ଭାବନା କିମ୍ବା ମନ ନିରତ ?
ପ୍ରଭୁ ଅଟନ୍ତି ତୋ ପ୍ରାଣ ନାଥ । ଘୋଷା ।
କିପାଇଁରେ ମନ ହେଉ ଛନଛନ ଅସାର ଚିନ୍ତାରେ ଅବିରତ ?
ତୋର ଜନ୍ମାବଧି ସେହି ଦୟାନିଧି ସଦା ଅନୁଗ୍ରହେ କଲେ ପରିତୃପ୍ତ । ୧ ।
କିପାଇଁ ନିରାଶ, ଧର ହେ ସାହସ, ଆଗ ବଢ଼ି ଚାଲ ଧର୍ମପଥ,
ଯାର ବାହୁବଳ ଅଟେ ତୋର ଢାଲ ତାଙ୍କ ଚରଣେ ସମର୍ପି ଦେହ ଚିତ୍ତ । ୨ା
ବିପଦେ ସହାୟ ଅଟନ୍ତି ଆଶ୍ରୟ, ଆଉ କିମ୍ବା ତୋର ଭୟଚିତ୍ତ ?
ପାପ ତାପ ସର୍ବ ହୋଇବ ବିନଷ୍ଟ, ଶତ୍ରୁ ଗର୍ବବଳ ସବୁ ହେବ ନତ । ୩ ।
ରଖିବେ ସେ ଧରି କରୁଣା ଆବୋରି, ସବୁ ଶୋକ ଦୁଃଖ ଦୂର କରି,
ରାତ୍ର ଦିବସରେ ଚାହିଁ କଟାକ୍ଷରେ ପ୍ରହରୀ ରଖିବେ ସେ ଦିବ୍ୟଦୂତ । ୪ ।
ବିଷମ ଦୁର୍ଦ୍ଦଶା ସନ୍ନିକଟ କାଳେ ଦୟାରୂପ ଢାଲ ଦେବେ କରେ
ଜୀବନ ସରିକି ପାରିବେ କରି କି ପାପ ତାପ ଆଉ ଶୟତାନ ଭୂତ ?