ମୁଁ ତ ଯୀଶୁଙ୍କୁ ମନରେ ମାନି ରଖିଛି… (ଘୋଷା)
ଯୀଶୁଖ୍ରୀଷ୍ଟ ପ୍ରଭୁ ତୁମରି ଦରଶନ
କେହି ମାନୁ ବା ନମାନୁ ମୁଁ ମାନି ରଖିଛି.. |୧|
ଯୀଶୁଖ୍ରୀଷ୍ଟ ପ୍ରଭୁ ସବୁରି ପରିତ୍ରାଣ
କେହି ଜାଣୁ ବା ନ ଜାଣୁ ମୁଁ ଜାଣି ରଖିଛି… |୨|
ବନ୍ଦନା ସଙ୍ଗୀତ ଗାଅ ପ୍ରିୟ ଭଉଣୀ
ତୁମେ ଗାଅ ବା ନ ଗାଅ ମୁଁ ଗାଇ ରହୁଛି… |୩|
ମୃଦଙ୍ଗ ବଜାଇ ନାଚ ପ୍ରିୟ ଭାଇ
ତୁମେ ନାଚ ବା ନ ନାଚ ମୁଁ ନାଚି ରହୁଛି … |୪|
ଆଶିଷ ବିନତି କର ପ୍ରିୟ ବଂଧୁ
ଯୀଶୁ ଆଶିଷ ଦେବାକୁ ରାଜି ଅଛନ୍ତି ।… |୫|
ହେ ଶାନ୍ତି ଆଧାର ତବ ଛନ୍ଦା ଚରଣେ ନମୁଁଛୁ ପ୍ରଭୁ ହେ
ଉଭା ହୋଇ ତବ ଦୁଆର (ଘୋଷା)
ହେ ପ୍ରଭୁ ତୁମେ କେଡେ ମହାନ୍
ସରାଗିବାହିନୀ ଯା’ଙ୍କ ଅଧୀନ
ଗଗନ ପବନ ସାଗର ତରଙ୍ଗ,
ଆଦେଶ ମାନେ ଯାହାର… |୧|
ଯୁଗ ଯୁଗ ଧରି ତୁମେ ସମାନ
ମିଳେ ସବୁଠାରେ ତୁମରି ସନ୍ଧାନ
ତୁମରି ଅନାଦି ଅନନ୍ତ ନାମରେ,
ପ୍ରକୃତି ତୋଳେ ଝଙ୍କାର… |୨|
ଧରମ ମିହିର ତୁମେ ଜଗଜ୍ୟୋତି
ବିନାଶିଛି ଯୀଶୁ ତୁମେ ଅମାରାତି
ତୁମରି ଆଲୋକେ ଆଲୋକିତ କର,
ଆମେ ତବ ପରିଚାର … |୩|
ଆଜି ପ୍ରଣମି ତୁମକୁ ଚାଲିବି ପ୍ରଭୁ ସାରାଟି ଦିନ
ତୁମେ ମୋ ଗମନ ପଥେ ଦୃଷ୍ଟି ରଖ ହେ ଦୟାବାନ (ଘୋଷା)
ସାରା ଦିନ ଆଜି ଯାହା ମୁଁ ଚିନ୍ତିବି
ତବ ବାକ୍ୟ ଆଗ ସ୍ମରଣ ରଖିବି
ସେ ବାକ୍ୟ ଖଡଗରେ ପରାଭୂତ ହୁଏ, କୁ-ଚିନ୍ତାମାନ |୧|
ଛୋଟ ମୁଖେ ଆଜି ଯାହା ମୁଁ କହିବି
କାହାରି ମନରେ ଆଘାତ ନ ଦେବି
ପୁଣି ନ କହିବି ବହୁ ବାକ୍ୟ ଆଉ, କୁ-କଥାମାନ |୨|
ବଂଚିଥିବା ଯାଏ ଯାହା ମୁଁ କରିବି
ମୋ ଆତ୍ମାକୁ ଅପବିତ୍ର ନ କରିବି।
ସର୍ବ କାର୍ଯ୍ୟ ଯେହ୍ନ ପରିଚୟ ଦେବି ।
ଆତ୍ମାଙ୍କୁ ଦାନା….. |୩|
ଜୀବନଦାତା ଯୀଶୁ ଆଜି ଅନ୍ତର ଖୋଲିଦିଏ
ଆସ ଆଜି ମୋର ଏ ହୃଦୟେ, ଅନ୍ତର ଖୋଲି ଦିଏ (ଘୋଷା)
ଯଦି ଥାଏ କିଛି ତୁମ ଅପ୍ରୀତି କାଢ଼ି ନିଅ ଯୀଶୁ ମୋର
ତୁମ ରକ୍ରେ ଆଜି ଧୋଇ ମୋତେ ପ୍ରଭୁ
ତୁମେ ପବିତ୍ର କର, ପବିତ୍ର କର ଏଥର…. |୧|
ଆସିଅଛି ଆଜି ମୁଁ ଦୀନହୀନ କରୁଅଛି ନିବେଦନ
ଦୟାକରି ଆଜି ଢ଼ାଳିଦିଅ ପ୍ରଭୁ ତୁମ କରୁଣା ଦାନ
କରୁଣା ଦାନ ଏଥର…. |୨|
ଯୀଶୁ ମୋ’ ପାଇଁ ଝୁଲିଲ
ଅତୁଳନୀୟ ଅଟେ ସେ ପ୍ରେମ
