତି, ା ୧ ।

ଦେହ ପ୍ରାଣ ଦୁଇ ସମର୍ପିବି ମୁହିଁ ତୁମ୍ଭର ବାକ୍ୟର ପ୍ରତି 

ଆତ୍ମା ଦ୍ୱାରା ସତ୍ୟତାରେ ମୋର ଭକ୍ତିପୂର୍ଣ୍ଣ ହେଉ ତୁମ୍ଭ ପ୍ରତି,    ା ୨ ।

ନିଶ୍ଚଳରେ ଚାହିଁ ପ୍ରେମ-ସୁଧା ପିଇ କରିବି ପିପାସା ଶାନ୍ତି 

ମରିୟମ ପରି ଶ୍ରୀଚରଣେ ବସି କରୁଥିବି ମୁହିଁ ଭକ୍ତି,    ା ୩ ।

ପୁଣି ତାହା ପରି ପାପେ ଖେଦ କରି ଯେମନ୍ତ ଲଭିବି ମୁକ୍ତି        ା ୪ ।

ମୁହିଁ ମୂଢ଼ମତି କରୁଛି ବିନତି, ହେଉ ଦୟା ମୋର ପ୍ରତି,

ଏହି ରୂପେ ଦିନ ଯେହ୍ନେ ବହିଯିବ ପହଞ୍ôଚବି ତୁମ୍ଭ କତି  ା ୫ ।

ସ୍ୱର୍ଗପୁରେ ଯାଇ ସାଧୁ ମେଳେ ରହି ପାଶୋରିବି ମୋ ଦୁର୍ଗତି,

ବହୁକାଳ ବାଞ୍ଛା ସମ୍ପୂର୍ଣ୍ଣ ହେବାରୁ ଗାଇବି ହେ ଗୁଣ କୀର୍ତ୍ତି          ା ୬ ।

ସୂଚୀମାଳାକୁ ଫେରନ୍ତୁ

ଦିଅ ସତ୍ୱର ଜଳ,

କର ଦୁର୍ବଳ ପ୍ରାଣ ସବଳ । ସ୍ଥିର କର ମନ ଚଞ୍ଚଳ । ଘୋଷା ।

ଯୀଶୁ ହେ ନବୀନ ଜଳଧର ତୁମ୍ଭେ, ମୁହିଁ ଚାତକ କାତର,

ତୁମ୍ଭଙ୍କୁ ଡାକୁଛି ଶୁଣ ଆହେ ପ୍ରଭୁ ତ୍ରାଣ-ଜଳ ଦାନ କର । ୧ ।

ପାପରୂପ ଅଗ୍ନି ସଂସାର ବନକୁ ଦହୁଅଛି ନିରନ୍ତର,

କାମ-କ୍ରୋଧ-ଲୋଭ-ମୋହରୂପ ଧୂମଜ୍ଞାନ ହରାଏ ମୋହର । ୨ । 

 

