ହେ ଈଶ୍ଵର, ପରମେଶ୍ଵର
ଖୋଜୁଛି ତୁମକୁ ମୋ ଅନ୍ତର
ଏହି କ୍ଲାନ୍ତିକର ସ୍ଥାନରେ, ଜଳଶୁନ୍ୟ ଶୁଷ୍କ ପ୍ରାନ୍ତରେ
ତୁମ ପାଇଁ ତୃଷିତ ମୋ ପ୍ରାଣ, ଆକାଂକ୍ଷିତ ଅଟେ ମୋ ଶରୀର (ଘୋଷା)
ପବିତ୍ର ଧାମରେ ମୁଁ ଦେଖୁଛି ପରାକ୍ରମ ଗୌରବ ତୁମ୍ଭର
ଜୀବନ ଅପେକ୍ଷା ଯେ ଉତ୍ତମ ସ୍ନେହପୂର୍ଣ୍ଣ କରୁଣା ତୁମ୍ଭର
ସାରା ଜୀବନ ସ୍ତୁତି କରିବି…ତୁମ୍ଭ ନାମେ ହସ୍ତ ମୁଁ ତୋଳିବି
ସାରା ଜୀବନ ସ୍ତୁତି କରିବି… ପରିତୃପ୍ତ ହେବ ପ୍ରାଣ ମୋର || ୧ ||
ଶଯ୍ୟାରେ ଥାଇ ତୁମ୍ଭକୁ ସ୍ମରେ ଧାୟ ତୁମ୍ଭକୁ ପ୍ରତି ପ୍ରହରେ
ଯେହେତୁ ତୁମେ ମୋର ସହାୟ ଗାନ କରିବି ପକ୍ଷ ଛାୟାରେ
ତୁମ ସାନ୍ତି ମୋ ପ୍ରାଣ ରହେ ଦକ୍ଷିଣ ହସ୍ତ ଯେ ତୋଳି ଧରେ
ତୁମ ସାନ୍ତି ମୋ ପ୍ରାଣ ରହେ ପ୍ରଶଂସା କରିବ ମୋ ଅଧର || ୨ ||
Leave a Reply