Blog

ଈଶ୍ଵର ପ୍ରେମ ଛାଡ଼ି ପାରେନା
ଈଶ୍ଵର ପ୍ରେମ ଭୁଲି ହୁଏନା… (ଘୋଷା)

ସୂର୍ଯ୍ୟ ପୂର୍ବ ଛାଡ଼ି ପଶ୍ଚିମେ ଉଇଁପାରେ
ପଦ୍ମ ପଙ୍କ ଛାଡି ପର୍ବତେ ଫୁଟିପାରେ
ଈଶ୍ଵର ପ୍ରେମ କେବେ ନ ଛାଡ଼ିବା
ତୁମରି ସଙ୍ଗେ ସର୍ବଦା ରହିବ … |୧|

ଛାଡ଼ିପାରନ୍ତି ପିତା ଓ ମାତା ନିଜର
ଛାଡ଼ିପାରନ୍ତି ଭଗ୍ନୀ ବା ସହୋଦର
ଛାଡ଼ିପାରନ୍ତି ଘନିଷ୍ଠ ବାନ୍ଧବ
ଈଶ୍ଵର ପ୍ରେମ କେବେ ନ ଛାଡ଼ିବ |୨|

ହୋଇଛି ଯଦି ନଗନ୍ୟ ଏ ସମାଜରେ
ଭୂଷିତ ହୋଇ ନାହିଁ ଉଚ୍ଚ ପଦବୀରେ
ସମାଜ ଛାଡ଼ିପାରେ ଏ ମାନବ
ଈଶ୍ଵର ପ୍ରେମ କେବେ ନ ଛାଡ଼ିବ… |୩|

ଛାଡ଼ିପାରେ ଜଳବାୟୁ ଏହି ମର୍ତ୍ତ୍ୟରେ
ଝଡ଼ ବର୍ଷା ଅବା ତୁମକୁ ଛାଡ଼ିପାରେ
ତୁମକୁ ଯଦି ସୃଷ୍ଟି ନ ଚିହ୍ନିବ
ଈଶ୍ଵର ପ୍ରେମ କେବେ ନ ଛାଡ଼ିବା I୪I

ସୂଚୀମାଳାକୁ ଫେରନ୍ତୁ

ଜୀବନ ସାଇଁ ଜୀବନ ଦେଇ ନେଲ ବହି
ଅପରାଧ ମୋ ଅପରିସୀମ କିମିତି ପ୍ରଭୁ ଗଲ ସହି.. (ଘୋଷା)

କୁଶ ପରେ କରୁଣା ଭରେ ଢ଼ାଳିଲ ରକ୍ତଧାର
ରାଜାଧିରାଜ ସୁର ସୁରୁଜ ସକଳ କାରିଗର
ବହିଲ କୁଶ କହିଲ ନାହିଁ ହୋ …
ଆପଣା ଅଙ୍ଗେ ଗଲ ସହି… |୧|

ହେଲେ ମୁଁ ଦୀନ ନିତାନ୍ତ ହୀନ ତୁମେ ମୋ ମହାଧନ
ମଣିଲ ପ୍ରିୟ ହେ ପ୍ରେମମୟ ନୁହେଁ ମୁଁ ବିସ୍ମରଣ
ମୋ ମନ ରଥେ ହୁଅ ସାରଥି ହୋ
ସରଗପୁରେ ନେବା ପାଇଁ… |୨|

ସୂଚୀମାଳାକୁ ଫେରନ୍ତୁ

ଆହେ … ଅନନ୍ତ ଅସୀମ
ତୁମରି ମଧୁର ପ୍ରେମ କେ…କରିପାରେ ବର୍ଣ୍ଣନା
ତୁମ ପ୍ରେମ ପାଇଁ ଧନ୍ୟ…ଏ ଧରା ଧାମ (ଘୋଷା)

କାଗଜ ହୁଅନ୍ତା ଯଦି ଆକାଶର ବକ୍ଷ
ଲେଖନୀ ହୁଅନ୍ତା ଯଦି ପ୍ରତି ଲତା ବୃକ୍ଷ
ସାଗରର ନୀଳ ନେଇ ସେ ଲେଖନୀଯାକ
ପ୍ରତିଟି ମଣିଷ ଯଦି ହୁଅନ୍ତେ ଲେଖକ
ତଥାପି ସରନ୍ତା ନାହିଁ ଆକାଶର ସୀମା ଡେଇଁ
ବଣ୍ଡିବାକୁ ପ୍ରଭୁ ତୁମ … ଅମୃତ
ପ୍ରେମ ଆହେ ଅନନ୍ତ ଅସୀମ… I୧|

ଜଗତକୁ ପ୍ରେମ କଲ ପ୍ରଭୁ ହେ ଏମନ୍ତ
ଦାନ କଲ ଏକମାତ୍ର ପ୍ରାଣପ୍ରିୟ ପୁତ୍ର
ତପତ ରୁଧୁର ଢ଼ାଳି କଲ ପାୟଶ୍ଚିତ୍ତ
ପାପୀ ପାଇଁ ଏତେ ପ୍ରେମ ଦେଖିଲା ମରତ
ସେ ପ୍ରେମରୁ କଣିକାଏ ଦିଅ ପ୍ରଭୁ ଏ ହୃଦୟ
ସାରା ବିଶ୍ୱ ଭରିଯାଉ ।
ସେ ଦିବ୍ୟ ପ୍ରେମ, ଆହେ … ଅନନ୍ତ ଅସୀମ…. |୨|

