ପ୍ରେମ ବିହୁନେ ଭାଇ ସବୁ ଅସାର
ଗାଅ ପ୍ରେମର ଜୟ ପ୍ରେମ ଯେ ସାର (ଘୋଷା)
ବିଶ୍ବାସ ବଳେ ଅଚଳ ଚଳେ
କିନ୍ତୁ ପ୍ରେମର ବଳେ ଚଳେ ସଂସାର ।୧।
ଭରସା ଥିଲେ ଆଶ୍ବାସ ମିଳେ
ପ୍ରେମର ନଥିଲେ କିନ୍ତୁ ସବୁ ଅନ୍ଧାର ୨ ||
ସେ ପ୍ରେମମୟ ପ୍ରେମେ ଉଦୟ
ପ୍ରେମରେ ସୃଷ୍ଟି ସ୍ଥତି ଲୟର ଭାର ।୩।।
ପ୍ରେମରେ ମିଳି ବିଶ୍ବାସେ ଚାଲି
ଯିବା ଭରସା ଧରି ଏ ଭବ ପାର ।୪।
କର ତାଙ୍କ ଧନ୍ୟବାଦ ଧନ୍ୟବାଦ ଧନ୍ୟବାଦ
ହେ ମୋହର ମନ ହେ ମୋହର ମନ ମନ ପ୍ରାଣ ସବୁ କିଛି ମୋର
କର ତାଙ୍କ ପବିତ୍ର ନାମରେ ସ୍ତୁତି ଗାନ
ହେ ମୋହର ମନ, ନ ପାଶୋର ତାଙ୍କ ଦାନ (ଘୋଷା)
କ୍ଷମା କରନ୍ତି ସେ ତୋ’ର ପାପ ସବୁ
ସୁସ୍ଥ କରନ୍ତି ତୋହରରୋଗ ସବୁ ବିନାଶରୁ ତୋତେ କରନ୍ତି ଉଦ୍ଧାର
ଶିରେ ତୋ ଦିଅନ୍ତି ଦୟାର ମୁକୁଟ |1|
ସଦାପ୍ରଭୁ ସ୍ନେହଶୀଳ କୃପାମୟ କ୍ରୋଧରେ ଧୀର ସେ ଚିର ଦୟାମୟ
କରିଛନ୍ତି ଦୂର ଅଧର୍ମ ଆମର
ପୂର୍ବରୁ ପଶ୍ଚିମ ଯେତିକି ଦୂର |୨|
ଅନିତ୍ୟ ଏହି ଜୀବନ ତୃଣ ପରି ଦେଖୁ ଦେଖୁ ଝଡିପଡେ ଫୁଲପରି
ତଥାପି ଲଭନ୍ତି ତାଙ୍କ ଭକ୍ତଜନ
ଅସୀମ କଣା ମଙ୍ଗଳଦାନ ।୩।
ହେ ଆକାଶ ମଣ୍ଡଳ ଶୁଣ ଶୁଣ
ଦିବାରାତ୍ର ଗାଅ ସଦାପ୍ରଭୁଙ୍କ ଗୁଣ
ହେ ପୃଥିବୀ … ତୁମେ ନ ହୁଅ ଏଥିରୁ ବଞ୍ଚିତ (ଘୋଷା)
କରନ୍ତି ଯେ ଅବସ୍ତୁର ଉପାସନା ଦିଅନ୍ତି ପିତାଙ୍କ ହୃଦୟ ବେଦନା
ଅଗ୍ନି ତେଜରେ ରାଜା ଆସିବେ
ମହାକ୍ରୋଧରେ ତାଙ୍କୁ ଗ୍ରାସିବେ …ହୋ .. ହୋ
ହେ ପୃଥିବୀ .
