ଜାଗି ଉଠ ମଙ୍ଗଳ ଗୀତ ଗାଇ ସ୍ତୁତି କରି ପ୍ରଭୁଙ୍କ ମହିମା ପାଇଁ
ପ୍ରୀତିର ସୁରଭି ଢାଳି ଜାଳି ଅନ୍ଧାରେ ଆଲୋକ ଜାଳି ଜାଳି
ଅନୁସରି ଯାଅ ମୁକତିର ମଶାଲ ଧରି କେହି ନାହିଁ ତାଙ୍କ ପରି
ନେବେ ଶୋକ ପାପ ହରି….(ଘୋଷା)
ନୂତନ ଜୀବନ କୋମଳ ପରାଣେ ଆନନ୍ଦରେ ଉଠୁ ମାତି
ତାଙ୍କରି ପ୍ରେମର ମଧୁର ଗୀତିରେ ଲଭି ନୂଆ ଅନୁଭୂତି
ପ୍ରୀତି ଭରା ଅନୁରାଗ ଯୀଶୁ ନାମ ଗାଇ ନିତି
ଜାଗି ଉଠ ମଙ୍ଗଳ…. |୧|
ତାଙ୍କରି ଦିନରେ ଧରଣୀ ବୁକୁରେ ଆସିବେ ପ୍ରଭୁ ଅବତରି
ନିରାଶ ଅନ୍ତରେ ଝରିଯିବ ତାଙ୍କ କରୁଣାର କୃପା ବାରି
ଆଶା ଭରା ଆକାଶରେ ସବିତା ଉଇଁବ ନିତି
ଜାଗି ଉଠ ମଙ୍ଗଳ….|୨|
ଜାଗରେ…ଜା…ଗ..ରେ.. ହେ… ଜାଗ…
ଜାଗରେ ଜନତା ଆଜି ଜାଗରେ ଜାଗ ମନ ପ୍ରାଣ ଆତ୍ମାରେ
ଦୂତ ସାଧୁ କିରୁବ ସଙ୍ଗେ ତୁରୀ ବାଦ୍ୟ ଧ୍ୱନି ତରଙ୍ଗେ…ହୋ
ଦେଖ ଦେଖ ଯୀଶୁ ରାଜା ଆସୁଛନ୍ତି,
ମେଘରଥେ ବରବେଶ ସାଜିଛନ୍ତି ଚାଲ ଭେଟିଯିବା ସରବେ … (ଘୋଷା)
ନିଜ ପରାକ୍ରମେ, ମହା ଗୌରବରେ
କରିବେ ବିଚାର ସେ ଯେ ମ ଆକାଶରେ
କେଡ଼େ ଶବଦରେ କେଡ଼େ ଭୟଙ୍କରେ
ଚମକିବ ଧରା ଧାମ ସେହି ମହାଦିନରେ…( ୨ ଥର)
ମସ୍ତକେ ମୁକୁଟ ପିନ୍ଧିଣ କରିହସ୍ତେ ଖଡ୍ଗ ଧାରଣ..ହୋ….
ଦେଖ ଦେଖ ଯୀଶୁ ରାଜା ଆସୁଛନ୍ତି … |୧|
ନାହିଁ ଆଉ ବେଳ ନାହିଁ ଆଉ କାଳ
ନାହିଁ ଆଉ ଦିନ ମାସ ବରଷ ସମୟ
ସଜବାଜ ହୋଇ ଚାଲରେ ଆଗେଇ
ସେ ସିୟୋନ ପଥେ ସର୍ବେ ପହଞ୍ଚିବା ଯାଇ…(୨ ଥର)
ଯେତେ ପାପୀ ଥିବେ ଧରାରେ ଭୋଗିବେ ଦୁଃଖ ନରକରେ..ହୋ..
ଦେଖ ଦେଖ ଯୀଶୁରାଜା ଆସୁଛନ୍ତି….. |୨|
ଜୟ ପ୍ରଭୁ ଯୀଶୁ, ଜୟ ପ୍ରଭୁ ଯୀଶୁ,
ଜୟ ଜୟ ସତ୍ୟାସନାତନ ହୋ
ଜଗତ ତାରଣ କରଣ କାରଣ
ଆସିଲେ ଏ ମ ଭୁବନ ହେ …(ଘୋଷା)
ଅଭୁତ ମହିମା ଜଗତେ ପ୍ରକାଶିଲେ, କେ ପାରେ କରି ତା ବର୍ଣ୍ଣନା ହେ ?
