ଯୁବା ମେଷ ପବିତ୍ର ଖ୍ରୀଷ୍ଟ ଯୀଶୁ ପ୍ରଭୁ ଯୁଦ୍ଧରେ ବୀର ତୁମେ ସ୍ବୟମ୍ଭ
ତବ ଶ୍ରୀ ଛାମୁରେ ଆଶୁ ଦିଅ ବାରେ ଏ ଦୀନ ପାପୀ ଜନଙ୍କୁ (ଘୋଷା)
ଯୁବା ଜୀବନରେ ସମ୍ମୁଖ ଯୁଦ୍ଧରେ ଦାଉଦ ନାମ ରଖିଥିଲା
ପରମେଶ୍ଵରଙ୍କ ମନ ମୁତାବକ ଯୁଦ୍ଧରେ ଜୟୀ ହୋଇଥିଲା
ପରମେଶ୍ୱର ପକ୍ଷେ ଯୁଦ୍ଧ କରିବାକୁ ନିଜ କୌଶଳ ଦେଲ ତାଙ୍କୁ || ୧ ||
ଯୁବା ସିଂହ ସିଏ ଆମ ଖ୍ରୀଷ୍ଟ ସେ ତ ଅଟନ୍ତି ସଂଗ୍ରାମରେ ବୀର
ଭୟ ନାହିଁ ଆଉ ଜୟ କରିବାକୁ କଟି ବନ୍ଧନ ଦୃଢ଼ କର
ସପକ୍ଷେ ଅଛନ୍ତି ସାହାସ ଦିଅନ୍ତି ବିଶ୍ବାସରେ ଚାଲୁ ଆଗକୁ || ୨ ||
ମହିମାରେ ପୁରିଛି
ମୋର ସେହି ଯୀଶୁଙ୍କ ନାମ
ଗଉରବେ ଭରିଛି
ମୋର ସେହି ଯୀଶୁଙ୍କ ନାମ (ଘୋଷା)
ଚିର ମଧୁମୟ, ଚିର ପ୍ରେମମୟ ତାଙ୍କର ଅପାର ଦୟା
ସଦା ଲୋଡୁଥିବି, ସଦା ମାଗୁଥିବି ମୋ ଜୀବନେ ତାଙ୍କ ଛାୟା
ଯେବେ ତାଙ୍କୁ ଚାହେଁ, ଜ୍ୟୋତି ଝରୁଥାଏ
ପ୍ରଭୁ ସେ ମହାମହିମ
ମନେ ମନେ ଭାଳେ, ସତେ ନେବେ କୋଳେ
ମୋର ସେ ପ୍ରଭୁ ପରମ || ୧ ||
ଅନେକ ଆଶାର, ଅନେକ ଖୁସିର ସ୍ଵର୍ଗ ସୁରଭି ସିଏ
ତାଙ୍କରି ପରଶେ, ନିରାଶ ଜୀବନେ ସରସତା ଭରିଯାଏ
ସୁନ୍ଦର ଠାରୁ ସୁନ୍ଦର ସିଏ
ସେଇ ଯେ ସୁନ୍ଦରତମ
ତାଙ୍କ ପାଦେ ମନ ଅରପଣ କରି
ସାର୍ଥକ ହେଉ ଜନମ || ୨ ||
ମହିମା ହେଉ ତୁମ୍ଭର ହେ ପରମ ଈଶ୍ବର
ପ୍ରଶଂସା ହେଉ ତୁମ୍ଭର ହେ ପରମ ଈଶ୍ବର
ତୁମ୍ଭେ ଅନାଦି ଅନନ୍ତ ତୁମ୍ଭ ଅସୀମ ଅମୃତ
ହାଲ୍ଡଲୁୟା ହାଲେଲୁୟା ହାଲେଲୁୟା ହାସ୍ନେଲୁୟା
ହାଲ୍ଲେଲୁୟା ହାଲ୍ଡଲୁୟା ହାଲେଲୁୟା ହୋଶାନ୍ନା (ଘୋଷା)
ଏ ଆକାଶ ତଳେ ମନୁଷ୍ୟ ମଧ୍ୟରେ
କେହି ନାହିଁ ତାଙ୍କ ସମ
କ୍ଷମାର ସାଗର କରୁଣାର ଧାର
ସେହି ଏକା ଯୀଶୁ ନାମ || ୧ ||
ଆସ ଆଜି ପ୍ରଭୁ ହୃଦୟ ମନ୍ଦିରେ
ତୁମ୍ଭ ମୋର ପ୍ରାଣ ଧନ
ଗାଉଥିବି ନିତି ପ୍ରଶଂସାର ଗୀତି
ତୁମେ ମୋର ପରିତ୍ରାଣ || ୨ ||
ମହିମା ସଦା ପ୍ରଭୁଙ୍କର…ସଂଭ୍ରମ ସଦା ପ୍ରଭୁଙ୍କର
ଧନ୍ୟବାଦ ଗଉରବ ଯୁଗେ ଯୁଗେ ତାହାଙ୍କର
