ଆହା କେଡ଼େ କରୁଣା ହେଲା ମୋର ଉପରେ,
ବର୍ଣ୍ଣିବି କି ତାହା ମୋର ଏହି ଛାର ମୁଖରେ । ଘୋଷା ।
ବର୍ଣ୍ଣିବି କି ତାହା ମୋର ଏହି ଛାର ମୁଖରେ । ଘୋଷା ।
ମରି ପାପ ଅଧର୍ମରେ ଥିଲି କବର ମଧ୍ୟରେ,
ଉଠିଅଛି ପାଇ ନୂଆ ଜୀବନ ମୁଁ ଧର୍ମରେ । ୧ ।
ଥିଲି ମୁହିଁ ବନ୍ଦୀପଣେ ଶୟତାନ ଜଞ୍ଜିରେ,
ସେ ବନ୍ଧନ ହୋଇ ମୁକ୍ତ ପକାଗଲା ଦୂରରେ । ୨ ।
ଯାଉଥିଲି ଧାଇଁ ମୁହିଁ ସର୍ବନାଶ ପଥରେ,
ଫେରିଅଛି ଏବେ ମୁହିଁ ଜୀବନର ପଥରେ । ୩ ।
ଥିଲା କେଡ଼େ ପାପ ବୋଝ ମୋର ମୁଣ୍ଡ ଉପରେ,
ଦେଖି ସେ କାଲବରୀ କ୍ରୁଶ ପଡ଼ିଗଲା ତଳରେ । ୪ ।
ଥିଲି ମୁହିଁ ଶାପଗ୍ରସ୍ତ ଈଶ୍ୱରଙ୍କ ଦୃଷ୍ଟିରେ,
ମିଶିଅଛି ଏବେ ତାଙ୍କ ପରିବାର ମଧ୍ୟରେ । ୫ ।
କହଇ ମୁହିଁ ପାପୀଷ୍ଠ ମହାନନ୍ଦ ଚିତ୍ତରେ,
ପାଇଛି ଏସବୁ ମୁହିଁ ଖ୍ରୀଷ୍ଟ-ପ୍ରାୟଶ୍ଚିତ୍ତରେ । ୬ ।