ମୋହର ବିଶ୍ୱାସ-ବତାସ ଉପରେ ଆସ ଯୀଶୁ ଦେଇ ଭାର,

ଘନ ମେଘ ହୋଇ ଶାନ୍ତି ବରଷାଇ ପାପାଗ୍ନି ନିବୃତ୍ତ କର । ୩ ।

ଆହ ଦୟାନିଧି ପ୍ରେମର ବାରିଧି, ତ୍ରାଣ-ନୀର ଦାନ କର,

ସେ ଜଳ କାରଣ ହରିଣୀ ସମାନ ଧକାଏ ପ୍ରାଣ ମୋହର । ୪ ।

ଏହି ଏତେବେଳେ ବିନତି କରୁଛି, ଆଉ ନାହିଁ କହିବାର,

ତୁମ୍ଭେ ସିନା ବଳ ପତିତ ଜନର କେବଳ ଗତି ପାପୀର । ୫ ।

ଭ୍ରମେ କି କଲି, ମୁଁ ମୁଢ଼ ଭୁଲିଲି,

ପାଷାଣ ବୋଲିଣ ବାଲୁକା ଉପରେ ଅକାରଣେ ଗୃହ ଗୁନ୍ଥିଲି । ଘୋଷା ।

ପାପ-ନଦୀ ଏବେ ଆସିଲା ବଢ଼ି,

ମୂଳଦୁଆ ତ ଯାଇଅଛି ପଡ଼ି,

ବାୟୁ ସହିତରେ କି ବୃଷ୍ଟି ପଡ଼ଇ ପ୍ରାଣେ ନିର୍ଭରସା ହୋଇଲି । ୧ ।

ଦୟା ପ୍ରକାଶ ଯେ ଯୀଶୁ,

ଏକ୍ଷଣ ରକ୍ଷା କର ଅରକ୍ଷିତ ଜୀବନ,

ତୁମ୍ଭ ବିନୁ ଆଉ ଏ ଭବ ନଦୀରେ କାଣ୍ଡାରୀ ଖୋଜି ନ ପାଇଲି । ୨ । 

 

ତୁମ୍ଭେ ସୁଦୟା କରିଣ ଅପାର ଜନମାନଙ୍କୁ କରିଛ ଉଦ୍ଧାର,

ବିଶ୍ୱାସ ନୌକାରେ ଉଠାଅ ହେ ମୋରେ,

ନୋହିଲେ ମୁଁ ବୁଡ଼ି ମରିଲି । ୩ ।

ସୂଚୀମାଳାକୁ ଫେରନ୍ତୁ

ଆହେ ତ୍ରାଣର ପତି,

ତୁମ୍ଭେ ଫେରାଅ ମୋହର ମତି,

ଦୟା କରି ଦିଅ ଧର୍ମ ଦୀପ୍ତି । ଘୋଷା ।

ପାପ-ଅନ୍ଧକାର ନାଶ କରି ପ୍ରଭୁ ପ୍ରକାଶ ଧର୍ମ ଝଟତି,

ମନରେ ଭରସା କରି ତ୍ରାଣ ଆଶା ଚାହିଁ ଅଛି ତୁମ୍ଭ ପ୍ରତି    ା ୧ । 

 

ଉଦ୍ଧାରିବା ପାଇଁ ଅବତୀର୍ଣ୍ଣ ହୋଇ ସହିଲ କେତେ ଦୁର୍ଗତି,

ମୋର ପାପଭାର ଭୋଗିଲ ଶରୀର ନେବାକୁ ତୁମ୍ଭର କତି   ା ୨ ।

ମାରିଆ ନାରୀ ଯେ ଶ୍ରୀଚରଣେ ବସି କଲା ତୁମ୍ଭଠାରେ ଭକ୍ତି,

ସେହି ଅନୁସାରେ ପାପେ ଖେଦ କରି ଯେମନ୍ତେ ପାଇବି ମୁକ୍ତି । ୩ ।

ସ୍ୱର୍ଗ ଭକ୍ଷ ଦେଇ ବିଶ୍ୱାସ ସବଳ କର ତୁମ୍ଭେ ମୋର ନିତି,

ଏହି ଏତେବେଳେ ଜଣାଣ କରୁଛି ଘେନ ମୋହର ବିନତି   ା ୪ ।

ନୂଆ ଜନ୍ମ ପାଇ ସ୍ୱର୍ଗ ପୁରେ ଯାଇ ଯେମନ୍ତେ କରିବି ସ୍ତୁତି,

ତୁମ୍ଭର ମହିମା ଦେଖି କରି ତହିଁ ଭୋଗିବି ଆନନ୍ଦ ଶାନ୍ତି    ା ୫ ।

 ସୂଚୀମାଳାକୁ ଫେରନ୍ତୁ

କରୁଣା କର ଯୀଶୁ, କର କରୁଣା ହେ । ଘୋଷା ।

ନାହିଁ ହେ ତୁମ୍ଭ ବିନା ନାହିଁ ତୁମ୍ଭ ବିନା

ଦୀନହୀନର ଗତି ଅଧର୍ମ ମାର୍ଜନା ।

ତୁମ୍ଭ ବିନା ଅସାର ମିସରୀୟ ସୁନା,

ନ କର ଊଣା କରୁଣା ହେ । ୧ । 

 