ସେ ଦୟା ଅଟେ ସୀମାହୀନ (ଘୋଷା)
ନମ୍ର ଚିତ୍ତେ ସବୁ ସହିଲ କଣ୍ଟା ମୁକୁଟ ଶିରେ ବୋହିଲ
ପାପୀ ପାଇଁ ଦୟା ବହିଲ କୁଶେ ରକ୍ତ ଝରାଇଲ I୧I
ଶାନ୍ତି ବାଣୀ ଶୁଣାଇଲ ନିନ୍ଦା ଅପବାଦ ଶୁଣିଲ
ତୁମ ଧୈର୍ଯ୍ୟ କି ଚମତ୍କାର
ସେ ଶୌର୍ଯ୍ୟ ହେଉ ସଦା ଧନ୍ୟ |୨|
ପାଷାଣ ହୃଦୟ ମୋର ସବୁ ଜାଣି ଶୁଣି ନିସ୍ତୁର
ମୋର ହୃଦୟ କରି ବିଦୀର୍ଣ୍ଣ ତୁମ ଲାଗି ମୋତେ ବଞ୍ଚାଅ ।୩।
ମୃତ୍ୟୁ ପରେ ଉତ୍ଥାପିତ ହୋଇ ଏହି କଥା ଦେଲ
ସ୍ଵର୍ଗରେ ମୋ ପାଇଁ ସ୍ଥାନ ସଜାଡ଼ିବା ପାଇଁ ଗଲ … I୪I
ସ୍ଵର୍ଗ ଆନନ୍ଦ ସାଗର ଏହି କଥା ନାହିଁ ଭୁଲ
ଆନନ୍ଦ ସାଗରେ ଭାସି ପାପୀ ଯୀଶୁଙ୍କ ପଛେ ଚାଲ … |୫|
ଆସ ପ୍ରଭୁ ତୁମେ ଆସ, ଆମରି ଜୀବନେ ଆସ
ଆସି ପ୍ରଭୁ ତୁମେ ଆସ, ଏ ମନ ମନ୍ଦିରେ ଆସ
ରୁହ ତୁମେ ସାଥେ ସାଥେ ନ ଯାଅ ଛାଡି ଦୂରେ
ନ ଯାଅ ତୁମେ ଦୂରେ (ଘୋଷା)
ଏ ଦୁନିଆ ପଥ ବଡ ଅନ୍ଧାରୁଆ
ନାହିଁ ଶାନ୍ତି ନାହିଁ ମୁକ୍ତି ତୁମ ଛଡା
ଆସ ହେ ତୁମେ ଜ୍ୟୋତି ନେଇ
ନ ଯାଅ ଛାଡି ଦୂରେ … ନ ଯାଅ ତୁମେ ଦୂରେ |୧|
ଏ ଜୀବନ କକିତ ପାପ ଭରା
ବରଷାଅ ଆଶିଷର ବାରିଧାରା
ଲିଭାଇ ଦେବ ଦାଗ ସବୁ,
ତୁମରି ରକତ, ତୁମରି ରକତ |୨|
ଏ ଜଗତେ ଆମେ ସବୁ ସାଥୀ ହରା
ନାହିଁ ମୁଭି, ନାହିଁ ଶାନ୍ତି ତୁମ ଛଡା
ହୁଅ ହେ ତୁମେ ସାଥୀ ଆମ,
ଶୁଣ ହେ ଆରତ … ଦେଖାଇ ଦିଅ ପଥ …
ରୁହ ତୁମେ ସାଥେ ସାଥେ … |୩|
ଆଜି ପରିତ୍ରାଣର ଦିନ…… ଆଜି ପରିତ୍ରାଣର ଦିନ
ଈଶ୍ୱରଙ୍କ ଦାନ ସେହି ପ୍ରଭୁ ଯୀଶୁ… ଅନନ୍ତ ଜୀବନ
ହାଲିଲୁୟା … ହାଲିଲୁୟା..ହାଲିଲୁୟା… ହାଲିଲୁୟା… (ଘୋଷା)
ତୁମେ ହେ ପ୍ରଭୁ ଅନାଦି ଅନନ୍ତ ଈଶ୍ଵର କୁମର
ତୁମେ ହେ ପ୍ରଭୁ ସରଗ ରାଜନ ହେ ଦୟାବନା
ତୁମରି ରକ୍ତେ ଧୋଇ ହେ ମୋତେ କର ନୂତନ…. |୧|
ଆସ ମୋ ହୃଦେ ଯୀଶୁ ରାଜନ ହେ ଦୟାବାନ
ନିଅ ତୁମ ପଥେ ରହି ମୋ ସାଥେ ସାରା ଜୀବନ
ତୁମେ ହେ ପ୍ରଭୁ କରୁଣାବାନ କରୁଛୁ ବଦନ…. I୨I
ଛକି କାଠେ ଝରେରେ ବୁକୁର ଶୋଣିତ ଝର
କାଲବରୀ ଚୁଳେ …
ଛକି କାଠେ ଝରେରେ … (ଘୋଷା)
ଯେ, ଆଜି ନିରବେ କାଲବରୀ ବେଦି ପରେ
ଯେ, ଆଜି କ୍ଷତବିକ୍ଷତ ବରଛାର ଧାରେ
ସେ ତୋହରି ପରା ମୁକତି କରତା
ଚିହ୍ନି ପାରୁଛୁ କି ତାରେ ?
