ପ୍ରଭୁ ତୁମେ ରୁହ ସାଥେ ସାଥେ ଏ ଜୀବନ ସାରା
ମୁହଁ ଭୁଲି ସବୁ ଚାଲୁଥିବି ତୁମ ପଛେ ପରା (ମୋ ଯୀଶୁ)
ଏ ଜୀବନ ସାରା … |୧|
ବହୁ ଦୂର ପଥ ମୋର ପଥେ କେତେ ଅନ୍ଧାର
ତୁମେ ଯଦି ଜ୍ୟୋତି ମୋର ହେବି ନାହିଁ ଦିଗହରା
ଏ ଜୀବନ ସାରା …. |୨|
ଦୁଃଖ ଯେବେ ଆସେ ମନେ ଯିବି । ତୁମ ସନ୍ନିଧାନେ
ତୁମେ ଯଦି ସାନ୍ବନା ମୋ ଝରିବନି ଅଶୁଧାରା
ଏ ଜୀନ ସାର …. |୩|
ପରୀକ୍ଷା ଓ ପ୍ରଲୋଭନ ଅଛି ଆଗାମୀ ଜୀବନେ
ତୁମେ ଯଦି ସାଥ୍ ମୋର ହେବି ନାହିଁ ଧୈର୍ଯ୍ୟହରା
ଏ ଜୀବନ ସାରା …..|୪|
ଆ… ଫେରିଆରେ ଥରେ କ୍ରୂଶ ଶରଣେ
ଧୋଇଦେବ ପାପ ଯେତେ ଅଛି ଜୀବନେ … (ଘୋଷା)
ଦୁଇ ବାହୁ ମେଲି କୁଶେ ପ୍ରେମ ଅଧରେ
ଡାକୁଛନ୍ତି ଯୀଶୁ ରାଜା କ୍ଷମା ରୁଧିରେ
ଝରିଯାଏ ସେ ରୁଧିର ତୋର କାରଣେ … |୧|
ଭୁଲି ପଥ ହଜିଛୁ ତୁ ମାୟା ସଂସାରେ
ତଥାପି ବି ପ୍ରେମିକ ସେ ତୋ ପାଇଁରେ
ଚାହିଁଛନ୍ତି ବାଟ ତୋର ଆକୁଳ ପ୍ରାଣେ … |୨|
ରାଜାମାନଙ୍କ ରାଜା ଯୀଶୁ ରାଜା
ଆମ ସଭିଙ୍କ ପ୍ରିୟ ଯୀଶୁ ରାଜା
ଜଗତର ପିତା ସୃଷ୍ଟି କରତା କର ତାଙ୍କର ପ୍ରଶଂସା … (ଘୋଷା)
କେହି ଯେବେ ଯୀଶୁଙ୍କୁ ହୃଦେ ନିଅନ୍ତି
ନୂତନ ଜୀବନ ଲାଭ କରନ୍ତି
ଆତ୍ମାଙ୍କ ଇଙ୍ଗିତେ ସଦା ଚାଲନ୍ତି
ହଜାତ୍ମାମାନଙ୍କୁ ଲାଭ କରନ୍ତି … |୧|
ଖ୍ରୀଷ୍ଟ ଆଦେଶ ମାନିବ ଯଦି
ପ୍ରଦୀପ ସଦୃଶ୍ୟ ଜଳିବ ଯଦି
ଗ୍ରାମେ ଗ୍ରାମେ ସହରେ ପ୍ରଚାରିବ ଯାଇ
ଖ୍ରୀଷ୍ଟ ହିଁ ଏକମାତ୍ର ମୁକ୍ତି ଆମର ପାଇଁ… |୨|
ହାଲେଲୁୟା ହାଲେଲୁୟା ହୋଶାନା
ଯୀଶୁ ନାମେ ହେଉ ବନ୍ଦନା
ସେ ଯେ ମହାନ ସର୍ବ ଶକ୍ତିମାନ
ଘେନ ତାଙ୍କ ନାମେ ନୂଆ ଜୀବନ
କରି ତାଙ୍କୁ ହୃଦେ ଜୟଗାନ … (ଘୋଷା)
ଆସିଲେ ଜଗତେ ନର ରୂପ ଧରି
ଦେଖାଇଲେ ପଥ ଆଲୋକ ଜାଳି
କୁଶରେ ଆମ ଲାଗି ହେଲେ ସେ ବଳି
ସେ ଯେ ପରିତ୍ରାଣ କଲେ ସାଧନ
ଦେଇ ଆମକୁ ଅନନ୍ତ ଜୀବନ … |୧|
ଯୀଶୁ ନାମେ ଆନନ୍ଦେ କରିବା ଗାୟନ
ନାହିଁ ଆଉ କାହିଁ ସେ ନାମ ସମ
ସେହି ଜୀବନ ସତ୍ୟ ସନାତନ
ଅଟେ ସେହି ନାମ ଅମୃତ ସମାନ
ଧନ୍ୟ ଆମ ରାଜା ରାଜନ … |୨|