ସୂଚୀମାଳାକୁ ଫେରନ୍ତୁ

ନିରାଶର ଅନ୍ଧାର ଚିରି କଲବରୀ ଚୂଳେ ଉଇଁଲା
ଆଶାର ସୁରୁଜ ଶିଖା
ସେ ତ ଶାଶ୍ବତ ଆଶାର ଶିଖା ପତିତର ମହାସଖା
ରଖ କୁଶ ତଳେ ଲୟ ଏକା (୨ ଥର) (ଘୋଷା)

ଯଦି ଥାଏ ତୁମ ଜୀବନେ ପିପାସା ପାଇବାକୁ ସେ ଭରସା
କର ହେ ଅର୍ପଣ ହୃଦ ଆମ୍ବା ମନ ପୂର୍ଣ୍ଣ ହେବ ଅଭିଳାଷ
ସେ ତ ଶାଶ୍ବତ ଆଶାର ଶିଖା ପତିତର ମହାସଖା
ରଖ କୁଶ ତଳେ ଲୟ ଏକା (୨ ଥର)… ।୧।

ଅସୀମ ସାଗରେ ଦିଗହରା ହୋଇ ଭାସେ ଯେବେ ତୁମ ତରୀ
କହିବେ ସେ ଧୂରେ ସୁମଧୁର ସ୍ଵରେ ପଥ ଏହି ପଥ ଏହି
ସେ ତ ଶାଶ୍ବତ ଆଶାର ଶିଖା ପତିତର ମହାସଖା
ରଖ କୁଶ ତଳେ ଲୟ ଏକା (୨ ଥର)… ।୨।

ସୂଚୀମାଳାକୁ ଫେରନ୍ତୁ

ପାପୀ ତୋର ପାପ ଆଜି ହେଲା ଅବସାନ
ମୃତ୍ୟୁଞ୍ଜୟୀ ଈଶ ସୁତ ସେ ଜଗତ ଜନ ରାଜନ ହେ (ଘୋଷା)

କବରର ତୀରେ ଯିଏ ଖୋଜି ଖୋଜି ଗୀତ ଗାଏ-ହେ
ସେ ଯେ ତୋର ଅତି ପ୍ରିୟ-ହାବିଦୁରିତା ମରିୟମ… |୧|

କାଲବରୀ ପରେ ଯିଏ ତା ଶୋଣିତ ଢାଳିଦିଏ
ତୃତୀୟ ଦିବସେ ଆଜି-ହାହେଲା ତାର ଉତ୍ଥାନ… |୨|

ସୂଚୀମାଳାକୁ ଫେରନ୍ତୁ

କୁଶ ମୋ ଆଦରି ନେରେ ପାପୀ
କୁଶ ମୋ ଆଦରି ନେ
କୁଶ ତଳେ ତୋ ଅମାପ ପାପ (୨)
ଗରୀ ଥୋଇ ଦେରେ ପାପୀ (୨) (ଘୋଷା)

ପାପ କଳଙ୍କ ଧୋଇବା ପାଇଁରେ
କୁଶେ ଦେଲି ବ୍ଳକୁ ରକତ ନିଗାଡ଼ି
ହୃଦେଭରା ତୋର କଳଙ୍କ କାଳିମା
ରକତେ ପଖାଳି ଦେରେ ପାପୀ… |୧|

ଖୋଜି ମୁଁ ତୋତେ ବାହାର ଅନ୍ଧାରେ
କେଶ ବେଶ ତିରେ ନିଶିର ଶିଶିରେ
ଡାକି ଫେରେ ନିତି କୁଟୀର ଦୁଆରେ
ଦୁଆର ଫିଟାଇ ଦେରେ ପାପୀ… |୨|

ପାପୀ ମରଣ ପାରେନା ସହିରେ
କୋଟିନିଧୀ ପାପୀ ଗୋଟିଏ ପାଇଲେ
ତିଳେ ତିଳେ ସଢି ମରୁଛୁ ପାପରେ
ଅମର ପଦବୀ ନେରେ ପାପୀ… |୩|

ସୂଚୀମାଳାକୁ ଫେରନ୍ତୁ

ହେ ଶାନ୍ତିମୟ ଯୀଶୁ ସୁନ୍ଦର
ଦିଅ ପ୍ରତି ପ୍ରାଣେ ଚିର ଶାନ୍ତି ତୁମର… (ଘୋଷା)

ତୁମେ କହିଗଲ ହେ ପାପୀ ମାନବେ
ନିଜ ଶାନ୍ତି ଦାନ କରୁଅଛି ମୁଁ ଯେ
ଜଗତର ଶାନ୍ତି ନୁହେଁ ସମତାର
କର ହେ ସନ୍ଧାନ ସେ ଦିବ୍ୟ ଶାନ୍ତିର… |୧ |

