କାହିଁ ଆଗମନ ନ କୁହରେ ମନ
ଆସିବେ ନିଶ୍ଚ ଆସିବେ ସେ
ଆସିବେନି ବୋଲି ନ ଯାଅ ତୁ ଭୁଲି
ଆସୁଛନ୍ତି ସେ ଗୌରବେ… (ଘୋଷା)
ମହା ଆନନ୍ଦରେ ଦୂତ ତୁରୀ ବାଦ୍ୟ
ମେଘ ରଥେ ସେ ଆସିବେ
ରୂପାନ୍ତରିତ ବିଶ୍ୱାସୀ ହୋଇବେ
ମୃତ କବରୁ ଉଠିବେ
ମଧ୍ୟ ଆକାଶରେ ବିବାହ ଭୋଜରେ
ନିଶ୍ଚେ ବିଶ୍ବାସୀ ଭୋଗିବେ… |୧|
ମହା ଭୟଙ୍କର ହେବ ସେହି ଦିନ
ଯେତେ ସବୁ ପାପୀ ପାଇଁ
ନ ପାଇବେ ରକ୍ଷା ସେହି କ୍ରୋଧ ଦିନେ
ଲୁଚି ନ ପାରିବେ କେହି
ତେଜି ପାପ ଦୋଷ ସତ୍ୟ ପଥେ ଆସ
ତେବେ ସେ ରକ୍ଷା କରିବେ… |୨|
ମାଟିର ମଣିଷ ମାଟିରେ ମିଶିବ
ଚିରଦିନ ତ ରହିବ ନାହିଁ
ଯିଏ ଆପଣାର ସବୁ ହେବେ ପର
କେହି ସଙ୍ଗତେ ରହିବେ ନାହିଁରେ
ଚିରଦିନ ତ ରହିବ ନାହିଁ… (ଘୋଷା)
ହେବରେ ଅନ୍ଧାର ଏ ମାୟା ସଂସାର
ମୃତ୍ୟୁର ଶବଦ ଶୁଭିବ
ମରିବାର ପାଇଁ ଖୋଜିବୁରେ ତୁହି
ତୋ ନିକଟୁ ସେ ଚାଲିଯିବ
ଜଗତ ସମ୍ପଦ ତୋତେ କି ରଖିବା
ବୁଲି ମରିବୁ ପାଗଳ ହୋଇରେ,
ଚିରଦିନ ତ ରହିବ ନାହିଁ… |୧|
ଜନମ ହୋଇଲି ସବୁ ମୁଁ ଖୋଜିଲି
ଅନିତ୍ୟ ଏ ଜୀବନ ପାଇଁ
ସପନ ପରାଏ ସବୁ ହେଲା ମୋର
ବାୟୁର ପଛରେ ଧାଇଲି,
ମୋର ରକ୍ଷା ପାଇଁ ଭବେ ସ୍ଥାନ ନାହିଁ
ସବୁ ହରାଇ ବସିଛୁ ଏକାରେ,
ଚିରଦିନ ତ ରହିବ ନାହିଁ… I୨|
କାହାକୁ କହିବି ମନ କଥା ମୋର
ନାହିଁ କେ ଶୁଣିବାର ପାଇଁ
କୁଶରୁ ଝରୁଛି ଯା ରକତ ଧାର
ଯୀଶୁ ନାମେ ସେ ଭାବଗ୍ରାହୀ
ଯୀଶୁ ଏକା ମୋର ଗଳାର ହାର
ସେହି ଏକା ମୋ ଜୀବନ ସାଥିରେ
ଯୀଶୁ ରହିବେ ମୋ ସାଥି ହୋଇ… |୩|
ଆହୁତ ଯେଉଁ ଆହ୍ଵାନେ କରୁ ଯୋଗ୍ୟ ଆଚରଣ
ସେ ମହା ଦିନରେ ମହା ଆନନ୍ଦରେ (୨ ଥର)
ପାଇବାକୁ ପରିତ୍ରାଣ… (ଘୋଷା)
ନମ୍ରତା, ମୃଦୁତା ଦୀର୍ଘ ସହିଷ୍ଣୁତା
ପ୍ରେମର ସହିତ କ୍ଷମା ଆଚରିବା
ଶାନ୍ତି ରୂପ ବନ୍ଧନରେ ଆତ୍ମାଙ୍କର
ଐକ୍ୟ ରକ୍ଷା ପାଇଁ ଯତ୍ନଶିଳ ହେବା
ଏକ ପିତା ପରମେଶ୍ବର ଆମର
ଆମେ ତାଙ୍କରି ସନ୍ତାନ… |୧|
ଧାର୍ମିକତା ସତ୍ୟ ପବିତ୍ରତା ସମ
ବସନ କରିବା ନିତି ପରିଧାନ
