ଯୀଶୁ ନାମ ଗାଇଯିବା ସେ ପବିତ୍ର ନାମ
ଯୀଶୁ ନାମ କହିଯିବା ସେ ପବିତ୍ର ନାମ
ଏକ ମାତ୍ର ସେ ନାମ ଦିଏ ନୂଆ ଜୀବନ
ତ୍ରିଭୁବନେ ନାହି ଆଉ ସେ ନାମ ସମ (ଘୋଷା)
ହୃଦେ ନେଇ ଯୀଶୁ ନାମ କରିବା ଧାନ
ଅତୁଳ ଅମର ସେହି ସୁଧା ନାମ
ଅମୃତ ନିଝିର ସେ ଯେ ବହେ ଝର ଝର
ଅଟଇ ସେ ମିଷ୍ଟତମ ସେ ଯୀଶୁ ନାମ
ଯୀଶୁଙ୍କ ଚରଣେ
ନେବା ଆଜି ଶରଣ || ୧ ||
ସେ ନାମରେ ଅଛି ପ୍ରେମ ସେ ନାମେ ମିଳନ
ସେ ନାମରେ ଲଭେ ପାପୀ ଅନନ୍ତ ଜୀବନ
ସେ ନାମରେ ଭୟ ଦୁଃଖ ଦୂର ହୁଏ ଜାଣ
ସେ ନାମରେ ଅଛି ଶକ୍ତି ଶାନ୍ତିର ସନ୍ଧାନ
ଯୀଶୁ ନାମେ ହେଉ ସଦା
ମହା ଜୟଗାନ || ୨ ||
Leave a Reply