ଆସୁଛି ଅତି ଭୟଙ୍କର ଦିନ ||୧||
ପ୍ରଭୁଙ୍କ ଦୃଷ୍ଟିରେ ଯାହା ଅଟେ ମନ୍ଦ କେବେ ତୁ ସେ କାର୍ଯ୍ୟ କରନା
ପସନ୍ଦ ସେ ଅଟେ ଶୟତାନର ଫାନ୍ଦ
ତା’ନୁହେଁ ସେ ଚିର ଆନନ୍ଦ … ହୋ … ହୋ
ହେ ପୃଥିବୀ … ତୁମେ ହୁଅ ଚଞ୍ଚଳ ସାବଧାନ || ୨ ||
ଯୀଶୁଙ୍କ ରକତେ କିଣା ଯେତେ ଜନ ରହିଛି ତାଙ୍କ ପାଇଁ ମହା ଗୁପ୍ତ ସ୍ଥାନ
ସଂଗ୍ରହ କରିବେ ଦୂତ ଗଣ
କରିବାକୁ ସରଗେ ଗ୍ରହଣ .. ହୋ … ହୋ
ହେ ପୃଥ୍ବୀ … ତୁମେ ନ ହୁଅ ଏଥିରୁ ବଞ୍ଚିତ ।୩।
ପ୍ରଭୁ ତୁମେ ରୁହ ସାଥେ ସାଥେ ଏ ଜୀବନ ସାରା
ମୁହଁ ଭୁଲି ସବୁ ଚାଲୁଥିବି ତୁମ ପଛେ ପରା (ମୋ ଯୀଶୁ)
ଏ ଜୀନ ସାରା … ||o||
ବହୁ ଦୂର ପଥ ମୋର ପଥେ କେତେ ଅନ୍ଧାର
ତୁମେ ଯଦି ଜ୍ୟୋତି ମୋର ହେବି ନାହିଁ ଦିଗହରା
ଏ ଜୀନେ ସାରା …. ||୧||
ଦୁଃଖ ଯେବେ ଆସେ ମନେ ଯିବି ତୁମ ସନ୍ନିଧାନେ
ତୁମେ ଯଦି ସାନ୍ବନା ମୋ ଝରିବନି ଅଶୁଧାରା ।
ଏ ଜୀନ ସାରା …. ୨ ||
ପରୀକ୍ଷା ଓ ପ୍ରଲୋଭନ ଅଛି ଆଗାମୀ ଜୀବନେ
ତୁମେ ଯଦି ସାଥ ମୋର ହେବି ନାହିଁ ଧୈର୍ଯ୍ୟହରା
ଏ ଜୀବନ ସାରା…..|୩|
click the link below know the tune
ଏ ଦୁନିଆର ଅନ୍ଧାର ପଥେ
ଆଲୋକ ଜାଳିଦିଅ ପ୍ରଭୁ
ଏ ଦୁନିଆର ନୀଳ ପାରାବାରେ
ଭାବନା ମୋତେ ଦିଅ ପ୍ରଭୁ (ଘୋଷା)
ସ୍ଵର୍ଗ ସୁଖ ଛାଡି ପ୍ରଭୁ ଦୀନହୀନ ବେଶରେ
କୋରଡ଼ା ପ୍ରହାର ଦେହେ ବହିଲ ଶ୍ରୀ ଅଙ୍ଗରେ
ଝରଝର ରକ୍ତ ସୂଅ କୁହାଇଲ କୁଶରେ
ଲଲାଟେ କଣ୍ଟା ମୁକୁଟ ପିନ୍ଧିଲେ ଆନନ୍ଦରେ
ସେ ସୁନ୍ଦର ମନ ଭାବିବାକୁ ମନେ ଭାବନା ମୋତେ ଦିଅ ପ୍ରଭୁ ।୧|
ଏ ମହୀମଣ୍ଡଳେ ପ୍ରଭୁ ହୁଅ ତୁମେ ସାଥୀ
ଜଗତର ଚଲାପଥେ ହୁଅ ତୁମେ ଦୀପ୍ତି
ଏ ଦୁନିଆର ଘନ ଅନ୍ଧାରେ ଆଲୋକ ଜାଳିଦିଅ ପ୍ରଭୁ |9|
ଯୀଶୁ ଆସିଲେ ସ୍ଵର୍ଗରୁ,
ଦୟାରେ ମୁକ୍ତ କରିଲେ ସେ ମୋତେ ପାପରୁ (ଘୋଷା)
ସେ ସ୍ବର୍ଗ-ସୁଖ ଛାଡ଼ିଲେ, ସତ୍ୟ ମନୁଷ୍ୟ ହୋଇଲେ,