ସୂର୍ଯ୍ୟ ଅସ୍ତ ହେବା ଆଗରୁ ମନରୁ
ରାଗ, ହିଂସା, କ୍ରୋଧ ସବୁ ତ୍ୟାଗ କରୁ
ଶୟତାନ ପାଇଁ ଦେବା ନାହିଁ ସ୍ଥାନ
ଖ୍ରୀଷ୍ଟ ହେବେ ଅଧ୍ୟିଷ୍ଠାନ… |୨|
ଶାନ୍ତି ଦାତା ଯୀଶୁ ରାଜା ତୁମ ପାଦେ ଏହି ଅଳି
ଦିଅ ଶକ୍ତି ଦିଅ ଭକ୍ତି ଯେହ୍ନେ ନ ପଡିବୁ ଟଳି
ତୁମ ରକ୍ତରେ କିଣା ଜନ ଆମେ
ଆଶିଷ ଦିଅ ହେ ଢ଼ାଳି… (ଘୋଷା)
ଅନ୍ଧାର ଏହି ଚଲାପଥେ ପ୍ରଭୁ
ନାହିଁ କେହି ଆମ ସାୟା
ଜୀବନ ତରୀଟି ବାହି ନେବା ପାଇଁ
ଅଳି କରୁ ନିତି ନିତି
ତୁମରି ବାକ୍ୟ ତଇଳରେ ସବୁ
ଜୀବନ ପ୍ରଦୀପ ଉଠୁ ଜଳି… |୧|
ଭୁଲିବାକୁ ଯେତେ ଅତୀତ କାଳିମା
ସାରିବାକୁ ଅମାରାତି
ଦିବାନିଶି ତୁମେ ଶିଖାଇ ଦିଅ ହେ
ଗାଇବାକୁ ଜୟ ଗୀତି
ସୁନ୍ଦର କର ଜୀବନ ସବୁରି
ଏତିକି ତୁମରି ପଦେ ଅଳି… |୨|
Click the link below to listen full song and know the tune
ପ୍ରଭୁ ଯୀଶୁ ତୁମେ ମୋତେ
କେତେ ଯେ ଭଲ ପାଇଲ
ମୋ ପାପର ପଦାଘାତ
ସବୁ ମୋ ଲାଗି ସହିଲ… (ଘୋଷା)
ପାପ ରୋଗେ ଭୋଗୀ ମୃତ ପ୍ରାୟ ହେଲି
ମୁକତି ଆଶା ତେଜିଲି
ଆଶାହୀନ ହୋଇଥିଲି ଯେବେ ମୁହଁ
ମୋ କଥା ଭାବିଲ ସରଗୁ ଅବତରିଲ… I୧I
ମୋ ପାପର ଫଳ ନିରିକ କଷଣ
ଥିଲା ବିଚାର ଲିଖନ
ମୋତେ କ୍ଷମା ଦେଲ ମୋ ପାପ ବହିଲ
କୁଶରେ ମରିଲ ମୋତେ ବଂଚାଇଲ… |୨|
କାଲବରୀର ସେ ପାଷାଣ ବୁକୁରୁ
ରକ୍ତର ଦାଗ ଲିଭିନି
କୋମଳ ଅଙ୍ଗରୁ ଝରୁଛି ରୁଧୁର
ଅଭିଯୋଗ ସେ ତ କରିନି… (ଘୋଷା)
କଣ୍ଟାର ମୁକୁଟ ମୁଣ୍ଡରେ ରହିଛି
ଦୁଇ ହାତ ଦୁଇ କଣ୍ଟାରେ ଝୁଲିଛି
ବକ୍ଷ ଭେଦ କରି ରକତ ଝରିଛି
ଦୋଷ କାହାର ସେ ଧରିନି
ମରଣକୁ ସେ ତ ଡରିନି… |୧|
ପାପ ମୋର ସବୁ କୋରଡା ସାଜିଛି
ମାଂସ ଚିରି ରକ୍ତ ପିଠିରୁ କାଡ଼ିଛି
ସେହି ଲହୁ ମୋର ପାପକୁ ଧୋଇଛି।
ଘୃଣା ମୋତେ ସେ ତ କରିନି
ଦୂରେ କେବେ ଠେଲି ଦେଇନି… I୨|
Click the link below to listen the song tune
ପ୍ରଭୁ ହେ କି ଦେଇ ପୂଜିବି ତୁମ ଚରଣ
ତୁମେ ତ୍ରାଣକାରୀ ତୁମେ ମୁକତି ରାଜନ