ଭୋଗୁଅଛ ମୋର ପାଇଁ କ୍ରୁଶୀୟ ବେଦନା,

କରିଅଛ ରକ୍ତପାତ ଭୋଗୀ କି ଯାତନା;

ସେହି ରକ୍ତେ, ସେହି ରକ୍ତେ ଅଟେ ମୁହିଁ କିଣା,

ନ କର ଊଣା କରୁଣା ହେ । ୨ । 

 

ଯେବେ ମୁହିଁ ଦୀନହୀନ ତ୍ରାଣଧନ ବିନା

ଅବା ମଧ୍ୟ ହେଲେ ପ୍ରଧାନ ପାପୀରେ ଗଣା,

ମୋର ପାଇଁ ସୁପ୍ରଚୁର ତବ ଶ୍ରୀ କରୁଣା,

ନ କର ଊଣା କରୁଣା ହେ । ୩ ।

ଯୀଶୁ ବିନା, ଯୀଶୁ ବିନା ମୁହିଁ ଯାଏ ମରି,

ଯୀଶୁ ରତ୍ନ ଯତ୍ନ ବିନା ଦିନ ଗଲା ସରି,

ଦୀନେ ସୁପ୍ରସନ୍ନେ ରଖ ଶ୍ରୀହସ୍ତ ବିସ୍ତାରି,

ନ କର ଊଣା କରୁଣା ହେ । ୪ ।

ନ କର ଯୀଶୁ କରୁଣା ଊଣା,

ମୁହିଁ ପ୍ରଧାନ ପାପୀରେ ଅଟେ ଗଣା । ଘୋଷା ।

ତୁମ୍ଭେ ଅଟ କୃପାସିନ୍ଧୁ ଦୀନ ଅନାଥର ବନ୍ଧୁ

ତୁମ୍ଭେ ଅଟ ପତିତ ତାରକ,

ତୁମ୍ଭେ ଆହେ ଦୟାମୟ ପତିତର ମହାଶ୍ରୟ

ଅନ୍ୟ ଆଶ୍ରା ନାହିଁ ତୁମ୍ଭ ବିନା । ୧ ।

ଭୋଗିଅଛ ମୋ କାରଣ କ୍ରୁଶୋପରେ କି କଷଣ

ହେବାକୁ ମୋ ପାପ ପ୍ରାୟଶ୍ଚିତ୍ତ,

ସେହି ପ୍ରାୟଶ୍ଚିତ୍ତ ରକ୍ତେ ଧ ୁଅ ମୋର ପାପ ଯେତେ

ନ କର ଗୋଟିଏ ହେଁ ଗଣନା । ୨ ।

ମୁହିଁ ପାପୀ ଦୀନହୀନ ଧ ରିଛି ତବ ଚରଣ

କରୁଣା କର ମୋହରିଠାରେ,

କରିଲେ ତବ କରୁଣା ଦୀନଜନଠାରେ ଊଣା

କାହାଠାକୁ ଯିବି ତୁମ୍ଭ ବିନା ? । ୩ ।

ସୂଚୀମାଳାକୁ ଫେରନ୍ତୁ

ସୁଦୟା କରି ରଖ ପ୍ରାଣନାଥ ଉଦ୍ଧରି,

ପାପ-ପାରାବାରେ ମଗ୍ନ ଆତ୍ମା ମୋହରି । ଘୋଷା ।

ବାରିଧି ଜଳେ ପିତର ହୁଅନ୍ତେ ଅତି କାତର

ପ୍ରସାରି କୋମଳ କର            ରଖିଲ ଧରି  ା ୧ ।

ଷଡ଼ରିପୁ ପଞ୍ଚେନ୍ଦ୍ରିୟ  ଭଗାରି ମୋ ଅତିଶୟ          

କରନ୍ତି ମୋତେ ଅଥୟ           ହତାଶ କରି   ା ୨ ।

ନାହିଁ କିଛି ପୁଣ୍ୟ ମୋର          କେବଳ ପାତକ ଘୋର    