ସହସ୍ର ରସନା କରିଲେ ହେ ଘୋଷଣା, ଶେଷ ନୋହିବ ବର୍ଣ୍ଣନା ହେ .. |୧|
ଭକ୍ତର ପ୍ରାଣ, ଭକ୍ତର ଜ୍ଞାନ, ଭକ୍ତର ଅମୂଲ୍ୟ ଧନ ହେ,
ପତିତପାବନ ଭକ୍ତର ଭୂଷଣ, ଧନ୍ୟ ଈଶ୍ବର ନନ୍ଦନ ହେ … |୨|
ଚେନା ଚେନା ମେଘ ରଥା
ଆସିବେ ମୋ ରାଜନ
କି ଦେଇ ତୋଷିବି ତାଙ୍କ ଅନୁପମ ବଦନ… (ଘୋଷା)
ଗାଇଯିବେ ନାଚିଯିବେ କିରୁବ ଦୂତଗଣ ହେ
କି ଶୋଭନୀୟ ଦିଶିବ ଆଦର ସୀମାହୀନ ହେ
ଫାଟିଯିବ କବରୁ ଉଠିବେ ବିଶ୍ବାସୀଗଣ ….|୧|
ସୂର୍ଯ୍ୟ ଚନ୍ଦ୍ର ନକ୍ଷତ୍ର ଶ୍ରୀପାଦ ତଳେ ଲୋଟିବେ ହେ
ଜୀବଜନ୍ତୁ ପଶୁପକ୍ଷୀ ତାଙ୍କ ନାମେ ଗାଇବେ ହେ
ତୁରୀ ଧ୍ବନୀ କମ୍ପିବ ଏ ଧରାପୃଷ୍ଣ ସେ ଦିନ … |୨|
ଆସ ସର୍ବେ ହେବା ଠୁଳ, ହେଲା ବର ସମୟ ହେ
ଜାଗ୍ରତେ ତଇଳ ଭରି କରି ରାତ୍ରି କ୍ଷେପଣ ହେ
ସଫଳିବ-ଭାବବାଣୀ ନିଶ୍ଚ ହେବ ସମ୍ପନ୍ନ … |୩|
ଚିରଦିନ ପ୍ରିୟ ଯୀଶୁ ମୁଁ କେବଳ ତୁମରି
ପଛେ ପଛେ ଗୁଲୁଥିବି ଜଗତକୁ ପାଶୋରି … (ଘୋଷା)
ଯଦି ପାଶେ ଆସେ ମୋର ବିପଦ ସଙ୍କଟ ଭୟ
ଯୀଶୁ ତବ ମହା ନାମେ ଲଭିବି ମୁଁ ଜୟ … |୧|
ଯଦି ବିଜନେ ଏକାକୀ ରଖ ମୋତେ ଯୀଶୁ ହେ
ତୁମରି ମଧୁର ରବେ ଲଭିବି ଆନନ୍ଦ ହେ … |୨|
ଶୋକ, ଦୁଃଖ, କ୍ରେଶ, ତାପେ ନାହିଁ ଭୟ ପରାଣେ
ତବ ପ୍ରେମେ ମଜି ପ୍ରାଣେ ନ ଡରିବି ମରଣେ … |୩|
ଯେବେ ବନ୍ଧୁ ପରିଜନେ ତ୍ୟଜି ଯାନ୍ତି ହେ ଦୂରେ
ଚାଲିଥିବି ପଛେ ତୁମ ଯୀଶୁ ନାମେ ସାହସେ … |୪|
ଚନ୍ଦ୍ର, ସୂର୍ଯ୍ୟ, ତାରା ଥିଲେ କି ଲାଭ ହେବ ?
ଜଗତରେ ଯେବେ ତାଙ୍କ ଜ୍ୟୋତି ନୋହିବା
ମଣିଷ ଯେପରି ସାରା ଜଗତ ଜିଣେ
ଧନ, ଜନ, ମାନ ପାଇଁ ଆତ୍ମା ହରାଏ
ଜଗତରେ ବଞ୍ଚି ତାର କି ଲାଭ ହେବ ? …(ଘୋଷା)
ସମୟ ଅଛିରେ ଏବେ ବାଟକୁ ଫେର
ଯୀଶୁ ତୋତେ ଡାକୁଛନ୍ତି ଦେଇ ରୁଧିର
ଫେରି ଅନା ଶୁଣି ସେହି କରୁଣା ସ୍ଵର
ସେ ଅଧରୁ ଝରୁଅଛି ଜୀବନ ଝର ! … |୧|
କୁପଥ୍ୟ ଗମି ଯେବେ ତୁ ଲଭିବୁ ଧନ
ବୃଥା ତୋ ଜୀବନ ଏହି ମଣିଷ ପଣ
ମଣିଷ ପଣରେ ତୋର ଏତେ ଗରିବ
ଲୁଚି ଯାଆନାରେ ତୋତେ ଦେଖେ ଦଇବ … |୨|
ଗୋଟିଏ ସ୍ରୋତ ରକ୍ତର ଝରୁଅଛି କୁଶେ,
ଯେଡ଼େ ପାପୀ ହିଁ ଡୁବିଲେ ତା କଳଙ୍କ ନାଶେ … |୧|