କାଲବରୀ ଚୂଳେ । |୧|
ଯା’ ଶୋଣିତ ଦାନେ ଭାଙ୍ଗିଛି ପାପ ପ୍ରାଚୀର
ତା’ ଶୋଣିତେ ଦାନେ ଖୋଲିଛି ମୁକ୍ତି ଦୁଆର
ସେ ଶୋଣିତେ ବୁଡ଼ି ଲଭିଛୁ କି ଆଜି
ମୁକତି ତୋ ଜୀବନରେ ?
କାଲବରୀ ଚୂଳେ । |୨|
ସେ କୁଶର ତଳେ ଉଭା ମୁଁ ମୁକ୍ତି ଭିକାରୀ
ମୋକ୍ଷ ଦିଅ ଆଜି ହେ ଯୀଶୁ କଳୁଷହାରୀ
ତୁମରି ବିକ୍ଷତ ହସ୍ତ ପରଶେ
ଆସୁ ମୁକ୍ତି ଜୀବନରେ …
କାଲବରୀ ଚୂଳେ |୩|
ପ୍ରେମିକ ଯୀଶୁ ଯେବେ ଆସିଲେ,
ମୋ ଜୀବନ ବଦଳିଗଲା
ଯେବେ ମୁଁ ତାଙ୍କୁ ହୃଦେ ଲଭିଲି,
ମୋ ଜୀବନ ବଦଳିଗଲା (ଘୋଷା)
ମୋର ଦୁଃଖ ଦୁର୍ଦ୍ଦଶାରେ ଆଶ୍ରା ଦେଇ
ନିଜ ପରେ ମୋର ପାପ ଭାର ନେଇ
କୁଶରେ ନିଜ ରକ୍ତ ଢାଳିଲେ (ହାଲିଲୁୟା) |୧|
ଜଗତର ମନ୍ଦତାରୁ ମୁକ୍ତ କଲେ
ପ୍ରାଣ ଦେଇ ମୋ ପାପରୁ ଉଦ୍ଧାରିଲେ
ତେବେ ସେ ଅନ୍ତରେ ଶାନ୍ତି ଦେଲେ (ହାଲିଲୁୟା)
ମୋ ଜୀବନ ବଦଳିଗଲା , |୨|
ନିଜ ର ମୋ ଜୀବନ ସେ କିଣିଲେ
ଯୀଶୁ ମୋର ମୁଁ ତାଙ୍କର ସବୁ ଅସାର
ପିତା ସଙ୍ଗେ ମୋତେ ମିଳାଇଦେଲେ (ହାଲିଲୁୟା)
ମୋ ଜୀବନ ବଦଳିଗଲା |୩|
ବେଦନା ବିପାକେ ପ୍ରଭୁ ତୁମେ
ଭୋଗିଲ ଅଶେଷ ଦୁଃଖ କେତେ
ରାଶି ଦେବା ପାଇଁ ଧୋଇତବ କୁଶରେ…
କାଲବରୀ ବୁକୁରେ କେତେ, କେତେ ଯେ ବହିଯାଏ
ତପତ ରକତ ମୋହରି ପାଇଁରେ,
ପୁଣ୍ୟ ତବ ପ୍ରେମରେ… (ଘୋଷା)
ଝରି ଝରି ଯାଏ ଦୟାଧାର କୃଶରେ
ନାହିଁ କାହିଁ ପ୍ରେମ ପାପୀ ପାଇଁ ଧରାରେ
ସେହି ତ ଭରସା ମୋର ମୁକ୍ତି ପାଇଁ
କୁହ ବିଶେ କୁହରେ….. | ୧ |
ଚିରି ଚିରି ଗଲା ମନ୍ଦିରର ବାସରେ
ଲିଭି ଲିଭି ଆସେ ଦୁଃଖ ନିଶା ଆଜିରେ
ଯୀଶୁଙ୍କ ମରଣେ ପାପ ପରାଜିତ,
ଆଜି ଏହି ଧରାରେ … |୨|