ହରଇ ସୁକୃତି ଚୋର ନରାତ୍ମା ଅରି         ା ୩ ।

କର ଯୋଡ଼ି ନମ୍ର ଶିରେ          କୃପାସନର କତିରେ 

ଡାକେ ଖେଦିତ ମତିରେ         ଚିତ୍କାର କରି   ା ୪ ।

ଚୂର୍ଣ୍ଣ ଭଗ୍ନାନ୍ତଃକରଣ  ଲୋଡ଼ୁଛ ପ୍ରଭୁ ଆପଣ     

ଆରତ କର ଶ୍ରବଣ  ମୋ ଦୁଃଖ ସ୍ମରି      ା ୫ ।

ପାପୀ ପରିତ୍ରାଣ ପାଇଁ           ଯୀଶୁ ନାମ ଅଛ ପାଇ,

ଡାକୁଛି ମୁଁ ନିତି ଧ୍ୟାୟି ଦିବା ଶର୍ବରୀ          ା ୬ ।

ପାପ-ସାଗର-ବୋଇତ          ତୁମ୍ଭ ମହା ପ୍ରାୟଶ୍ଚିତ୍ତ,

ମୁଁ ଅଟେ ତହିଁ ଆଶ୍ରିତ            ହେ ତ୍ରାଣ ତରି   ା ୭ ।

ରଖ ରଖ ଏ ଜୀବନ ଶୁଣ ଦୁଃଖୀ ନିବେଦନ 

ହୁଅ ମୋ ପ୍ରତି ପ୍ରସନ୍ନ ମୋ ଦୁଃଖ ହରି । ୮ ।

ସୂଚୀମାଳାକୁ ଫେରନ୍ତୁ

ଦୀନନାଥ ହେ,

ଦୀନେ ସୁପ୍ରସନ୍ନେ ରଖ ବିସ୍ତାରିଣ ହାତ । ଘୋଷା ।

ଡାକୁଅଛି ମୁଁ ଆରତ ସ୍ୱରେ, ନାଥ, ସୁନୟନେ ଚାହଁ ବାରେ,

ତୁମ୍ଭ ବିନୁ ଗତି ନାହିଁ ମୋର,

ତୁମ୍ଭ ହସ୍ତେ ଦେହ ଆତ୍ମା କରି ସମର୍ପିତ । ୧ ।

ସ୍ଥିର ନ ହୁଅଇ ମନ କ୍ଷଣେ,

କ୍ଷଣପ୍ରଭା ଯେହ୍ନେ ଘନେ ଘନେ,

ସ୍ଥିର କର ନାଥ ଶାନ୍ତି ଦାନେ,

ଆଉ କେହି ନାହିଁ ଶୁଣିବାକୁ ମୋ ଆରତ । ୨ ।

ଚିନ୍ତା ସର୍ବ କର ମନୁଁ ଦୂର, ମନୋବାଞ୍ଚା ନାଥ ସିଦ୍ଧ କର,

ତୁମ୍ଭ ବିନୁ କେହି ନାହିଁ ମୋର,

ତୁମ୍ଭେ ଥାଉଁ ଥାଉଁ ମୁଁ କି ହୋଇବି ଅନାଥ । ୩ ।

ନାଥ ମାଗୁଣି ମୋହର ଶୁଣ ବଞ୍ôଚଥିବି ମର୍ତ୍ତ୍ୟେ ଯେତେ ଦିନ

ତୁମ୍ଭ ପଦାମ୍ବୁଜେ ରଖ ମନ,

ଉଦେ କର ମୋର ମନେ ଭକ୍ତି ଶ୍ରଦ୍ଧାଚିତ୍ତ । ୪ ।

ନାଥ, ତବ ଆଗମନ ଦିନେ ଦୀନ ପ୍ରତି ସୁଅବଲୋକନେ

ତ୍ରାଣ କର ନାଥ ନିଜ ଗୁଣେ,

ମୁଁ ଯେ ଅତ୍ୟନ୍ତ ଦୁଃଖିତ ପାପେ ଭାରାକ୍ରାନ୍ତ । ୫ ।

 

