Category: Amit Badanayak

ଜାଗି ଉଠ ଅବିଳମ୍ବେ ସକଳ ଜନତା
ହେଳା କର ନାହିଁ ଆଉ ଆଗମନ କଥା
ଆସୁଛନ୍ତି ଯୀଶୁ ରାଜା ହୋଇ ସେ ତ ବିଚାର କରତା =0=

ଉତ୍ତମ ବୀହନ ଯେତେ ଫଳିଛି ଏହି ଜଗତେ
ଅମାରରେ ସଂଗ୍ରହ କରିବେ
ଯଦିବା ଫଳିଛି ସତେ ବାଳୁଙ୍ଗା ବୀହନ କେତେ
ସେ ସବୁକୁ ଅଲଗା ରଖିବେ
ସଞ୍ଚିତ ରଖିଛି ଯିଏ ଯୀଶୁଙ୍କ ବାରତା
ପାଇବ ଶେଷରେ ସିଏ ଫଳ ପ୍ରଚୁରତା
ଆସୁଛନ୍ତି ଯୀଶୁ ରାଜା ହୋଇ ସେ ତ ବିଚାର କରତା =1=

ଫଳିଅଛି ଯେଉଁ ଜନ ତିରିଶି ରୁ ଶହେ ଗୁଣ
କରିବେ ସେ ତାହାଙ୍କ ସନ୍ତାନ
ଯାହାର ଆତ୍ମା ଜୀବନ ହୋଇ ନାହିଁ ଫଳବାନ
ଖ୍ୟାତ ସେ ପାପାତ୍ମାର ସନ୍ତାନ
ଯାହାଙ୍କ ହୃଦୟେ ନାହିଁ ଦୋଷ ଦୁର୍ବଳତା
ଛୁଇଁବନି କେବେ ତାଙ୍କୁ ନରକର ବ୍ୟଥା
ଆସୁଛନ୍ତି ଯୀଶୁ ରାଜା ହୋଇ ସେ ତ ବିଚାର କରତା =2=

ଗୀତ ରଚନା ଓ ସ୍ୱର ସଂଯୋଜନା
ଅମିତ୍ ବଡ଼ନାୟକ

ସୂଚୀମାଳାକୁ ଫେରନ୍ତୁ

ସତର୍କ ଟିକେ ରୁହ
ଜୀବନ ବଦଳାଅ
ମୋହ ମାୟାରୁ ଦୂରେଇ ରୁହ
ଅଭିଳାଷରୁ ପୃଥକ ହୁଅ
ଆସୁଛି ଦୁଃସମୟ
ଯୀଶୁ ପାଶେ ରଖ ହେ ଲୟ
ଯୀଶୁ ହେବେ ସଦା ସହାୟ….=୦=

ଆକାଶମଣ୍ଡଳ ବିଚଳିତ ହେବ
ନକ୍ଷତ୍ର ସକଳ ଖସି ପଡ଼ିଯିବ
ସୂରୁଜ ଆପଣା ତେଜ ହରାଇବ
ଚନ୍ଦ୍ର ପୃଷ୍ଠ ସବୁ ରକ୍ତମୟ ହେବ
ମାଡ଼ି ଆସିବ ମହା ପ୍ରଳୟ
ସାରା ଜଗତ ହେବ ବିଳୟ
ପ୍ରାଣ ହେବ ଅଥୟ
ଯୀଶୁ ପାଶେ ରଖ ହେ ଲୟ
ଯୀଶୁ ହେବେ ସଦା ସହାୟ….=୧=

ପ୍ରଚଣ୍ଡ କ୍ରୋଧରେ ଅଗ୍ନି ବରଷିବ
ସାରା ସୃଷ୍ଟ ବସ୍ତୁ ଜଳି ପୋଡ଼ିଯିବ
ଆକାଶ ହଲିବ ପୃଥିବୀ କମ୍ପିବ
ରକ୍ତ ଅଗ୍ନି ଆଉ ଧୂମ ଦେଖାଯିବ
ଅଧର୍ମ ଯେତେ ବୃଦ୍ଧି ପାଇବ
ସବୁରି ପ୍ରେମ ଶିଥିଳ ହେବ
ସରିଯିବ ସମୟ
ଯୀଶୁ ପାଶେ ରଖ ହେ ଲୟ
ଯୀଶୁ ହେବେ ସଦା ସହାୟ….=୨=