ସେ ମନୁଷ୍ୟ ଓ ଈଶ୍ଵର ସତ୍ୟ ଅବତାର |୧|
ଈଶ୍ଵରଙ୍କ ବିଷୟରେ ସେ ସତ୍ୟତା ଶିଖାଇଲେ,
ଯେ ତାଙ୍କୁ ଏବେ ମାନଇ ସେ ଜ୍ଞାନୀ ହୁଅଇ |୨|
ମୁଁ ଥିଲି ପାପିଷ୍ଠ ଲୋକ, ସେ କଲେ ମୋତେ ଧାର୍ମିକ,
ସେ ବଡ଼ ଦୁଃଖ ସହିଲେ, ମୋ ଦଣ୍ଡ ପାଇଲେ (ଯୀଶୁ) |୩ ।
ସେ ମୋର ପାଇଁ ମରିଲେ, ମୋ ବଦଳି ସେ ହୋଇଲେ,
ଯେବେ ସେ ମରି ନଥାନ୍ତେ, ଲୋକ ନାଶ ଯାନ୍ତେ (ଯୀଶୁ) ।୪|
ଯେବେ ସେ ଆସି ନଥାନ୍ତେ ଲୋକେ ସ୍ବର୍ଗକୁ ନ ଯାନ୍ତେ,
ଏବେ ମୁଁ ସ୍ଵର୍ଗକୁ ଯିବି, ପ୍ରଭୁଙ୍କୁ ଦେଖୁବି |୫|
କେତେବେଳେ ଚାଲିଯିବ ଜୀବନ
କେତେବେଳେ ଉଡ଼ିଯିବ ପରାଣ
ଜୀବନ ଚାଲି ଯିବା ଆଗରୁ
ପରାଣ ଉଡ଼ି ଯିବା ଆଗରୁ
ଯୀଶୁ ପାଶେ ସମର୍ପିବା ଏ ଆତ୍ମା ମନ
କେତେବେଳେ ଚାଲିଯିବ ଜୀବନ ….=୦=
ଏ ଜୀବନ ବୃକ୍ଷ ଦିନେ ଝାଉଁଳି ପଡ଼ିବ
ଏ ଜୀବନ ନାବ ଦିନେ ପାଣିରେ ବୁଡ଼ିଯିବ
ଏ ଜୀବନ ରଙ୍ଗ ଦିନେ ଫିକା ହୋଇଯିବ
ଏ ଜୀବନ ବାଟ ଦିନେ ଠିକଣା ହରାଇବ
ଆଜି ଅଛି କାଲି ନାହିଁ ମଣିଷ ଜୀବନ
ଏଇ ଅଛି ଏଇ ନାହିଁ କୁହୁଡ଼ି ସମାନ
ଏହି ହେତୁ କ୍ରୁଶ ପାଶେ ନେବା ଶରଣ
କେତେବେଳେ ଚାଲିଯିବ ଜୀବନ ….=୦=
ଏ ଜୀବନ ଗୀତ ଦିନେ ବେସୁରା ହୋଇବ
ଏ ଜୀବନ ଫୁଲ ଦିନେ ବାସନା ହରାଇବ
ଏ ଜୀବନ ଗୃହ ଦିନେ ଭୁଶୁଡ଼ି ପଡ଼ିବ
ଏ ଜୀବନ ନାଟ ଦିନେ ସମାପ୍ତ ହୋଇଯିବ
ଆଜି ଅଛି କାଲି ନାହିଁ ମଣିଷ ଜୀବନ
ଏଇ ଅଛି ଏଇ ନାହିଁ କୁହୁଡ଼ି ସମାନ
ଏହି ହେତୁ ଫେରିଯିବା ଯୀଶୁ ଚରଣ
କେତେବେଳେ ଚାଲିଯିବ ଜୀବନ ….=୨=
ଗୀତ ରଚନା ଓ ସ୍ୱର ସଂଯୋଜନା
ଅମିତ୍ ବଡ଼ନାୟକ (ଶିକ୍ଷକ)
(8895583382)
କଣ୍ଠଦାନ – ହ୍ୟୁମାନ ସାଗର
click the link below to know the tune
କମ୍ପି ଉଠେ ଏ ଧରାଧାମ
ନେଲେ ବୋଲି ଯୀଶୁ ଜନମ
ଝୁମି ଉଠେ ଏ ତନୁ ପ୍ରାଣ
ନେଲେ ବୋଲି ଯୀଶୁ ଜନମ
ହସୁଛି ନୀଳ ଗଗନ
ନାଚୁଛି ଗିରି କାନନ
ଆନନ୍ଦିତ ଲାଗେ ଏ ମନ
ଉଲ୍ଲସିତ ହୁଏ ଏ ପ୍ରାଣ….=୦=