ଆଜି ଏ ଲଗନେ ବିଶ୍ବାସୀ ମିଳନ
ଅରପୁଛୁ ତୁମ ପାଦେ ଏହି ଜୀବନ
ଢାଳିଦିଅ ପବିତ୍ର ଆମ୍ରାଙ୍କ ଦାନ
ପ୍ରେମେ ଭରିଦିଅ ପ୍ରତି ଅନ୍ତର
ସାର୍ଥକ ହେଉ ଏ ଜୀବନ … |୩|
କର ସ୍ତୁତି ପ୍ରଶଂସା ଗାନ
ଯିହୋବାଙ୍କ କର ସ୍ତୁତି ପ୍ରଶଂସା ଗାନ… (ଘୋଷା)
ପବିତ୍ର ସ୍ଥାନେ ତାଙ୍କ ଶୂନ୍ୟ ଗଗନେ,
କରି ତାଙ୍କ ପ୍ରଶଂସା ଗାନ… |୧|
ମହିମାରେ ପୂର୍ଣ୍ଣ ସେ ତ ସର୍ବ ଶକ୍ତିମାନ
କରି ତାଙ୍କ ସଂଭ୍ରମ ଗାନ… |୨|
ବଜାଅ ଭେରୀ, ତୁରୀ, ନେବଲ ବୀଣା
ବଂଶୀ ବାଦ୍ୟ ସୀତାର ବାଜା… |୩|
ବଜାଅ କରତାଳି, କର ନୃତ୍ୟ ଗାନ
ନାଚି ଉଠୁ ଧରା ଗଗନ… |୪|
ନିଃଶ୍ଵାସ, ପ୍ରଶାସଧାରୀ ସର୍ବପ୍ରାଣୀଗଣ,
କର ତାଙ୍କ ପ୍ରଶଂସା ଗାନ…. |୫|
ଚକ୍ଷୁ ଖୋଲିଦିଅ ଦେଖିବି ତୁମରି ରୂପ
କଣ୍ ଖୋଲିଦିଅ ଶୁଣିବି ତୁମରି ଡାକ
ଚିତ୍ତ ଖୋଲିଦିଅ ପ୍ରଭୁ ରଖିବି ପବିତ୍ର ବାକ୍ୟ… (ଘୋଷା)
ମୋ ଚକ୍ଷୁ ପାପରେ ଲିପ୍ତ ହୋଇଛି।
ଅନ୍ଧଠୁ ବଡ ଅନ୍ଧ ହୋଇଛି
ମାସର ଚକ୍ଷୁ ମୋ ଦେଖାଯାଉଛି
ଆମ୍ରାର ଚକ୍ଷୁ ମୋ ଅନ୍ଧ ହୋଇଛି (୨ ଥର)
ଦୟା କର … ଦୟା କର
ଦୟା କରି ମୋର ଚକ୍ଷୁ ଖୋଲ… |୧|
ମୋ କ ଅଧର୍ମ କଥା ଶୁଣିଛି।
ଜଡଠୁ ବଡ ଜଡ଼ ହୋଇଛି।
ମାଂସର କଣ୍ଠ ମୋ ଶୁଣାଯାଉଛି
ଆତ୍ମାର କର୍ଣ ମୋ ବଧୂର ହୋଇଛି ( ୨ ଥର)
ଦୟା କର … ଦୟା କର
ଦୟା କରି ମୋର କର୍ଣ ଖୋଲ… |୨|
ମୋ ଚିତ୍ତ ଅଧମ ଚିନ୍ତା କରିଛି
କଠିନଠୁ ବଡ କଠିନ ହୋଇଛି
ମାଂସର ଚିତ୍ତ ମୋ ବୁଝା ଯାଉଛି (୨ ଥର)
ଆମ୍ବାର ଚିରୁ ମୋ ହଜିଯାଇଛି
ଦୟା କର … ଦୟା କର
ଦୟା କରି ପ୍ରଭୁ ଚିତ୍ତ ଖୋଲ… |୩|
ଭବ ଅରଣ୍ୟରେ ପଥ ହରାଇ ବୁଲୁଛି ଏକା ମୁହିଁ
ପାଉ ନାହିଁ ରାହା କିଏ ଦେବ ମୋତେ ପଥ ଦେଖାଇ… (ଘୋଷା)
ଯାଏ ଯେଉଁଆଡେ ମୋ ନିଜ ଇଚ୍ଛାରେ ପାଏନା ସତ୍ୟ ପଥ
ଭବାରଣ୍ୟ ଶୁଣି ସିଂହର ଗର୍ଜନ ଭାଗିଯାଏ ମୋ ହୃଦ
କାହାକୁ ଗ୍ରାସିବି ବୋଲି ଖୋଜେ ସେ ତ
କାହିଁ ମୋ ରକ୍ଷା ପାଇ… |୧|
କିଏ ଉଦ୍ଧାରିବ ଘୋର ବିପଦରୁ ଶୁଣି ମୋ ଆରତ
ନିର୍ଭୟେ ବାନ୍ଧିବ ଦୁଷ୍ଟ ଶୟତାନ ନ ହେଲେ ରକ୍ଷା ପ୍ରାପ୍ତ