ଭାଷେ ଅଯୋଗ୍ୟ ମୂଢ଼ ପାମର,

ମଲେ ଜୀଇଲେ ଅଟେ ତୁମ୍ଭର,

ନାଥ ନ କରିବ ମୋତେ ଦୂର,

ମୁଁ ଯେ ବିଶେଷ ମୂଲ୍ୟରେ ହୋଇଅଛି କ୍ରୀତ । ୬ ।

ପ୍ରଭୁ, ନ ତେଜ ହେ ମୋତେ ଦୂରକୁ,

ଆସିଛି ତୁମ୍ଭ ଛାମୁକୁ ଶରଣ ନେବାକୁ । ଘୋଷା । 

 

ମୁଁ ଅତି ଅଭାଗା ଜନ, ପାପଭାରେ ଅବସନ୍ନ,

ଆସିଛି ମୁକ୍ତି ନିମିତ୍ତ କୃପା ପାଇବାକୁ । ୧ । 

 

ସିନ୍ଦୁର ସମ ଦୁରିତ ଅଛି ମୋ ହୃଦେ ପୂରିତ,

ଦେଇ ରକ୍ତ କର ଧୌତ ଶୁକ୍ଳ ହୋଇବାକୁ । ୨ ।

ପାପିନୀ ଲୋତକ ଦେଇ ଯେଉଁ ପାଦ ଦେଲା ଧୋଇ,

ଧରୁଛି ଖେଦିତ ହୋଇ ସେହି ଚରଣକୁ । ୩ । 

 

ଯେ ବଚନେ ତାର ପ୍ରତି କଲ ତାର ଚିତ୍ତ ତୃପ୍ତି,

କରଇ ମୁହିଁ ମିନତି ତାହା ଶୁଣିବାକୁ । ୪ ।

କର ମୋ ପାପ ମୋଚନ ଶୁଣାଅ କ୍ଷମା ବଚନ,

ଶେଷେ ତବ ରାଜ୍ୟେ ସ୍ଥାନ ଦିଅ ଆଶ୍ରିତକୁ । ୫ ।

ଆହେ ଯୀଶୁ ଦୟାମୟ, ତୁମ୍ଭେ ମୋର ତ୍ରାଣୋପାୟ,

ନ ପାଇ ଅନ୍ୟେ ଆଶ୍ରୟ ଧରିଛି ତୁମ୍ଭକୁ । ୬ ।

ତୁମ୍ଭଠାରେ ପ୍ରଭୁ ନେଲି ଶରଣ । ଘୋଷା ।

ଅଜ୍ଞାନ ଅଧମକୁ      ତୁମ୍ଭ ପଥେ ଯିବାକୁ

ଧ ର୍ମ-ଦୀପ୍ତି ପ୍ରଭୁ ହେ କର ଦାନ । ୧ ।

ବଳ ନାହିଁ ମୋହର, ଶତ୍ରୁ ପୁଣି ଅପାର,

ସ୍ୱଗୀୟ ବଳେ କର ବଳବାନ । ୨ ।

ନିବିଡ଼ ଅନ୍ଧକାର      ପୂର୍ଣ୍ଣ ଏହି ସଂସାର,

ହସ୍ତ ଧରି କରାଅ ହେ ଗମନ । ୩ ।

ମୋର ବିଶ୍ୱାସ କ୍ଷୀଣ,                ସଦା ଅସ୍ଥିର ମନ

କର ସୁସ୍ଥିର କରି ଆତ୍ମାଦାନ । ୪ ।

ହିତବାକ୍ୟ ତୁମ୍ଭର     ହେଉ ଗଳାର ହାର

ପ୍ରାର୍ଥନାରେ ଜାଗ୍ରତ ଥାଉ ମନ । ୫ ।

ନିତ୍ୟ ରଖି ମୋ ଦୃଷ୍ଟି କାଲ୍‌ବରୀ କ୍ରୁଶ ପ୍ରତି

ଯେହ୍ନେ ଧାଇବି ମୁହିଁ ଅନୁକ୍ଷଣ । ୬ ।