ସୃଷ୍ଟି କାଳାବଧି ଯାହାଙ୍କ ବିଷୟ
ଧର୍ମ ଶାସ୍ତ୍ରେ ଥିଲା ଲିଖିତ
ପ୍ରତିଜ୍ଞାନୁସାରେ ପ୍ରତିଜ୍ଞାତ ସୂତ
କଲେ ତାହା ସଫଳିକୃତ
ପିତାଙ୍କ ଆଦେଶମାନ
ମାନିଲେ ଯୀଶୁ ରାଜନ
ଆନନ୍ଦିତ ଲାଗେ ଏ ମନ
ଉଲ୍ଲସିତ ହୁଏ ଏ ପ୍ରାଣ….=୦
ସରଗର ଦୂତ ହୋଇ ଉପସ୍ଥିତ
କହିଲେ ନ ହୁଅ ଭୟାର୍ତ୍ତ
ଅଦ୍ୱିତୀୟ ପୁତ୍ର ହୋଇଛନ୍ତି ଜାତ
ପାପ ତାପ କରିବେ ଧୌତ
ମାନବ ରୂପ ଧରିଣ
ଆସିଲେ ମର୍ତ୍ତ୍ୟ ଭୂବନ
ଆନନ୍ଦିତ ଲାଗେ ଏ ମନ
ଉଲ୍ଲସିତ ହୁଏ ଏ ପ୍ରାଣ….=୦
ଗୀତ ରଚନା ଓ ସ୍ୱର ସଂଯୋଜନା
ଅମିତ୍ ବଡ଼ନାୟକ (ଶିକ୍ଷକ)
କଣ୍ଠଦାନ – ଅମିତ୍ ପାଣି (ସୁସମାଚାର ଗାୟକ)
click the link below to know the tune
ଏମିତି ପାପେ ବୁଡିଥିବୁ କେତେ ଦିନ ବନ୍ଧୁ କେତେ ଦିନ
କେବେ ଛାଡ଼ିବୁ ମନ୍ଦ ଗୁଣ
କେବେ ହେବୁ ପରିବର୍ତ୍ତନ
କେବେ ଭଜିବୁ ଯୀଶୁ ନାମ
କେବେ କରିବୁ ତାଙ୍କ ଧ୍ୟାନ
ଏମିତି ପାପେ ବୁଡିଥିବୁ କେତେ ଦିନ ବନ୍ଧୁ କେତେ ଦିନ =୦=
ଆଉ କେତେ କାଳ ବନ୍ଧୁ କରୁଥିବୁ ହେଳା
ଜୀବନଟା ଚାଲିଗଲେ ବୁଡ଼ିଯିବ ଭେଳା
ବଦଳାଇ ଦେ ନିଜକୁ ଥାଉ ଥାଉ ବେଳା
ନୋହିଲେ ଭୋଗିବୁ ଦିନେ ନରକର ଜ୍ୱାଳା
ଜାଣି ଶୁଣି ସବୁ କଥା ଭୁଲାଉଛୁ ନିଜ ମଥା (୨ଥର)
କେବେ ସଜାଡିବୁ ମନ
କେବେ ହେବୁ ସଂଶୋଧନ
ଏମିତି ପାପେ ବୁଡିଥିବୁ କେତେ ଦିନ ବନ୍ଧୁ କେତେ ଦିନ =୧=
ମାୟା ମରିଚିକା ପଛେ କେତେ ଧାଉଁଥିବୁ
ରଙ୍ଗ ରସ ମତ୍ତତାରେ କେତେ ମାତିଥିବୁ
ଛଳ କୂଟ କପଟରେ କେତେ ବୁଡିଥିବୁ
ଅସାର ପଥରେ କେତେ ବାଟ ଚାଲୁଥିବୁ
ଛାଡ଼ି ଏ ମିଛ ଦୁନିଆ ଯୀଶୁ ପାଶେ ତୁ ଫେରିଆ (୨ଥର)
ଦେବେ ତୋତେ ପରିତ୍ରାଣ
ଧନ୍ୟ ହେବ ତୋ ଜୀବନ
ଏମିତି ପାପେ ବୁଡିଥିବୁ କେତେ ଦିନ ବନ୍ଧୁ କେତେ ଦିନ =୨=
ଗୀତ ରଚନା ଓ ସ୍ୱର ସଂଯୋଜନା
ଅମିତ୍ ବଡ଼ନାୟକ (ଶିକ୍ଷକ)
କଣ୍ଠଦାନ – ବାବୁନ୍ ପାଣି
click on this link below to know the tune