ଯୀଶୁ ନାମେ ସିନା ଅଛି ରକ୍ଷାପଥ ଭବୁ ତାରିବା ପାଇଁ… |୨|
ହେ ଯୀଶୁ ଈଶ ତୁମେ ହିଁ ସତ୍ୟ ତୁମେ ଜୀବନ ପଥ
ତୁମକୁ ହରାଇ ତୃଟି ମୁଁ କରିଛି ଦୟାରେ ଧରି ହାତ
କଢ଼ାଇନିଅ ସତ୍ୟ ପଥେ ସତତ, ସାହା ମୋ ନାହିଁ କେହି… |୩|
ପ୍ରାର୍ଥନା ଶ୍ରବଣକାରୀ, ଆମ ସଦାପ୍ରଭୁ ହେ ତୁମେ
ମାଗିଥାଉ ଯାହା, ବିଶ୍ବାସରେ ଆମେ
ଦେଇଥାଅ ଯୀଶୁ ନାମେ… (ଘୋଷା)
ମୋଶା, ଯିହୋଶୁୟ, ଦାଉଦ, ଏଲିୟ, ନିହିମିୟା, ଶାମୁୟେଲ
ଡାକିଲେ ତୁମରେ ଏକାନ୍ତ ଚିତ୍ତରେ ପ୍ରାର୍ଥନାରେ ଦାନିୟେଲ
ଶୁଣି ସେମାନଙ୍କ ବିଶ୍ବାସର ଡାକ, ଅସାଧ୍ୟ ସାଧିଲ ତୁମେ… |୧|
ଡାକିଲା କାତରେ, ଅନ୍ଧବାଟିର୍ମୟ ଦୟା କର ଯୀଶୁ ବୋଲି
ପରଶେ ତୁମର ଦୁଇ ଆଖି ତାର, ଦୟା ବହିଦେଲ ଖୋଲି
ଦୁଃଖି ଦୁଃଖହାରୀ ପାପ କ୍ଷମାକାରୀ,
ପ୍ରଣମୁ ତୁମ ଚରଣେ… |୨|
ମାଗ ଦିଆଯିବ, ଖୋଜିଲେ ପାଇବ, ବିଶ୍ବାସ ଭରସା ମନେ
ଦ୍ଵାରରେ ମାରିଲେ, ଦ୍ୱାର ଖୋଲାଯିବ, ଶପଥ ଦେଇଛ ତୁମେ
କି ମାଗିବୁ ପ୍ରଭୁ, ତୁମେ ଜାଣ ସବୁ, ରହିଥାଅ ହୃଦାସନେ… |୩|
ଆସ ଯିବା ଯୀଶୁଙ୍କର ପାଶ
ଆମେ ଅଟୁ ଯୀଶୁଙ୍କର ମେଷ
ମୁଖେ ଭରି ଦେବେ ସେ ହରଷ… (ଘୋଷା)
ଆନନ୍ଦ ହରଷ ପ୍ରିୟ ଯୀଶୁ ପାଶ
ନ ଥୁବ ଆଉ ସେ କ୍ଳେଶ
ସେହି ଯୁବାମେଷ ତୋତେ ଦେବେ ହସ
ଆସ ଯିବା ଯୀଶୁ ପାଶ… |୧|
ହାଲେଲୁୟା ସ୍ତୁତି ପ୍ରଶଂସାର ଗୀତି
ଦୂତ ସାଧୁଙ୍କ ପାଶେ
ଗାଉଥୁବା ନୀତି ଆନନ୍ଦରେ ମାତି
ସ୍ଵର୍ଗ ସିୟନ ଦେଶେ… |୨|
ଅଶାନ୍ତ ଜଗତେ, ପାପ ଦୁଃଖ ଶୋକେ
ଅଟକି ତୁମେ ନିରାଶ
ପାଇବ ଶାନ୍ତି, ପାଇବ ତୃପ୍ତି
ଯୀଶୁ ପାଶେ ଫେରି ଆସ … (ଘୋଷା)
ତୁମ ହୃଦୟ ର ସବୁ ଦୁଃଖ
ତୁମ ଜୀବନର ସବୁ ବୋଝ
ତୁମ ସମସ୍ୟା ଓ ଚିନ୍ତା ଦୁଃଖ
ଦୂର କରି ଯୀଶୁ ଦେବେ ସୁଖ (୨ ଥର)
ଶାନ୍ତି ରାଜା ଯୀଶୁ ଜଗତ କରତା
କରନ୍ତି ନାହିଁ ନିରାଶ… |୧|
ଯୀଶୁ ଯେ ପ୍ରେମର ନିରିଝର
ଯୀଶୁ ପାପ କ୍ଷମାର ଭଣ୍ଡାର
ଆମକୁ ଦେବାକୁ ସବୁ ସୁଖ
ଭୋଗିଲେ କୁଶରେ କେତେ ଦୁଃଖ
ଚିର ଜୀବନ ନିରିଝର ସେ ତ
ଅମୃତ … ତାଙ୍କ ପୟର … |୨|