ଆହେ ପରିଶ୍ରାନ୍ତ ପତିତ ମାନବ
ତୁମ ପାଇଁ ତାହା ହୋଇଛି ପ୍ରଦତ୍ତ
ସ୍ଵର୍ଗୀୟ ଦାନ ନାହିଁ ଶେଷ ତାର
ଯୀଶୁ ହିଁ ଅଟନ୍ତି ତହିର ଭଣ୍ଡାର… |୨|

ସୂଚୀମାଳାକୁ ଫେରନ୍ତୁ

ଯୀଶୁଙ୍କ ପରି ଆଉ କିଏ ପ୍ରେମ କରିପାରେ
ଯୀଶୁଙ୍କ ପରି ଆଉ କିଏ କ୍ଷମା ଦେଇପାରେ… (ଘୋଷା)

ଜଗତରେ କେହି ନାହିଁ ଦେବା ପାଇଁ ଶାନ୍ତି
ତାଙ୍କ ବିନା ନାହିଁ ଆଉ କାହାଠାରେ ମୁକ୍ତି
ନ ହୋଇ ଚିନ୍ତିତ ବିଶ୍ଵାସ ରଖି
ଭକ୍ତି ଲୟ ତାଙ୍କଠାରେ… |୧|

ଶାନ୍ତିମୟ ନାମ ତାଙ୍କ ଶାନ୍ତିର ଆଧାର
ସେହି ନାମ ଦେବ ତୋତେ ସନ୍ଧାନ ସ୍ଵର୍ଗର
ସେହି ନାମଟି ଯେ ସୁଧାମୟ ନାମ
ନେବ ତୋତେ ସ୍ଵର୍ଗପୁରେ… |୨|

ସୂଚୀମାଳାକୁ ଫେରନ୍ତୁ

ହାଲିଲୁୟା ଗାଅ ହେ ସର୍ବେ, ଗାଅ ହେ ହୋଶାନ୍ତା
ଜୟ ଗୀତ ଗାଇ ଗାଇ, କର ହେ ବନ୍ଦନା … (ଘୋଷା)

ବିଶ୍ଵ ଜନ ମନ ପ୍ରାଣେ, କରିଦେବୁ ଉଦ୍ଦୀପନା
କହିଯିବୁ କାନେ, କାନେ, ମୁକ୍ତି ନାହିଁ ଯୀଶୁ ବିନା… |୧|

ତୁମେ ସତ୍ୟ ତୁମେ ପଥ, ତୁମେ ହିଁ ଅଟ ଜୀବନ
ତୁମ ପାଶେ ରହିଥିଲେ, ନଥିବ ପାପ ଯାତନା… |୨|

ସୂଚୀମାଳାକୁ ଫେରନ୍ତୁ

ପ୍ରଭୁ ହେ ପ୍ରଭୁ ହେ କରେ ମିନତି, ମୋ ପ୍ରତି ସୁଦୟା ରହୁ
ଯୀଶୁଙ୍କୁ ହୃଦୟେ ଧରି ମୋର ପ୍ରାଣପଛେ ଚାଲିଯାଉ… (ଘୋଷା)

ସେ ନାମ ଗାଆନ୍ତି ସ୍ୱର୍ଗ ଭୁବନେ, ଦିବ୍ଯ ଦୂତଗଣ ହରଷ ମନେ
ସେ ନାମ ଆସିଲେ ମଭ୍ୟ ଭୁବନେ, ମୋ ପାପର ପ୍ରାୟଶ୍ଚିତ୍ତ କାରଣେ
ସେହି (ଯୀଶୁ) ମମ ଗାଇ ଗାଇ ମୋର ଦୁଖଛାୟା ରେ ଯାଉ.. ।୧।

ପାପ ପାଇଁ କଲେ ନର ଯେ, ଯଜ୍ଞ ଅଭିଶପ୍ତ ଧରା ନୋହିଲା ପୁଣ୍ୟ
ସେ ଛକି କାଠ ନରମେଧ ଯଜ୍ଞ ସାଧିଲେ ଶୂନ୍ଯ ମୋ ଯୀଶୁ ରାଜନ
ଜୀବନେ ତାହାଙ୍କୁ (ଯୀଶୁ) ଧରି ମୋର ଆତ୍ମା ସ୍ଵର୍ଗ ଗଲିଯାଉ.. ।୨।

ରୁଧିରେ ସ୍ଥାପିଲେ ସ୍ବର୍ଗୀୟ ପଥ ଅନନ୍ତ ଜୀବନ କଲେ ପ୍ରଦତ୍ତ
ସର୍ବ ଶାସ୍ତ୍ର ହେଲା ଜଗତେ ବ୍ୟର୍ଥ ସେହି ପ୍ରଭୁ ଯୀଶୁ ରଚିଲେ ସତ୍ୟ
ସେ ସତ୍ୟ (ଯୀଶୁ) ଶ୍ରେଣୀ ବହି ମୋର ସ୍ଵର୍ଗକୂଳେ ଲାଗିଯାଉ.. ।୩।

ସୂଚୀମାଳାକୁ ଫେରନ୍ତୁ