ଗୀତ ରଚନା ଓ ସ୍ୱର ସଂଯୋଜନା
ଅମିତ୍ ବଡ଼ନାୟକ

ସୂଚୀମାଳାକୁ ଫେରନ୍ତୁ

ଯୀଶୁ ମୁଁ ତୁମକୁ ହୃଦେ ରଖିବି
ମନ ପ୍ରାଣ ଦେଇ ପୂଜା କରିବି
ସଞ୍ଜ ସକାଳେ ମୁଁ ମଧ୍ୟାହ୍ନ କାଳେ (୨ଥର)
ତୁମ ନାମ ଭଜୁଥିବି…..
ଯୀଶୁ ମୁଁ ତୁମକୁ ହୃଦେ ରଖିବି
ମନ ପ୍ରାଣ ଦେଇ ପୂଜା କରିବି…=୦=

ତୁମ ପ୍ରେମ ମୁଁ ସ୍ମରିବି
ତୁମ ଗୁଣ ମୁଁ ଗାଇବି
ତୁମ ସେବା ମୁଁ କରିବି
ତୁମ ଆଜ୍ଞା ମୁଁ ମାନିବି
ପ୍ରାତଃ କାଳରେ ଦିବା ରଜନୀରେ (୨ଥର)
ପ୍ରାର୍ଥନାରେ ଜାଗି ରହିବି…..
ଯୀଶୁ ମୁଁ ତୁମକୁ ହୃଦେ ରଖିବି
ମନ ପ୍ରାଣ ଦେଇ ପୂଜା କରିବି…=୦=

ତୁମ ରବ ମୁଁ ଶୁଣିବି
ତୁମ ବାକ୍ୟ ମୁଁ ପଢିବି
ତୁମ ପଛେ ମୁଁ ଚାଲିବି
ତୁମ ବିଧି ମୁଁ ଶିଖିବି
ସ୍ଥିର ଚିତ୍ତରେ ଭୟ ଭକତିରେ
ତୁମ ସ୍ତୁତି କରୁଥିବି …..
ଯୀଶୁ ମୁଁ ତୁମକୁ ହୃଦେ ରଖିବି
ମନ ପ୍ରାଣ ଦେଇ ପୂଜା କରିବି…=୦=

ଗୀତ ରଚନା ଓ ସ୍ୱର ସଂଯୋଜନା
ଅମିତ୍ ବଡ଼ନାୟକ

ସୂଚୀମାଳାକୁ ଫେରନ୍ତୁ

କମ୍ପି ଉଠେ ଏ ଧରାଧାମ
ନେଲେ ବୋଲି ଯୀଶୁ ଜନମ
ଝୁମି ଉଠେ ଏ ତନୁ ପ୍ରାଣ
ନେଲେ ବୋଲି ଯୀଶୁ ଜନମ
ହସୁଛି ନୀଳ ଗଗନ
ନାଚୁଛି ଗିରି କାନନ
ଆନନ୍ଦିତ ଲାଗେ ଏ ମନ
ଉଲ୍ଲସିତ ହୁଏ ଏ ପ୍ରାଣ….=୦=

ସୃଷ୍ଟି କାଳାବଧି ଯାହାଙ୍କ ବିଷୟ
ଧର୍ମ ଶାସ୍ତ୍ରେ ଥିଲା ଲିଖିତ
ପ୍ରତିଜ୍ଞାନୁସାରେ ପ୍ରତିଜ୍ଞାତ ସୂତ
କଲେ ତାହା ସଫଳିକୃତ
ପିତାଙ୍କ ଆଦେଶମାନ
ମାନିଲେ ଯୀଶୁ ରାଜନ
ଆନନ୍ଦିତ ଲାଗେ ଏ ମନ
ଉଲ୍ଲସିତ ହୁଏ ଏ ପ୍ରାଣ….=୦

ସରଗର ଦୂତ ହୋଇ ଉପସ୍ଥିତ
କହିଲେ ନ ହୁଅ ଭୟାର୍ତ୍ତ
ଅଦ୍ୱିତୀୟ ପୁତ୍ର ହୋଇଛନ୍ତି ଜାତ
ପାପ ତାପ କରିବେ ଧୌତ
ମାନବ ରୂପ ଧରିଣ
ଆସିଲେ ମର୍ତ୍ତ୍ୟ ଭୂବନ
ଆନନ୍ଦିତ ଲାଗେ ଏ ମନ
ଉଲ୍ଲସିତ ହୁଏ ଏ ପ୍ରାଣ….=୦