ହାଲୁୟା..ହାଲିଲୁୟା..ହାଲିଲୁୟା.. (ଘୋଷା)
ତାହାଙ୍କ ଉଦ୍ଦେଶେ ଗାନ କର, ତାହାଙ୍କ ପ୍ରଶଂସା ଗାନକର
ପରାକ୍ରମ, ଧନ, ଜ୍ଞାନ, ଯୁଗେ ଯୁଗେ ତାହାଙ୍କର || ୧ ||
ଜଗନ୍ତିବାସୀ ଉଠାଅ ସ୍ଵର, ସର୍ବେ ଦେଇ ଉଚ୍ଚ କରତାଳ
ମଙ୍ଗଳମୟ କରୁଣାମୟ ସେ ନାମେ ଉଲ୍ଲାସ କର || ୨ ||
ଅନନ୍ତ ସ୍ଥାୟୀ ଧର୍ମ ତାଙ୍କର ବିଧି ସକଳ ତାଙ୍କ ଅଟଳ
ତାହାଙ୍କ ନାମ ଆଦରଣୀୟ ସେ ନାମେ ପ୍ରଶଂସା କର || ୩ ||
ମହିମାମୟ ପ୍ରଭୁ ପ୍ରଶଂସନୀୟ ପ୍ରଭୁ
ପୂଜା ବନ୍ଦନା କରୁଥିବି ସଞ୍ଜ ସକାଳେ ମୁଁ ଆରାଧନା….( ୪ ଥର)
ପ୍ରିୟ ପ୍ରଭୁ ଯୀଶୁଙ୍କର ମୋ ପ୍ରଭୁ ଯୀଶୁଙ୍କର…. (ଘୋଷା)
ପବିତ୍ର ଆତ୍ମା ଓହ୍ଲାଇ ଆସ ଶକ୍ତି କର ପ୍ରକାଶ
ଜୀବନ ମମ ହୋଇବ ଧନ୍ୟ ଦିଅ ତୁମ ଆଶିଷ….|| ୧ ||
ମନ, କର ପ୍ରଭୁ ସ୍ତବ ଗାନ ପୂଜା
ସେ ମହାମହିମ ସର୍ବଶକ୍ତିମାନ ଗୌରବ ବିଶିଷ୍ଟ ରାଜା (ଘୋଷା)
ପ୍ରଭୁ ସ୍ତବ କର, ଆରେ ମନ ମୋର, କରନ୍ତି ସର୍ବ ଶାସନ
କରୁଣା କରି ସେ କରନ୍ତି ତୋହର ଅସଂଖ୍ୟ ପାପ ମୋଚନ || ୧ ||
ପ୍ରଭୁ ସ୍ତବ କର, ଆରେ ମନ ମୋର, ସେ କଲେ ତବ ସୃଜନ
ତାବତ ରୋଗ ସେ କରି ଉପଶମ କରନ୍ତି ତୋର ପାଳନ || ୨ ||
ପ୍ରଭୁ ସ୍ତବ କର, ଆରେ ମନ ମୋର, ସେ କରି କରୁଣା ଦାନ
ବୃଷ୍ଟି ରୂପ ବର୍ଷାଇଣ ପ୍ରେମ-ଧନ କରନ୍ତି ତୃପ୍ତ ତୋ ମନ || ୩ ||
ପ୍ରଭୁ ସ୍ତବ କର, ଆରେ ମନ ମୋର, ନ ପାଶୋର ତାଙ୍କ ପ୍ରେମ
ଆହେ ସର୍ବ ପ୍ରାଣୀ, କରି ଜୟନି ଗାନ କର ପ୍ରଭୁ ନାମ ||୪||
ଭୁଲି ପାରିବି କି ସେ ପ୍ରିୟ ଯୀଶୁ ମୁଖ
ଯାହା ବିରହେ କ୍ଷଣେ ଫାଟିଯାଏ ବୁକ (ଘୋଷା)
ଯଦି କ୍ଷଣେ ମୁଁ ଭୁଲିଯାଏ ସେହି ଆନନ
ଅନ୍ଧାର ଦିଶୁଥାଏ ତ୍ରିଭୁବନ
(ଆହା) ସେହି ମୋ ଚାରୁ ମୁଖ, ହରେ ଗୋ ସବୁ ଦୁଃଖ
ପାଇ ତାହାଙ୍କୁ ପାଏ ଶାନ୍ତି ସୁଖ || ୧ ||
ସଂସାରେ ପଡ଼ିଯାଏ ମୁଁ ପୂଣ୍ଠିବାତେ
ଉଠାନ୍ତି କି ସୁହାଗେ ଧରି ହାତେ
(ଆହା) ଭୁଲିଯାଏ କଷଣ, ନାଚେ ମୋ ପ୍ରାଣ ମନ
ଆନନ୍ଦ ପାଶୋରଇ ସବୁ ଦୁଃଖ || ୨ ||
ଭଲ ଲାଗେ ମୋତେ ଯୀଶୁ ନାମ…ଯୀଶୁ ନାମ