କି ଦେଇ ପୂଜିବି ତୁମ ଚରଣ… (ଘୋଷା)
ନାହିଁ ମୋର ଧନ ଅଟେ ମୁହଁ ଦୀନ ହୀନ
ତୁମ ପ୍ରେମ ଲାଗି ସଦା ଝରେ ମୋ ପରାଣ
ଭକତିର ଅର୍ଘ୍ୟ ଦେଇ ମୁଁ ପୂଜୁଛି ତୁମ ଚରଣ… |୧|
ହେ ବିଶ୍ୱ ମୋହନ ଧନ ଜଗତ ଜୀବନ
ତୁମେ ଈଶ ପ୍ରଭୁ ଅଟ ମୋ ହୃଦ ଚନ୍ଦନ
ତୁମରି ପ୍ରେମ-ରସରେ ମୁଁ ଗାଏ ତୁମ ଭଜନ… |୨|
ତୁମ ବ୍ୟବସ୍ଥାରେ ଆମୋଦ ଯାହାର
ସେ ଅତି ପ୍ରିୟ ତୁମରି … (ହେ ପ୍ରଭୁ)
ଦିବା ରଜନୀରେ ଧ୍ୟାନ କରେ ଯିଏ
ତୁମ ବାକ୍ୟ ହାତେ ଧରି (ହେ ପ୍ରଭୁ)… (ଘୋଷା)
ଜଳସ୍ରୋତ ପାଖେ ରୋପିତ ଯେ ବୃକ୍ଷ
ପତ୍ର ହୁଏ ନାହିଁ ଶୁଷ୍କ
ନିରୂପିତ କାଳେ ଫଳର ଧାରଣ
କର ମୋତେ ସେ ବୃକ୍ଷ ପରି… |୧|
ଦୁର୍ଜନ ନୁହଁନ୍ତି କେବେ ଚିରସ୍ଥାୟୀ
ତୁଷ ତୁଲ୍ୟ ସେ ଜୀବନ
ସାଧୁ ମଣ୍ଡଳୀରେ ସ୍ଥାନ ନାହିଁ ଯା’ର
ପଥଭ୍ରଷ୍ଟ ହେବ ତାହାରି… |୨|
ଆସିବ ଜୀବନେ ଝଡ ଅନେକ
ଥୁବାଯାଏ ଶେଷ ନିଃଶ୍ବାସ
ଲାଗି ରୁହ ସଦା ଯୀଶୁ ଚରଣେ
ଥାଅ ରଖି ଅଟଳ ବିଶ୍ବାସ… (ଘୋଷା)
ସହି ଦୁଃଖ ଯାତନା ଯୀଶୁ ଲାଗି
ଯେବେ ଝରେ ଆଖିରୁ ଲୁହ… ହୋ… ହୋ..
ରଖିଥାନ୍ତି ପ୍ରଭୁ ସେ ନେତ୍ର ଜଳ
ଦେବେ ସାନ୍ବନା ଆଶିଷ… |୧|
ଭୁଲନ୍ତିନି ସେ ଆପଣା ଦାସକୁ
ରଖିଥାନ୍ତି ମନେ ସର୍ବଦା… ହୋ… ହୋ..
ଦିଅନ୍ତି ଉତ୍ତର ପକାଇଲେ ଡାକ
କରନ୍ତି ନାହିଁ ନିରାଶ… |୨|
ପର୍ବତ ଶିଖରେ ଯେବେ ଊଦ୍ଧି ଦୃଷ୍ଟି ମୋର
ନିରାଶ ଓ ଦୁଃଖ କାଳରେ
ଆକାଶ ପୃଥିବୀର ସୃଷ୍ଟି କର୍ତ୍ତା ଯିଏ
କରନ୍ତି ମୋ ସାହାଯ୍ୟ ଦୁଃଖରେ (ଘୋଷା)
ଇସ୍ରାଏଲ ରକ୍ଷକ ନ ହୁଅନ୍ତି ନିଦ୍ରିତ
ଦିଅନ୍ତି ସାନ୍ତନା ମୋତେ ମୁଁ ଯେବେ ଚିନ୍ତିତ
ଛାୟାପରି ଥାନ୍ତି ମୋର ଦକ୍ଷିଣ ପାର୍ଶ୍ବରେ… |୧|
ଦିବସରେ ସୂର୍ଯ୍ୟ କି ବା ରାତ୍ରିରେ ଚନ୍ଦ୍ରମା
ସବୁ ତ ଅଟଇ ପ୍ରଭୁ ତୁମ ସରଜନା
କରି କି ପାରିବ କେହି ଆଘାତ ମୋ ପରେ… |୨|
ରକ୍ଷା କରିବେ ସେ ମୋତେ ସବୁ ବିପଦରୁ
କେବେ ବି କରିବେ ନାହିଁ ଦୂର ତାଙ୍କଠାରୁ
କାରଣ ସେ ମୋ ରକ୍ଷକ ଭିତରେ ବାହାରେ… |୩|