ଗୀତ ରଚନା ଓ ସ୍ୱର ସଂଯୋଜନା
ଅମିତ୍ ବଡ଼ନାୟକ

ସୂଚୀମାଳାକୁ ଫେରନ୍ତୁ

ଶେଷ ଘଣ୍ଟି ବାଜିଲାଣି
ମହା କ୍ଳେଶ ପାଖେ ଆସିଲାଣି
ଜାଗ ଜାଗ ଜାଗ ବନ୍ଧୁ ଗଣ ଜାଗ
ଜାଗି ଉଠ ଏହି କ୍ଷଣି
ସତର୍କର ଶେଷ ବାଣୀ
ଚଉଦିଗେ ଏବେ ଶୁଭିଲାଣି
ଶୁଣ ଶୁଣ ଶୁଣ ବନ୍ଧୁ ଗଣ ଶୁଣ
ମନ ଦେଇ ଯାଅ ଶୁଣି
ଶେଷ ଘଣ୍ଟି ବାଜିଲାଣି………=୦=

ଶୋଇବ କେତେ ନିଦ୍ରିତ ହୋଇ
କ୍ଷଣିକ ହେଲେ ସମୟ ନାହିଁ
ବିଳମ୍ବ ଆଉ ନ କର କେହି
ଜାଗ୍ରତ ହୁଅ ମନ ଫେରାଇ
ଭୂମିକମ୍ପ ଘଟିଲାଣି
ମହାଯୁଦ୍ଧ ଆରମ୍ଭ ହେଲାଣି
ଉଠ ଉଠ ଉଠ ବନ୍ଧୁ ଗଣ ଉଠ
ଚେଇଁ ଉଠ ଏହି କ୍ଷଣି………=୧=

ଏମିତି ଯଦି ହେଳା କରିବ
ତେବେ କେମିତି ରକ୍ଷା ପାଇବ
ଯୀଶୁଙ୍କୁ ଯଦି ହୃଦେ ରଖିବ
ଶେଷରେ ପରିତ୍ରାଣ ଲଭିବ
ସମୟଟା ସରିଲାଣି
ଯୁଗ ଶେଷ ଦିନ ଆସିଲାଣି
ଫେର ଫେର ଫେର ବନ୍ଧୁଗଣ ଫେର
ଫେରି ଆସ ଏହି କ୍ଷଣି………=୨=

ଗୀତ ରଚନା ଓ ସ୍ୱର ସଂଯୋଜନା
ଅମିତ୍ ବଡ଼ନାୟକ

ସୂଚୀମାଳାକୁ ଫେରନ୍ତୁ

କାନ୍ଦେ ଆଜି ମୋ ଅନ୍ତର
କଥା ଭାବି ସେ କ୍ରୁଶର (୨ଥର)
ଆହା କି ଯନ୍ତ୍ରଣା ଆହା କି ବେଦନା (୨ଥର)
ସହିଲ ହେ ପ୍ରଭୁ ମୋର (୨ଥର)…..| ୦|

କୋରଡ଼ା ପ୍ରହାରେ ପ୍ରଭୁ
ହେଲ ତୁମେ ପ୍ରହାରିତ
ସର୍ବାଙ୍ଗ ଶରୀର ତୁମ
ହେଲା ରକତେ ରଞ୍ଜିତ (୨ଥର)
ଦାରୁଣ କଷଣ ନିନ୍ଦା ଅପମାନ (୨ଥର)
ସହିଲ ହେ ଯୀଶୁ ମୋର (୨ଥର)……..|୧|

ବହି ନେଲ ନିଜ କାନ୍ଧେ
ଜଗତର ପାପ ଭାର
ଝରାଇଲ କେତେ ପ୍ରଭୁ
ତପୋତ ରୁଧିର ଧାର (୨ଥର)
ମାନବ କାରଣ ଦେଇ ନିଜ ପ୍ରାଣ (୨ଥର)
ସାଧିଲ ପ୍ରେମ ତୁମର (୨ଥର) …. |୨|

ଗୀତ ରଚନା ଓ ସ୍ୱର ସଂଯୋଜନା
ଅମିତ୍ ବଡ଼ନାୟକ

ସୂଚୀମାଳାକୁ ଫେରନ୍ତୁ