ଭଲ ପାଏ ଯାହାକୁ ମୋର ପ୍ରାଣ
ନିତି ଖୋଜେ ଯାହାକୁ ମୋର ପ୍ରାଣ
ସେଇ ତ ଯୀଶୁ ନାମ (ଘୋଷା)
ପାଇଲି ଯେବେ ତାଙ୍କ ପ୍ରେମ ତାଙ୍କ ପ୍ରେମ
କଳଙ୍କ ମନ ହେଲା ପୁଣ୍ୟ ହେଲା ପୁଣ୍ୟ
ତେବେ କେମିତି ଭୁଲିବି ସେଇ ନାମ…ସେଇ ତ ମୋ ପ୍ରିୟତମ || ୧ ||
ତାଙ୍କ ନିକଟେ ବିତିଲେ ଦିନ ମିଳଇ ଶାନ୍ତି
ପ୍ରାଣେ ସୁଖ ସେହି ପ୍ରେମିକ ମୋ ସହାୟକ
କରେ ମୁଁ ସଦା ତାଙ୍କ ଧାନ
ସେ ଏକା ସାଥୀ ମୋ ଜୀବନର…ସୁଖ ଦୁଃଖରେ ଅତି ନିଜର || ୨ ||
ବେଶଟିକୁ ବଦଳାଇ କି ଲାଭ ପାଇବୁ ଭାଇ
ଅନ୍ତର ନ ବଦଳିଲେ ସରଗେ ନ ପାରୁ ଯାଇ (ଘୋଷା)
କେତେ ହେଉ ତୁ ସୁବେଶ ମହାକାଳର ସଦୃଶ
ମରମ ହେଲେ ପ୍ରକାଶ ସରମେ ମରିବୁ ତୁହି || ୧ ||
ଦାନ ଧାନ ପୋଷାକରେ ଲୁଚୁ ତୁ ବଡ଼ ଚତୁରେ
ଧରା କି ପଡ଼ିବୁ ନାହିଁ ସର୍ବଦଶୀ ପାଶେ ଭାଇ || ୨ ||
ଦେଖାଇ ହଟଚମଟ ନାଶ କରନା ଜଗତ
ତୋ ଲାଗି ଦେଇଛି ପ୍ରାଣ କୁଶେ ଜଗତର ସାଇଁ || ୩ ||
ମନ ଦେଇ ପାଠ କର ଧର୍ମ ଗ୍ରନ୍ଥ ପ୍ରତିଦିନ
ଯତନେ ହୃଦୟେ ଧରି ଜୀବନେ ଦିଅ ଫୁଟାଇ ||୪||
ଯୀଶୁରେ ହେଲେ ମିଳନ ବଦଳିବ ତୋ ଜୀବନ
ବାହାର ସୌନ୍ଦର୍ଯ୍ୟ ତୋର ଲୋଡ଼ା ଆଉ ହେବ ନାହିଁ ||୫||
ବୁହାଇ ଦେଇଛି ପ୍ରିୟ ମୋର
କାଲବରୀରେ ତୁମ ରକତ
କ୍ଷମା ମୁଁ ପାଇଛି ଅବିରତ
ପାପ ଯା କରିଛି ଅଗଣିତ (ଘୋଷା)
ଦେଇଛି ପ୍ରତିଜ୍ଞା ମୁଁ ତୁମକୁ ଯୀଶୁ ବାର ବାର
କରିବିନି ପ୍ରଭୁ ଏ ଜୀବନେ ପାପ ଆଉ ଏ ଥର
ଠକିଲା ପୁନଃ ଏ ଜଗତ
ଯାଠାରେ ରହିଛି ପାପ ଅସତ
ହାୟ ମୁଁ ପଡ଼ିଯାଏ ଶତ ଶତ || ୧ ||
କ୍ଷମା ଦିଅ ନାହିଁ ଏ ଜୀବନେ ପ୍ରଭୁ ଗୋ ଏ ଥର
ଶାସନ ବାଡ଼ିରେ କର ମୋତେ ପ୍ରେମର ପ୍ରହାର
ଧରି ଚାଲିବି ତୁମର ହାତ
ହୋଇ ତୁମଠାରେ ସମର୍ପିତ
ହାୟ ଏ ଇଚ୍ଛା ମୋର ସତତ || ୨ ||
ରହିଛି ଅନାଇ ଯୀଶୁ ମୋର ତୁମ ଆସିବାର
ନେବ ସାଥେ ସାଥେ ପ୍ରଭୁ ମୋତେ
ସେହି ଅଭୁଲା ନଗର
ନ ଥିବ ପାପ ତହିଁ ଉପସ୍ଥିତ
ଦେଖୁଥିବି ତୁମ ମୁଖ ନିରତ
ପ୍ରଭୁ ଗାଉଥିବି ନୂତନ ସଂଙ୍ଗୀତ || ୩ ||