ମୋର ବିଶ୍ବାସ କୃଶରେ, କଲେ ରକ୍ତଦାନ
ମୋ ପରା ପାତକୀ ଯେହ୍ନ ଲଭେ ପରିତ୍ରାଣ …(ଘୋଷା)
ସେ ସ୍ରୋତ ଦେଖି ଦମ୍ଭୀର ଶାନ୍ତି ହେଲା ମନେ
ହେଲେ ହେଁ ମୁଁ ଅଭାଜନ ବଞ୍ଚିବି ତେସନେ … |୨|
ସେ ମେଷ ରକ୍ତର ଶକ୍ତି ସରୁନାହିଁ କିଛି
ଯିବା ଯାଏ ଭକ୍ତ ସ୍ୱର୍ଗ ପ୍ଲାବିତ ହେଉଛି … |୩|
ସେ ସ୍ରୋତେ ଦେଖି ବିଶ୍ଵାସେ କରେ ଜୟଗାନ
ଗାଇ ଯିବି ମୁଁ ହରଷେ ତା’ରି କୃତ ପ୍ରାଣ … |୪|
ଯାଉ ନିସ୍ତେଜ ଏ ରସନା ନିରବ କବରେ
ଗାଇବି ଗାନ ଏ ବାସନା ସ୍ଵର୍ଗ ମୁଁ ସୁରେ … |୫|
ଗାଅ ହାଲିଲୁୟା ଗାଅ ହୋଶାନ୍ନା
ପ୍ରଭୁଙ୍କର ନାମେ ସ୍ତୁତି ବନ୍ଦନା
ଧନ୍ୟବାଦ ତାଙ୍କୁ ଦେବାକୁ ଭୁଲି ଯାଅନା ହୋ..ହା.. (ଘୋଷା)
ଉଛୁଳି ଉଠୁଛି ଉତ୍ତମ ବିଷୟେ ଆମରି ଏହି ହୃଦୟ
ତବ ବରଦାନ ଆମ ଏ ଜୀବନେ ( ୨ ଥର)
ଦେଉଅଛୁ ଭକ୍ତି ଲୟ ହେ ପ୍ରେମମୟ
ସଦାପ୍ରଭୁ ପ୍ରେମମୟ…ହା..ହା… |୧|
ମନୋନୀତ କରିଛ ମାତାଙ୍କ ଗର୍ଭରୁ ତୁମରି ଯୋଜନା ପ୍ରେମେ
ତୁମେ ହିଁ ଆମର ମହାନ ଆଶ୍ରୟ ( ୨ ଥର)
ତୁମେ ନିକଟ ସହାୟ ହେ ଦୟାମୟ
ସଦାପ୍ରଭୁ ପ୍ରେମମୟ…ହୋ…ହା… |୨|
ଖ୍ରୀଷ୍ଟିୟାନ୍ ଜୀବନ ସୁନା ପରି ଜୀବନ
ହୀରାପରି ଜଳୁଥିବା
ସେ ପ୍ରଭୁ ଯୀଶୁ ଜୀବନ ଦେଲେ
ଆନନ୍ଦ ଦେଲେ
କେଡ଼େ ମହାନ ସେ ଅଟନ୍ତି …(ଘୋଷା)
ଖ୍ରୀଷ୍ଟଙ୍କ ମଣ୍ଡଳୀ ଦୀପପରି ଜଳିବା
ଧରା ବୁକେ ଆଲୋକ ଦେବା
ସେହି ଆଲୋକ ସାରା ଜଗତେ ଚମକି ଯିବା
ସେ ଆଲୋକ ଜ୍ବଳୁଥିବ … |୧|
ପବିତ୍ରଆତ୍ମା ଜ୍ଞାନ କଥା କହନ୍ତି
ସତ୍ୟ ପଥେ ସେ ନିଅନ୍ତି
ସଦାସର୍ବଦା ସଙ୍ଗରେ ରହି ଚେତନା ଦେଇ
ଯୀଶୁଙ୍କ ପାଶେ ନିଅନ୍ତି … |୨|
କୁଶ ପରେ ଦେଖ କିଏ
ରୁଧିରରେ ଅଙ୍ଗମଖା
କଣ୍ଟାମୁକୁଟ ଶିରେ “ଯିହୁଦୀରାଜ” ଆଖ୍ୟା ଲେଖା …(ଘୋଷା)
ଅଗତିର ଯିଏ ଗତି ତାଙ୍କୁ ହେଲା ଏ ଦୁର୍ଗତି
କାଷ୍ଠ ସଂହାସନେ ସ୍ଥିତି ଏହାକି ନେତ୍ରେ ଯାଏ ଦେଖା …|୧|
ଶିରେ ନାହିଁ ଉପାଧାନ କୁଶୋପରେ ଲମ୍ବମାନ
ଯାତନାରେ କାତର ପ୍ରାଣ ହସ୍ତ ପଦେ କଣ୍ଟାବିନ୍ଧା …. |୨|
ଅଦୂରେ ସୃଜନଗଣ କରି ମୁଖ ନିରୀକ୍ଷଣ
କରୁଛନ୍ତି କ୍ରନ୍ଦନ ବ୍ୟାକୁଳେ ସରିବେ ତଥା … |୩|